Desert Express loop weer einde Julie

Luukse trein is terug

20 June 2019 | Plaaslik
Francoise Steynberg - Toeriste kan weer uitsien na 'n opwindende treinrit op die gewilde, luukse Desert Express wat weer einde Julie tussen Winkdhoek en Swakopmund gaan loop.

Desert Express se eerste beplande rit gaan op Vrydag 26 Julie plaasvind en boonop kry Namibiërs 35% afslag.

Voorheen het die Desert Express-trein van Windhoek na Swakopmund gereis. Op die roete is by 'n aantal plekke gestop waar aktiwiteite, soos 'n wildrit, 'n rit deur die Namibwoestyn en uitstappie na die duine, op die reis plaasgevind het.

Die luukse trein is plaaslik ontwerp en in Namibië gebou. Dit is op 3 April 1998 deur stigterspresident Sam Nujoma ingehuldig. Dit bestaan uit nege treinwaens en 24 en suite-kompartemente wat elk tussen een en drie passasiers kan huisves.

Desert Express is 'n unieke reiservaring vir 'n naweekwegbreek en passasiers kan aan heerlike etes smul.

"As jy aan boord gaan, word jy deur die vriendelike en professionele personeel verwelkom wat 'n wye reeks kennis oor Namibië se geskiedenis, wildlewe en oorlewingsvaardighede sal deel," volgens Desert Express.

Die skedule vir 'n naweekreis van Windhoek na Swakopmund en terug is soos volg:

Dag 1 (Vrydae)

11:00: Boek in by die Windhoek-treinstasie;

11:30: Besoek die geskiedkundige spoorwegmuseum by die stasie;

12:30: Gaste gaan aan boord en geniet verwelkomgsdrankies en ligte middagete;

14:00: Wildbesigtingsrit by Okapuka Ranch;

16:30: Stop vir biltong en droëwors op Okahandja;

19:00: Aandete met 'n à la carte-spyskaart aan boord;

Oornag op die trein op 'n veilige syspoor.

Dag 2 (Saterdae)

07:00: Ontbyt aan boord op pad na Swakopmund;

08:00: Uitstappie na die duine;

10:30: Arriveer op Swakopmund-treinstasie en gaste klim af;

13:30: Gaste boek in, vertrek en word met ligte middagete bedien;

18:00: Skemerkelkie by Stingbank;

19:00: Aandete is 'n braai of potjiekos by 'n veilige syspoor

20:00: Vermaak vir die aand en Ohungi rondom die vuur;

Oornag op die trein op 'n veilige syspoor.

Dag 3 (Sondae):

07:00: Ontbyt aan boord op pad na Okahandja;

09:00: Besoek die kunsmark by Okahandja;

11:00: Besigtig die voer van jagluiperds en geniet 'n buffetete by Okapuka Ranch;

15:00: Arriveer by die Windhoek-treinstasie en gaste klim af.

Die prys vir 'n eenrigtingtoer is N$4 400 per persoon wat deel. Die prys vir 'n retoerrit is N$6 160 per peresoon wat deel.

Tariewe vir Namibiërs en inwoners van die Suider-Afrikaanse Ontwikkelingsgemeenskapstreek (SADC) is by navraag beskikbaar. Vir verdere navrae, besprekings en kwotasies, stuur 'n e-pos na [email protected]

Besprekings kan gedoen word by https://www.namibiareservations.com/…/ac-det…/desert-express.

Soortgelyk

 

Vier wildehonde proe vryheid

18th of July 10:28 | Omgewing

Ná die tragiese skietvoorval in Februarie toe drie wildehonde van die N/a’an ku sê-stigting en -wildreservaat glo deur personeel van die Internasionale Lughawe Hosea...

Vlieëniers vlieg ‘blind’

10 ure gelede | Vervoer

CATHERINE SASMAN – Lugrederye in Namibië en dié wat deur die land se lugruim vlieg, is ontstoke oor die plaaslike burgerlugvaartowerheid (NCAA) se besluit om...

Kragskouspel in Windhoek

10 ure gelede | Plaaslik

Tanja BauseGister het 'n NamPower-transformator van 175 ton deur Windhoek gereis op pad na die Gerus-substasie naby Otjiwarongo, waar dit vandaan kom.Die transformator is in...

Onderwysministerie: Drywer vas oor ivoor

10 ure gelede | Ministeries

Francoise Steynberg - ’n Drywer van die ministerie van onderwys, kuns en kultuur is gister omstreeks 03:00 in verband met die onwettige besit van olifanttande...

Bottelneusdolfyne floreer ná stranding

10 ure gelede | Omgewing

Elvira Hattingh Minstens 25% van Namibië se totale bottelneusdolfynbevolking het sedert 1991 reeds gestrand geraak, maar byna almal het oorleef. Dit laat navorsers wonder of...

Weer vir 18 Julie

10 ure gelede | Weer

BINNELAND: Sonnig en warm maar baie warm in die noordelike streke.KUS: Gedeeltelik bewolk en matig, maar warm oor die sentrale kus.GETYE BY WALVISBAAI: L: 10:11...

Nuwe baadjie vir bib, argief

10 ure gelede | Ministeries

Die gebou wat die Nasionale Biblioteek en Nasionale Argiewe van Namibië huisves, gaan opgeknap word.Die ministerie van onderwys, kuns en kultuur sê in ‘n verklaring...

Bewaringskool gooi sy deure oop

10 ure gelede | Omgewing

Die Onguta AfriCat Mobiele Laerskool het op 11 Julie sy deure vir kinders en die gemeenskap van die Ehirovipuka-bewaringsgebied in die Noordweste oopgemaak. Vyf jaar...

Taylor Jaye tackles gender-based violence

10 ure gelede | Kuns en vermaak

Sponsored content - The continuing high rates of incidences of gender-based violence (GBV) in Namibia, further highlighted by rapidly increasing cases reported daily from victims...