Dienaars het die meesters geword, sê Kameeta
Die minister van armoede-uitwissing en maatskaplike welsyn het by ''n onlangse slypskool skerp woorde gehad oor die gebrek aan implementering van planne om armoede in die land uit te wis.
Estelle de Bruyn - Een van die grootste uitdagings wat ontwikkeling in Namibië aan bande lê, is die gebrek aan implementering van beleid, programme en inisiatiewe.
Dit is die mening van minister van armoede-uitwissing en maatskaplike welsyn, biskop Zephania Kameeta. Hy het onlangs ‘n slypskool oor die ontwikkeling van ‘n beleid vir die implementeringsplan vir die bloudruk op welvaartverspreiding en armoede-uitwissing op Swakopmund geopen.
“Ons Visie 2030 en die maniere waarop dit geïmplementeer moet word, asook die nasionale ontwikkelingsplanne is baie duidelik en word wêreldwyd bewonder. Hierdie planne het egter nie welvaart en voorspoed vir almal teweeg gebring nie. Terwyl ons dienaars van die mense moes wees, het ons hul meesters geword; planne wat verandering in ons mense se lewe teweeg moes bring, het op die rak beland omdat die ‘meester’ byvoorbeeld op vakansie moes gaan.
“Ons skiet te kort aan dringendheid in die uitvoering van ons pligte en dinge gaan maar soos normaalweg voort, selfs vir die nuwe ministerie belas met armoede-uitwissing. Dis die ministerie wat veronderstel was om ‘n baken van hoop vir die armes en hulpbehoewendes te wees,” het Kameeta gesê.
Hy sê om hierdie rede is die slypskool van die uiterste belang, want diegene wat dit bygewoon het, moes vorendag kom met konkrete en implementeerbare aksieplanne om armoede uit te wis.
Kameeta het die ellendige toestande benadruk waaronder baie Namibiërs leef en aanwesiges versoek om dit in ag te neem.
“Inisiatiewe en programme om armoede te verminder, was sedert onafhanklikwording op ons ontwikkelingsagendas. Om hierdie rede wil die ministerie nie die wiel herontwerp nie. Die ministerie is hoofsaaklik belas met toepaslike inisiatiewe en programme wat op armoede-uitwissing en maatskaplike welsyn van toepassing is. Dit sluit die behoorlike koördinering en sinchronisering in van dít wat deur staatsondernemings en ander ministeries, kantore en agentskappe van die staat uitgevoer moet word,” het Kameeta gesê.
Op die oomblik behartig die ministerie twee hoofprogramme, naamlik die uitbetaling van maatskaplike toegifte en die voedselbank. Alle regeringsinstansies is egter gemoeid met programme wat verband hou met armoede-uitwissing en om hierdie rede is koördinering uiters belangrik. ‘n Deeglike implementeringsplan moet ‘n duidelike koördineringsmeganisme insluit en die verantwoordelikheid van elke rolspeler uitstippel, sê hy.
“Laat ons woorde omgeskakel word in tasbare aksie wat verandering in die desperate omstandighede van ons mense teweeg sal bring vir blywende geregtigheid, vrede en welvaart vir almal,” het Kameeta gesê.
Dit is die mening van minister van armoede-uitwissing en maatskaplike welsyn, biskop Zephania Kameeta. Hy het onlangs ‘n slypskool oor die ontwikkeling van ‘n beleid vir die implementeringsplan vir die bloudruk op welvaartverspreiding en armoede-uitwissing op Swakopmund geopen.
“Ons Visie 2030 en die maniere waarop dit geïmplementeer moet word, asook die nasionale ontwikkelingsplanne is baie duidelik en word wêreldwyd bewonder. Hierdie planne het egter nie welvaart en voorspoed vir almal teweeg gebring nie. Terwyl ons dienaars van die mense moes wees, het ons hul meesters geword; planne wat verandering in ons mense se lewe teweeg moes bring, het op die rak beland omdat die ‘meester’ byvoorbeeld op vakansie moes gaan.
“Ons skiet te kort aan dringendheid in die uitvoering van ons pligte en dinge gaan maar soos normaalweg voort, selfs vir die nuwe ministerie belas met armoede-uitwissing. Dis die ministerie wat veronderstel was om ‘n baken van hoop vir die armes en hulpbehoewendes te wees,” het Kameeta gesê.
Hy sê om hierdie rede is die slypskool van die uiterste belang, want diegene wat dit bygewoon het, moes vorendag kom met konkrete en implementeerbare aksieplanne om armoede uit te wis.
Kameeta het die ellendige toestande benadruk waaronder baie Namibiërs leef en aanwesiges versoek om dit in ag te neem.
“Inisiatiewe en programme om armoede te verminder, was sedert onafhanklikwording op ons ontwikkelingsagendas. Om hierdie rede wil die ministerie nie die wiel herontwerp nie. Die ministerie is hoofsaaklik belas met toepaslike inisiatiewe en programme wat op armoede-uitwissing en maatskaplike welsyn van toepassing is. Dit sluit die behoorlike koördinering en sinchronisering in van dít wat deur staatsondernemings en ander ministeries, kantore en agentskappe van die staat uitgevoer moet word,” het Kameeta gesê.
Op die oomblik behartig die ministerie twee hoofprogramme, naamlik die uitbetaling van maatskaplike toegifte en die voedselbank. Alle regeringsinstansies is egter gemoeid met programme wat verband hou met armoede-uitwissing en om hierdie rede is koördinering uiters belangrik. ‘n Deeglike implementeringsplan moet ‘n duidelike koördineringsmeganisme insluit en die verantwoordelikheid van elke rolspeler uitstippel, sê hy.
“Laat ons woorde omgeskakel word in tasbare aksie wat verandering in die desperate omstandighede van ons mense teweeg sal bring vir blywende geregtigheid, vrede en welvaart vir almal,” het Kameeta gesê.
Kommentaar
Republikein
Geen kommentaar is op hierdie artikel gelaat nie