Covishield beperk toegang tot Europa

EU sit op twee stoele oor Indiese entstof, se AU

01 July 2021 | Internasionaal
Ronelle Rademeyer – Die Indiese hoëkommissariaat in Windhoek sê gesprekke word op hoë vlak gevoer nadat die Europese Unie (EU) aangekondig het die Indiese weergawe van AstraZeneca, bekend as Covishield, is nie ingesluit as aanvaarde Covid-19-entstof op dié streek se digitale Covid-reissertifikaat nie.

Dié sertifikaat, wat die “groenpas” genoem word, tree vandag in werking.

Die doel daarvan is om die vrye beweging van mense na en tussen EU-lidlande te bewerkstellig.

Die AstraZeneca-Oxford-entstof (ChAdOx1_nCoV-19) wat in Europa goedgekeur is en vervaardig word, is op die lys van entstowwe wat vir doeleindes van die groenpas aanvaar word. Covishield is egter uitgesluit, hoewel dit presies dieselfde entstof is.

Laasgenoemde word nie in Europa vervaardig nie, maar word onder ’n ander naam en lisensie in Indië deur die Seruminstituut van Indië (SII) vervaardig.

Covishield is een van die twee entstowwe wat in Namibië vir immunisering teen Covid-19 gebruik word. Die ander entstof is Sinopharm wat in China vervaardig word. Laasgenoemde is wel op die groenpas-lys.

Dit beteken Namibiërs wat met Covishield ingeënt is, sal aan openbare gesondheidsbeperkings onderhewig wees wanneer hulle na Europa reis. Dit sluit in beperkings op beweging en toetsvereistes, met aansienlike administratiewe en finansiële implikasies.

Die enigste EU-land waar dit nie sal geld nie, is Spanje.

Mnr. Mohammed Afsar, eerste sekretaris by die Indiese hoëkommisariaat, sê die EU het Covishield goedgekeur as ’n entstof wat deur die Covax-fasiliteit na lande vir hulle immuniseringsprogramme versprei mag word, maar nie vir sy groenpas nie.

Hy sê Indië stem saam met die Afrika-unie (AU) dat dié verwikkeling kommerwekkend is gesien in die lig daarvan dat die EU-gesteunde Covax-fasiliteit grootliks op Covishield steun.

Baie Afrikalande het Covishield vanaf die Covax ontvang en hoewel dit met die EU se goedkeuring was, word daar nou teen dié lande se inwoners wat daarmee ingeënt is, gediskrimineer wanneer hulle na Europa reis, het die AU in ‘n verklaring te kenne gegee.

“Die Covidshield-entstof, tesame met die weergawes van die AstraZeneca-Oxford-entstof wat deur AstraZeneca-SKBio in Suid-Korea vervaardig is, was een van die eerste entstowwe wat deur die Wêreldgesondheidsorganisasie (WHO) as veilig en doeltreffend vir noodgebruik aanvaar is. Beide dié entstowwe het reeds op 15 Februarie 2021 goedkeuring ontvang met die spesifieke doel om dit

deur die Covax-fasiliteit te implementeer en na laer inkomstelande te versprei en die wêreldbevolking teen Covid-19 te beskerm,” sê die AU en Afrika se Sentrums vir Siektebeheer (CDC), wat vra dat dit dieselfde status as ander entstowwe sal hê wanneer mense uit Afrika na EU-lande reis.

Intussen het die EU se ambassadeur in Namibië, me. Sinikka Antila, by navraag gesê die EU-raad se besluit hieroor is ‘n aanbeveling en nie bindend op sy lidlande nie.

“Lidlande kan besluit wie hulle lande mag besoek of nie – dit is nie die EU se mandaat om dit te doen nie.”

Sy beveel aan dat Namibiërs seker maak wanneer hulle na lande in Europa reis, watter entstowwe goedgekeur is.

“Die EU se digitale sertifikaat is nie ‘n verpligting nie.”
[email protected]


FOTO
Covishield, die weergawe van die AstraZeneca-Oxford-entstof wat in Indië vervaardig word, is nie een van die goedgekeurde entstowwe op die EU se nuwe digitale reissertifikaat nie. Foto NMH

Soortgelyk

 

MTC en regering gaan saamwerk om inentings teen Covid...

1 uur gelede | Gesondheid

'n Inisiatief tussen die regering en die mobiele telekommunikasiemaatskappy MTC, “Namibia VaxUP081 Incentive", gaan inwoners vergoed wat hul eerste dosis entstof teen Covid-19 ontvang. Volgens...

Net 14,2% van bevolking ten volle ingeënt

1 uur gelede | Gesondheid

Terwyl Namibië se doelwit was om 750 000 van die land se 1,5 miljoen geoormerkte persone vir immunisering teen Donderdag in te ent, het net...

Aandklokreël opgehef

2 ure gelede | Regering

President Hage Geingob het die aandklokreël amptelik as deel van die nuwe Covid-19-regulasies opgehef. Openbare byeenkomste kan deur 200 persone bygewoon word, so ook dieselfde...

Creativity and mental health: Where do we overstep

13 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

13 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

13 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

13 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

13 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

13 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...