Dapper daad, toe omring vlamme mans

Drie doen ernstige brandwonde op

12 October 2020 | Ongelukke
Ronelle Rademeyer - ’n Bejaarde boer van Outjo sterk saam met een van sy werknemers en ’n sekuriteitswag in ’n private hospitaal op Otjiwarongo aan nadat hulle verlede Maandag ernstige brandwonde tydens die bestryding van ’n veldbrand opgedoen het.

Hulle is die 75-jarige mnr. Horst Hobohm van die plaas Abachaus (Nr. 2025), en mnre. Nangolo Naaneoweni en Elias Johannes.

Die brand het op die omstrede hervestigingsplaas, Queen Sofia, ontstaan en na aangrensende plase versprei.

Johannes is in diens van Nyime Anti Poaching Unit, ’n private teenstropingseenheid, wat die Hobohms en hul buurman, mnr. Gert Coetzee, se vee en wild teen stropers beskerm.

Die mans is deur vlamme omring toe Hobohm gaan ondersoek instel het na Johannes se veiligheid.

Die Hobohms het die afgelope agt jaar etlike miljoen Namibiese dollar verloor deurdat 523 beeste en ’n groot getal wild na bewering deur inwoners van Queen Sofia gestroop is. Pleidooie vir ingryping deur die polisie het dadels van gekom en daarom maak hulle van Nyime se dienste gebruik, het me. Irene Hobohm (69) gister vertel.

Die veldbrand het volgens haar ontstaan toe ’n kiln wat op Queen Sofia gebruik word om houtskool te brand, smeulend onder ’n boom gelaat is en die boom aan die brand geraak het.

Sy sê haar man en vier plaaswerkers het verlede Maandagmiddag met ’n trekker en sleepwa, waarop die brandblusser is, na hulle grensdraad gery om voorbrande te maak toe dit blyk die veldbrand op Queen Sofia is buite beheer.

Hobohm het gister uit sy hospitaalbed in die Mediclinic waar hy saam met Naaneoweni en Johannes aansterk, aan Ester Kamati van Republikein se kantoor op dié dorp die gebeure geskets.

Hy vertel hulle het in ’n stadium terwyl hulle besig was om voorbrande te maak, voertuigspore gewaar en hy was bekommerd oor die veiligheid van die mense. Dit het hulle gelei na waar die sekuriteitswagte van Nyime se kampplek was. Hobohm sê hulle het soontoe gery en vir Johannes gewaar, maar dit het gelyk of hy verdwaas is en nie besef wat om hom aangaan nie. “Ek het besef dit is my plig om daardie man se lewe te red. Dit is hoe ek grootgeword het,” sê Hobohm.

Die volgende oomblik was die vlamme egter om hulle. “Al wat ek kon doen, was om deur die vuur te hardloop. Toe ek deur die vuur is, het ek gesien Nangolo (Naaenoweni) klim in ’n boom, maar ek kon nie vir Elias (Johannes) sien nie,” sê Hobohm.

Johannes het gister vertel hy het na die kampplek gegaan, want hy wou sy selfoon gaan haal en toe het die vlamme hom vasgekeer.

Die ander plaaswerkers het water oor hulle gegooi, hulle op die sleepwa gelaai en huis toe geneem.

Volgens Irene het sy het by tye teen 180 km per uur van die plaas af Otjiwarongo toe gejaag. “Hulle het heelpad in die motor van die pyn gekreun.

“Ons het ’n mediese fonds, maar die ander twee mans nie. Daarom het ek daardie aand N$22 000 aan die hospitaal betaal sodat hulle saam met my man opgeneem en behandel kon word,” sê sy.

Die mans sal na verwagting vandag ontslaan word. Naaneoweni en Johannes sal op Otjiwarongo agterbly om steeds as buitepasiënte behandeling te ontvang.

- [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...