Data vat gróót hap uit jong werkendes se salaris

19 July 2019 | Tegnologie
Petrus Malherbe – Jong Suid-Afrikaners wat ’n basiese salaris verdien van niks meer as R5 500 per maand nie, bestee steeds sowat 4% daarvan om toegang tot die internet en ander selfoondienste te verkry.

Luidens navorsing deur FNB kom dit neer op ’n gemiddelde bedrag van sowat R200 per maand vir dienste soos data, beltyd en vir die stuur van SMS’e.

Volgens Pieter Woodhatch, uitvoerende hoof van FNB Easy, is 4% noemenswaardig gegewe die ekonomiese druk waaronder hierdie jong mense verkeer om die pot andersins aan die kook te hou.

Data- en ander internetdienste is aansienlik duurder in Suid-Afrika as elders op die vasteland.

Data is veel goedkoper in Suid-Afrika se onmiddellike buurlande, insluitend Namibië en Mosambiek.

Plaaslike diensverskaffers is egter gou om daarop te wys dat die prys van data tussen Afrikalande nie werklik vergelykbaar is nie, want die gehalte van Suid-Afrika se mobiele netwerk is net soveel beter as elders op die vasteland.

Die Mededingingskommissie is die afgelope paar maande besig met ’n markondersoek na wat hy beskou as die “buitensporige hoë datapryse” in Suid-Afrika.

Die kommissie het reeds ’n voorlopige verslag daaroor uitgereik en bevind data is wel hopeloos te duur in Suid-Afrika.

Diensverskaffers het egter uitgewys die kommissie het nie al die faktore in ag geneem oor waarom data juis so duur hier is nie, insluitend dat die plaaslike infrastruktuur ’n plaas se prys gekos het om op te rig en te onderhou.

Gemeenskappe in ander Afrikalande het ook nie so geredelik toegang tot selfoondienste nie juis weens gebrekkige infrastruktuur. So daarom is data daar goedkoper.

Die gebrek aan beskikbare spektrum bly ook steeds ’n groot struikelblok vir Suid-Afrikaanse netwerke.

Solank die regering nie nuwe spektrum beskikbaar stel nie, kan die prys van data nie verlaag nie, waarsku die netwerke al geruime tyd.

Pres. Cyril Ramaphosa het in sy jongste staatsrede in Junie beloof ’n beleidsrigtingwyser oor die kwessie sal voor die einde van vandeesmaand aan die Onafhanklike Kommunikasieowerheid van Suid-Afrika (Okosa) oorhandig word. – Netwerk24

Soortgelyk

 

Windhoek klop waterteikens

1 uur gelede | Plaaslik

font face="Verdana" >Elvira Hattingh - Inwoners van die hoofstad neem waterbesparings uiteindelik ernstig op en het die afgelope week weer 4% bespaar. Volgens me....

Kalahariwoestyn keer terug

1 uur gelede | Polisie

Denver Kisting – In ’n poging om soortgelyke tragedies te verhoed soos die een waarin ’n Zimbabwiese taxibestuurder gesterf het, gaan alle beamptes wat aan...

Weer, Woensdag 7 Augustus 2019

1 uur gelede | Weer

BINNELAND: Gedeeltelik bewolk en matig in //Kharas, maar warm tot baie warm in die Noorde. Elders sal dit sonnig en warm wees.KUS: Gedeeltelik bewolk en...

Tweejarige sterf in ongeluk

1 uur gelede | Ongelukke

’n Tweejarige meisie, Andrea Pawa Jason, het Saterdagoggend in ’n ongeluk sowat 2 km buite Usakos gesterf.Volgens die Namibiese polisie se misdaadverslag het die ongeluk...

Nudo, UPM voeg stem by antikuberkraakkoor

1 uur gelede | Politiek

Denver KistingDie president van die National Unity Democratic Organisation (Nudo), me. Esther Muinjangue, sê hulle is nie onder die huidige omstandighede beskikbaar vir die kuberkraaktoets...

renosters by Onguma onthoring

1 uur gelede | In beeld

Om stropery te voorkom het die Onguma-wildreservaat naby die Etosha Nasionale Park onlangs al hul renosters ontho­ring. Volgens die reservaatbestuurder, mnr. Jonathan Strijbis, was die...

Jong beesbeoordelaars beïndruk

1 uur gelede | Gebeure

Elvira HattinghBank Windhoek en Feedmaster span tans saam om 'n nasionale beesbeoordelaarskompetisie en -kursus vir Namibiese jongmense aan te bied.Tot dusver het die organiseerders deelnemers...

Elfjarige glo deur oom (48) verkrag

1 uur gelede | Misdaad

’n Meisie (11) is Vrydag omstreeks 14:00 glo deur haar 48-jarige oom in die Etaneno-nedersetting naby Onankali verkrag.Die verdagte is in hegtenis geneem en sou...

'Elke druppel tel'

1 uur gelede | Gesondheid

Henriette LamprechtAs alle babas onmiddellik ná geboorte direkte ­velkontak ontvang, vir ses maande uit­sluitlik geborsvoed word en tot op twee jaar bykomende voeding ontvang, sal...