Damara-koningsraad kwaad vir Swapo se oudstes oor grond
Die Damara-koningsraad sê die oudstes het geen reg – of kennis – om namens gemeenskappe te praat wat grond verloor het nie.
Catherine Sasman
Die Damara-koningsraad sê die voorstel van die Swapo-oudstes dat voorvaderlike grondregte nie in werking gestel moet word nie is “beledigend en erg onsensitief” oor grond wat deur die Damara verloor is.
Die sekretaris van Swapo se Raad van Oudstes, mnr. Mukwaita Shanyengana, het verlede Vrydag by 'n nuuskonferensie gesê voorvaderlike grondregte kán by die tweede grondkonferensie bespreek word, maar resolusies daaroor moet nie uitgevoer word nie.
Shanyengana het gesê die uitvoering daarvan sal stamgebondenheid aanvuur en vrede en stabiliteit in die land inboet.
Mnr. Abner Xoagub, sekretaris-generaal van die Damara-koningsraad, sê die Swapo-oudstes se houding is 'n aanduiding dat dit nooit enige feitelike of empiriese inligting oor geskiedkundige grondverliese oorweeg het nie, en dat hulle uit “pure onkunde” praat.
Xoagub sê dit is ook 'n aanduiding van Swapo se arrogante verwaarlosing van minderheidsgroepe se belange.
“Die lede van Swapo se stamgebonde ondersteuningsbasis het geen vorm van geskiedkundige grondverliese ervaar nie en beset steeds hul voorvaderlike grond, én geniet alle voordele wat daarmee gepaard gaan,” sê Xoagub.
Hy sê omdat Swapo se magsbasis uit oorheersende gemeenskappe van die noordelike kommunale gebiede in terme van getalle bestaan, word die lot van minderheidsgroepe wat hul grond verloor het as onbelangrik beskou.
Xoagub sê die Swapo-oudstes is “erg oningelig” en verkies om só te bly oor baie moontlikhede wat vir regstellende geregtigheid oor die grondkwessie ondersoek kan word.
“Daar is baie uitvoerbare moontlikhede onder die huidige grondhervormingsbedeling as daar 'n politieke wil is, wat nie vrede en stabiliteit sal versteur nie,” sê Xoagub.
Hy sê sulke moontlikhede kan egter slegs geïdentifiseer en krities oorweeg word as voorvaderlike grondregte eerlik en oop bespreek word.
Die Damara-koningsraad stel voor 'n regterlike kommissie word ná die grondkonferensie ingestel om behoorlike aandag aan restitusie op voorvaderlike grondregte te skenk.
“Ons is nie blind vir die regering se maneuvers om hierdie ernstige saak net opsy te skuif as 'n ondergeskikte onderwerp tussen 'n klompie niksbeduidende items nie,” het Xoagub gesê.
Hy sê die land moet tot 'n algemene insig oor voorvaderlike regte by die konferensie kom en voeg by die Odendaal-plan van 1964 kan nie die basis daarvoor dikteer nie.
Xoagub sê die Swapo-oudstes se praatjies oor 'n burgeroorlog en die versteuring van vrede en stabiliteit sou dié kwessie in alle erns bespreek word, is 'n poging om die gemeenskappe wat grond verloor het, nog verder te onderdruk.
“Die Swapo-oudstes het geen plek, geen mandaat en geen kundigheid om die uitslag van die grondkonferensie vooraf te probeer bepaal nie. Sover dit ons aangaan, is hulle tegnies gesproke die mees ongekwalifiseerde mense om oor hierdie delikate en gespesialiseerde kwessie te praat,” sê Xoagub.
Die Damara-koningsraad sê die voorstel van die Swapo-oudstes dat voorvaderlike grondregte nie in werking gestel moet word nie is “beledigend en erg onsensitief” oor grond wat deur die Damara verloor is.
Die sekretaris van Swapo se Raad van Oudstes, mnr. Mukwaita Shanyengana, het verlede Vrydag by 'n nuuskonferensie gesê voorvaderlike grondregte kán by die tweede grondkonferensie bespreek word, maar resolusies daaroor moet nie uitgevoer word nie.
Shanyengana het gesê die uitvoering daarvan sal stamgebondenheid aanvuur en vrede en stabiliteit in die land inboet.
Mnr. Abner Xoagub, sekretaris-generaal van die Damara-koningsraad, sê die Swapo-oudstes se houding is 'n aanduiding dat dit nooit enige feitelike of empiriese inligting oor geskiedkundige grondverliese oorweeg het nie, en dat hulle uit “pure onkunde” praat.
Xoagub sê dit is ook 'n aanduiding van Swapo se arrogante verwaarlosing van minderheidsgroepe se belange.
“Die lede van Swapo se stamgebonde ondersteuningsbasis het geen vorm van geskiedkundige grondverliese ervaar nie en beset steeds hul voorvaderlike grond, én geniet alle voordele wat daarmee gepaard gaan,” sê Xoagub.
Hy sê omdat Swapo se magsbasis uit oorheersende gemeenskappe van die noordelike kommunale gebiede in terme van getalle bestaan, word die lot van minderheidsgroepe wat hul grond verloor het as onbelangrik beskou.
Xoagub sê die Swapo-oudstes is “erg oningelig” en verkies om só te bly oor baie moontlikhede wat vir regstellende geregtigheid oor die grondkwessie ondersoek kan word.
“Daar is baie uitvoerbare moontlikhede onder die huidige grondhervormingsbedeling as daar 'n politieke wil is, wat nie vrede en stabiliteit sal versteur nie,” sê Xoagub.
Hy sê sulke moontlikhede kan egter slegs geïdentifiseer en krities oorweeg word as voorvaderlike grondregte eerlik en oop bespreek word.
Die Damara-koningsraad stel voor 'n regterlike kommissie word ná die grondkonferensie ingestel om behoorlike aandag aan restitusie op voorvaderlike grondregte te skenk.
“Ons is nie blind vir die regering se maneuvers om hierdie ernstige saak net opsy te skuif as 'n ondergeskikte onderwerp tussen 'n klompie niksbeduidende items nie,” het Xoagub gesê.
Hy sê die land moet tot 'n algemene insig oor voorvaderlike regte by die konferensie kom en voeg by die Odendaal-plan van 1964 kan nie die basis daarvoor dikteer nie.
Xoagub sê die Swapo-oudstes se praatjies oor 'n burgeroorlog en die versteuring van vrede en stabiliteit sou dié kwessie in alle erns bespreek word, is 'n poging om die gemeenskappe wat grond verloor het, nog verder te onderdruk.
“Die Swapo-oudstes het geen plek, geen mandaat en geen kundigheid om die uitslag van die grondkonferensie vooraf te probeer bepaal nie. Sover dit ons aangaan, is hulle tegnies gesproke die mees ongekwalifiseerde mense om oor hierdie delikate en gespesialiseerde kwessie te praat,” sê Xoagub.
Kommentaar
Republikein
Geen kommentaar is op hierdie artikel gelaat nie