Dagmoeder gevonnis
Die Windhoekse dagmoeder in wie se sorg 'n baba verdrink het, is 'n opgeskorte vonnis opgelê.
Jacqueline Louw - Die vrou wat aan nalatigheid skuldig bevind is weens die verdrinking van ’n 11 maande oue baba, is gister in die Windhoek-landdroshof gevonnis.
Landdros Ingrid Unengu het me. Catharina Agnes van den Berg tot vyf jaar tronkstraf gevonnis, opgeskort vir vyf jaar.
Van den Berg is op 18 Januarie skuldig bevind aan strafbare manslag na die dood van Ferreira Scholtz in November 2012. Die baba was in Van den Berg se sorg en het in die swembad by haar dagsorgsentrum verdrink.
Unengu het die opgeskorte vonnis opgelê op voorwaarde dat Van den Berg haar in dié tydperk nie weer aan strafbare manslag skuldig maak nie.
Die landdros het gesê dit was vir haar ’n moeilike taak om die vonnis op te lê, omdat dit so ’n emosioneel belaaide saak vir almal betrokke was. Sy het vorige regspraak in soortgelyke sake as riglyn gebruik.
Unengu het in haar uitspraak genoem die tragedie het nie as gevolg van ’n positiewe handeling gebeur nie, maar weens die nalating van ’n plig. Nietemin het sy die oortreding as baie ernstig beskryf en gesê die baba sou nog geleef het as dit nie vir die nalatige daad was nie. Unengu het weer eens beklemtoon dat Van den Berg ’n sorgsaamheidsplig gehad het wat sy versuim het – met noodlottige gevolge.
Die landdros het voorts gesê sy aanvaar Van den Berg wou nie hê die tragedie moes gebeur nie, dat sy baie geheg was aan die baba en goed na hom omgesien het. Sy het ook probeer om die baba by te bring deur kunsmatige asemhaling (kardiopulmonêre resussitasie) toe te pas totdat ’n ambulans opgedaag het. “Die beskuldigde dra ’n leeftyd van skuld. Die hof beoog nie om die beskuldigde te breek nie,” het die landdros gesê. "Nietemin behoort die vonnis as ’n afskrikmiddel te dien."
Sy het die gebeure wat tot Ferreira se dood gelei het, beskryf as “’n kortstondige verval van konsentrasie op die taak op hande, wat tot ’n tragiese gevolg gelei het”.
Volgens Van den Berg was die baba veilig in die huis totdat sy hom buite in die swembad ontdek het. Dit word vermoed hy het uit die huis gekruip toe ’n ander kind die deur oopgemaak het van ’n kamer waar die kinders gerus het. Paramedici is na die huis ontbied en het oorgeneem by Van den Berg wat besig was om Ferreira te probeer bybring. Die baba is na ’n hospitaal geneem waar hy later dood verklaar is.
Mnr. Danie Small het Van den Berg verteenwoordig en staatsaanklaer Hans Thourob het namens die staat opgetree.
Landdros Ingrid Unengu het me. Catharina Agnes van den Berg tot vyf jaar tronkstraf gevonnis, opgeskort vir vyf jaar.
Van den Berg is op 18 Januarie skuldig bevind aan strafbare manslag na die dood van Ferreira Scholtz in November 2012. Die baba was in Van den Berg se sorg en het in die swembad by haar dagsorgsentrum verdrink.
Unengu het die opgeskorte vonnis opgelê op voorwaarde dat Van den Berg haar in dié tydperk nie weer aan strafbare manslag skuldig maak nie.
Die landdros het gesê dit was vir haar ’n moeilike taak om die vonnis op te lê, omdat dit so ’n emosioneel belaaide saak vir almal betrokke was. Sy het vorige regspraak in soortgelyke sake as riglyn gebruik.
Unengu het in haar uitspraak genoem die tragedie het nie as gevolg van ’n positiewe handeling gebeur nie, maar weens die nalating van ’n plig. Nietemin het sy die oortreding as baie ernstig beskryf en gesê die baba sou nog geleef het as dit nie vir die nalatige daad was nie. Unengu het weer eens beklemtoon dat Van den Berg ’n sorgsaamheidsplig gehad het wat sy versuim het – met noodlottige gevolge.
Die landdros het voorts gesê sy aanvaar Van den Berg wou nie hê die tragedie moes gebeur nie, dat sy baie geheg was aan die baba en goed na hom omgesien het. Sy het ook probeer om die baba by te bring deur kunsmatige asemhaling (kardiopulmonêre resussitasie) toe te pas totdat ’n ambulans opgedaag het. “Die beskuldigde dra ’n leeftyd van skuld. Die hof beoog nie om die beskuldigde te breek nie,” het die landdros gesê. "Nietemin behoort die vonnis as ’n afskrikmiddel te dien."
Sy het die gebeure wat tot Ferreira se dood gelei het, beskryf as “’n kortstondige verval van konsentrasie op die taak op hande, wat tot ’n tragiese gevolg gelei het”.
Volgens Van den Berg was die baba veilig in die huis totdat sy hom buite in die swembad ontdek het. Dit word vermoed hy het uit die huis gekruip toe ’n ander kind die deur oopgemaak het van ’n kamer waar die kinders gerus het. Paramedici is na die huis ontbied en het oorgeneem by Van den Berg wat besig was om Ferreira te probeer bybring. Die baba is na ’n hospitaal geneem waar hy later dood verklaar is.
Mnr. Danie Small het Van den Berg verteenwoordig en staatsaanklaer Hans Thourob het namens die staat opgetree.
Kommentaar
Republikein
Geen kommentaar is op hierdie artikel gelaat nie