Diereprodukte: Veeartseny sê watter mág ingevoer word

14 January 2019 | Landbou
Ronelle Rademeyer - Goeie nuus vir Namibiese verbruikers en boere is dat sekere diereprodukte ondanks die uitbreking van bek-en-klouseer in Suid-Afrika wel ingevoer kan word.

Dit sluit in gekookte, verwerkte vleisprodukte van gespletehoefdiere; melk en ander suiwelprodukte wat tydens verwerking verhit is; ten volle verwerkte Swakara-pelse; verwerkte trofeë; droë biltong; alle lewende diere en hul produkte wat nie gesplete hoewe het nie, soos perde; kommersieel verwerkte voere en kos vir diere; hooi afkomstig van gesertifiseerde verskaffers; en semen en embrio’s wat via Suid-Afrika van ander lande af ingevoer word.

Droë, gesoute en behandelde nat velle en huide mag ook ingevoer word. Net so mag vars, ongekookte diereprodukte van ander lande wel via Suid-Afrika na Namibië ingevoer word.

Dié aankondiging is laat Vrydag deur die direktoraat veeartsenydienste (DVS) in die ministerie van landbou, water en bosbou gemaak.

Namibië, Botswana, Zimbabwe en ander buurlande het verlede week hul grense gesluit vir die invoer van lewende diere met gesplete hoewe, asook produkte van dié diere uit Suid-Afrika toe aangekondig is bek- en-klouseer het in die Vhembe-distrik naby die Krugerwildtuin uitgebreek.

Dit is die eerste uitbereking van hierdie gevreesde dieresiekte in Suid-Afrika sedert 2011.

Die Rooivleisprodusente-organisasie (RPO) in die buurland het volgens ’n berig gister in Rapport gewaarsku as Suid-Afrika sy bek-en-klouseervrye status verloor, kan sy landboubedryf jaarlikse verliese van nagenoeg N$6 miljard ly.

Mnr. Khaye Nkwanyana, direkteur van kommunikasie in die buurland se departement van landbou, bosbou en visserye, het volgens nuusberigte gesê maatreëls is getref om seker te maak die siekte word net tot die geraakte gebied beperk en versprei nie verder na ander provinsies in Suid-Afrika nie.

“Ons het dié gebied in die Limpopo-provinsie onder kwarantyn geplaas en ons staatsveeartse is daar aan die werk. Geen diere mag die gebied verlaat of daarheen vervoer word nie,” het hy volgens Eyewitness News gesê.

Hy het verder daarop gewys die virus word deur hitte vernietig en dat vleis en ander produkte afkomstig van hierdie diere veilig is solank dit gekook is.

Dr. Albertina Shilongo, waarnemende hoof-veeartsenybeampte in Namibië, sê die kennisgewing wat Vrydag uitgereik is, se doel is om breedvoerig aan invoerders en die Namibiese publiek te verduidelik wat ingevoer mag word en wat nie.

Die verbod geld alle lewende vee met gesplete hoewe soos beeste, skape, bokke, varke en wildsbokke uit Suid-Afrika asook die vars of gevriesde vleis afkomstig van hierdie diere.

Ander ongekookte produkte van dié diere is ook verbode – ook indien die produkte van ander lande af kom, maar in Suid-Afrika verwerk is.

Lewende vee mag ook nie van ander lande via Suid-Afrika na Namibië ingevoer word nie.

Mense mag ook nie rou of gevriesde vleis vir eie gebruik oor die grens na Namibië bring nie.

Soortgelyk

 

Afrika-lied kom tuis in Namib

14 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

14 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

14 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

14 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

14 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

14 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

14 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

14 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

14 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...