Die Renaissance van kunsuitstallings
Kunsliefhebbers kan regstaan vir twee nuwe kunsuitstallings wat eersdaags bekend gestel gaan word. Die versamelings, getiteld The Insight of Intrusive Women en Hokverhale, gaan onderskeidelik by die Nasionale Galery (NAGN) en The Project Room uitgestal word en fokus beide op aktuele onderwerpe.
The Insight of Intrusive Women
The Insight of Intrusive Women is ’n solo-uitstalling deur Elisia Nghidishange wat lig werp op die wyses waarop vroue behandel word. Volgens die kunstenaar het vroue “liefde, versorging en vryheid om hulself in enige manier uit te druk” nodig.
Dié uitstalling dien as ’n vorm van aktivisme vir vroueregte en vir dié wat nie in staat is om vir hulle eie regte op te staan nie.
Die temas sluit onder andere deursigtigheid, die uitdrukking van emosies, doelstellings en die trotsering van ongevraagde denke en gedrag. Die versameling bied ’n kritiese blik op die vooroordele van die 21ste eeu.
Nghidishange se kuns gee simboliese betekenis aan die wyses waarop tradisionele verhale mense se sosiale dinamika beïnvloed. Haar werk is relevant ten opsigte van die huidige sosiale en ekonomiese klimaat.
Die uitstalling open op 18 Junie en duur tot 18 Julie. Die uitstalling kan besigtig word by die NAGN se boonste galery of aanlyn by www.nagn.org.na.
Hokverhale
Met dié versameling poog Rudolf Seibeb om ’n balans te vind tussen abstrakte- en realistiese uitbeelding.
Hy het sy kreatiwe roeping reeds vroeg ontdek toe hy met wasgoedpennetjies gespeel het. Sy vroeë werk toon ’n unieke styl wat steeds vandag in sy kuns sigbaar is.
Terwyl sy medium verskuif het van wasgoedpennetjies na verf, handhaaf hy ’n sterk verbintenis tussen die twee en gebruik hy steeds verskillende elemente in sy werk.
In wat beskryf word as ’n “plaaslike weergawe van Picasso se gekonstrueerde beeldhouwerk- of monteermetodes”, gebruik Seibeb stukke yster, hout en beton, asook minder konvensionele items soos dierevel en boomwortels.
Sy kuns bied ’n blik op kulturele, sosiale en omgewingskwessies soos dit deur die mense in sy gemeenskap ervaar word en gee waardevolle insig in sy daaglikse lewe.
“Kuns is iets wat uit jou binneste kom. Jy kan jou tyd gebruik om iets spesiaal te skep, iets wat alreeds in jou was,” sê Seibeb oor die kunsbedryf.
Hokverhale – Navigating a Lockdown word op 23 Junie by The Project Room bekend gestel. Die uitstalling duur tot 4 Julie. Die galery is Dinsdae tot Saterdae van 10:00 tot 13:00 oop.
Seibed sal op 27 Junie en 4 Julie by die galery wees om oor sy werk te gesels.
The Insight of Intrusive Women
The Insight of Intrusive Women is ’n solo-uitstalling deur Elisia Nghidishange wat lig werp op die wyses waarop vroue behandel word. Volgens die kunstenaar het vroue “liefde, versorging en vryheid om hulself in enige manier uit te druk” nodig.
Dié uitstalling dien as ’n vorm van aktivisme vir vroueregte en vir dié wat nie in staat is om vir hulle eie regte op te staan nie.
Die temas sluit onder andere deursigtigheid, die uitdrukking van emosies, doelstellings en die trotsering van ongevraagde denke en gedrag. Die versameling bied ’n kritiese blik op die vooroordele van die 21ste eeu.
Nghidishange se kuns gee simboliese betekenis aan die wyses waarop tradisionele verhale mense se sosiale dinamika beïnvloed. Haar werk is relevant ten opsigte van die huidige sosiale en ekonomiese klimaat.
Die uitstalling open op 18 Junie en duur tot 18 Julie. Die uitstalling kan besigtig word by die NAGN se boonste galery of aanlyn by www.nagn.org.na.
Hokverhale
Met dié versameling poog Rudolf Seibeb om ’n balans te vind tussen abstrakte- en realistiese uitbeelding.
Hy het sy kreatiwe roeping reeds vroeg ontdek toe hy met wasgoedpennetjies gespeel het. Sy vroeë werk toon ’n unieke styl wat steeds vandag in sy kuns sigbaar is.
Terwyl sy medium verskuif het van wasgoedpennetjies na verf, handhaaf hy ’n sterk verbintenis tussen die twee en gebruik hy steeds verskillende elemente in sy werk.
In wat beskryf word as ’n “plaaslike weergawe van Picasso se gekonstrueerde beeldhouwerk- of monteermetodes”, gebruik Seibeb stukke yster, hout en beton, asook minder konvensionele items soos dierevel en boomwortels.
Sy kuns bied ’n blik op kulturele, sosiale en omgewingskwessies soos dit deur die mense in sy gemeenskap ervaar word en gee waardevolle insig in sy daaglikse lewe.
“Kuns is iets wat uit jou binneste kom. Jy kan jou tyd gebruik om iets spesiaal te skep, iets wat alreeds in jou was,” sê Seibeb oor die kunsbedryf.
Hokverhale – Navigating a Lockdown word op 23 Junie by The Project Room bekend gestel. Die uitstalling duur tot 4 Julie. Die galery is Dinsdae tot Saterdae van 10:00 tot 13:00 oop.
Seibed sal op 27 Junie en 4 Julie by die galery wees om oor sy werk te gesels.
Kommentaar
Republikein
Geen kommentaar is op hierdie artikel gelaat nie