Diewe slaan toe op Katutura-polisiekantoor

18 October 2019 | Howe
Denver Kisting – ’n Eertydse gereelde aangehoudene by die Katutura-polisiekantoor was die meesterbrein agter ’n inbraak daar verlede naweek.

Adj.komm. Edwin Kanguatjivi, die nasionale polisiewoordvoerder, het gister bevestig al vier gesteelde rekenaars is teruggevind.

Hy sê die 33-jarige Jakobus Swartbooi het die afgelope week in die Windhoek-landdroshof in Katutura skuld beken.

Hy is tot drie jaar tronkstraf gevonnis vir huisbraak met die doel om te steel en vir diefstal.

Volgens Kanguatjivi was Swartbooi dikwels by die polisiekantoor in aanhouding toe dit nog oor aanhoudingselle beskik het.

Sy vermeende makker, mnr. Ruben Gobes (26), het skuld ontken.

Hy is nie op borgtog vrygelaat nie omdat daar ’n lasbrief vir sy inhegtenisneming op ’n onverwante klag was, het Kanguatjivi gister gesê.

Die vier mense – drie volwassenes en een tiener – wat die rekenaars by die mans gekoop het, is ook in hegtenis geneem en voor die hof gedaag vir die besit van gesteelde goedere.

Kanguatjivi sê hoewel die rekenaars waarskynlik oor die naweek gebuit is, is die inbraak eers Maandag 07:00 ontdek.

Die polisie het ’n ondersoek van stapel gestuur wat tot die inhegtenisneming van ses mense gelei het, het hy gister by navraag gesê.

Swartbooi, wat oënskynlik vertroud is met die opset by die polisiekantoor, het geweet niemand word meer daar aangehou nie, sê Kanguatjivi.

Hy het toe die heining agter die polisiestasie geknip en deur die eertydse selle toegang tot die kantoor gebou bo die selle verkry.

Kanguatjivi sê Swartbooi en Gobes het waarskynlik oor ’n tydperk van twee dae die diefstal gepleeg.

Aanvanklik het hulle die eerste rekenaar vir N$80 verkoop maar toe by die daardie koper daarop beslag gelê toe mnr. Kondjashali Paulus (25) N$600 daarvoor aangebied het.

Mnr. Reinhardt Huseb (33) het glo een van die ander rekenaars vir N$500 gekoop, terwyl mnr. Arafat Newaka (28) N$300 vir die een wat hy na bewering gekoop het, opgedok het.

Toe die polisie Huseb se woning deursoek het, het hulle na bewering op dagga afgekom. Hy is ook weens dié beweerde oortreding aangekla.

Die tiener, wie se identiteit bekend is maar weerhou word, het glo N$120 vir die gesteelde rekenaar wat hy sou gekoop het, betaal.

[email protected]

Soortgelyk

 

Twee 'renosterstropers' verskyn in Gobabis-hof

55 minute gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

6 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

16 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

16 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

16 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

16 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

16 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

16 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....