Dié os van 1,2 t beslis g’n agteros!

23 August 2019 | Landbou
Marita Herselman – Beslis nie ’n agteros nie.

Een van die swaarste osse wat nog by Vleissentraal Bloemfontein opgeveil is, is Woensdag by hul weeklikse veiling verkoop.

Die reusagtige os van 1,2 ton, met ’n geskatte hoogte van 1,9 m by die skof, is vir R38 000 aan John John Joubert, Bloemfonteinse sakeman met verskeie slaghuise in die stad, verkoop. Joubert besit onder meer The Salt Block & Deli.

Dit is moeilik om te glo dat dié asembenemende Holstein-os omtrent net vel en been was toe hy by Louise en Johan van Rooyen van die Elite Cattle-voerkraal buite die stad aangekom het.

Volgens Van Rooyen het dié pragdier, wat betreklik mak is, die afgelope jaar meer as 16 ton kuilvoer (45 kg per dag) gevreet.

“Dit is vir ons ’n voorreg om so ’n mooi dier so mooi te maak. Toe ons hom gekry het, was hy baie maer, hy was net vel en been.”

Die afgelope 18 jaar het hy nog nie so ’n os gevoer nie, sê Van Rooyen. Hy het die dier met liefde gevoer.

“Dis nie nou eintlik vir my lekker om hom te verkoop nie. Ek het al gedink om hom eerder terug te vat.”

Volgens Piet de Wet, afslaer van Vleissentraal Bloemfontein, is die os ongeveer ses jaar oud.

“Die Holstein-ras word maar groot as hy tyd gegun word om so oud te word, anders word hulle voor die tyd geslag,” sê De Wet.

“Hy is baie na aan die grootste os wat al hier opgeveil is.” – Netwerk24

Soortgelyk

 

Meegesleurde Okahandja-vrou steeds soek

50 minute gelede |

Elvira Hattingh - Die 42-jarige vrou wat gisteroggend deur die water meegesleur is toe sy en twee ander mense die Okahandjarivier te voet wou oorsteek,...

Hardap kry 19 Mm³ water sedert Maandag

1 uur gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

2 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

13 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

13 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

13 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

13 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

13 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

13 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...