Die taal wat ons praat

20 September 2021 | Rubrieke
Thusie Gamibes

Sommige mense sê Afrikaans is vol vreemde verskynsels, maar vir my – as ’n Damarasprekende – is dit nie só vreemd nie.

Reeds in die wieg het my kennismaking met Afrikaans begin. Nes moedersmelk was die taal deel van my grootwordjare. Dis nou ’n taal soos enige ander taal wat my ’n regverdige kans in die lewe gee.

Selfs in die swartgemeenskap lê Afrikaans se wortels diep en het die taal hom so kom tuismaak dat feitlik al die swarttale in die land van hom leen.

Ek is op skool in Afrikaans onderrig en dit was die taal waarin ek en my maats op Khorixas gesels het.

Nou is dit die lekkerste ding dat ek in my eie Afrikaans ook my leerlinglisensie kan skryf wat ek al sewe keer gedruip het. . .

In Katutura is Afrikaans sekerlik ook die gewildste omgangstaal tussen die verskillende bevolkingsgroepe.

Daar is wel diegene wat nie Afrikaans praat nie, maar hulle is yl gesaai. Loop jy Herero of Tswana of ander Namibiese swarttaalsprekendes raak, is die omgangstaal feitlik sonder uitsondering Afrikaans.

’n Paar van my ou skoolmaats is vandag getroud met andertaliges en Afrikaans, as taal, is die direkte oorsaak daarvan. As kinders wat in Suidwes-Afrika gebore is, is dit tot vandag die voertaal met die mooiste woordjies.

Ek dink vandag nog in Afrikaans. Ná jare van lees en gebruik, skoolonderrig en skryf in Afrikaans, val die woorde seepglad uit my mond. Party dae beter as op ander dae.

So op ’n dag het ’n kliënt my gebel oor ‘n ou koerantberig waarna sy gesoek het. Nadat ek dit vir haar gevind en ‘n afdruk gemaak het, kom sy my die volgende dag besoek. Sy stap in die biblioteek in en sê vir my: “Ek soek na Thusie.”

Groot was haar verbasing toe ek vir haar sê ek is Thusie. Sy het heeltyd gedink dis ’n wit Afrikaner waarna sy soek. Ons twee kon darem heerlik daaroor lag.

In vandag se Namibië is Engels mos deesdae die amptelike taal en jy moet hom kan skryf en soms noodgedwonge praat. Maar gelukkig wanneer dit by gesels kom, bly jou keuse meestal nog jou eie.

As my kleinkinders vir my kom kuier, is dit net Engels, en dit laat my skoon ongemaklik voel. Al die “Good morning Granny, can I have tea please?”

Dis nou die vinnigste wat ek hulle terug huis toe stuur. Dit wil dan vir my voel hulle is nie familie nie, maar miskien vreemdelinge. By die bottelstoor het ons ook net Afrikaanse wyn gekoop, want dit was lekker om op Afrikaanse rooiwyn te kuier.

Dankie Afrikaans! Ek gesels, droom, dink, bid en drink lekker in die taal en wanneer ons glasies klink en die arms vir ewig lig. As Damara/Nama kan ek sowaar nie eens in my eie taal skryf nie! Gee my dan liewers Afrikaans, dankie.

Soortgelyk

 

Vier sterftes, 25 nuwe gevalle

7 ure gelede | Gesondheid

Die Covid-sterftes styg met vier (een tuissterfte) tot 3 538. Gister is 25 nuwe gevalle aangemeld, 'n positiewe koers van 2,2%. Dit sluit drie leerlinge,...

PAS IN: Drie uit ses skuldig aan moord

11 ure gelede | Howe

‘n Vrou wat ‘n groep mans betaal het om haar man te vermoor, is vandag in die hoërhof in Windhoek skuldig bevind aan moord.Die oorledene...

MTC en regering gaan saamwerk om inentings teen Covid...

12 ure gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

12 ure gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

13 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Tweede lugmagongeluk binne enkele weke

1 dag gelede | Ongelukke

Tunohole Mungoba en Ellanie Smit‘n F-7 vegvliegtuig van die Namibiese lugmag het vroeër vandag by die Ondangwa-lughawe neergestort.Die weermag het joernaliste wat kort na die...

Creativity and mental health: Where do we overstep

1 dag gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

1 dag gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

1 dag gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...