Covid-uitslae hou Warriors in spanning

14 January 2021 | Sport
Die Tafel Lager Brave Warriors se tussentydse hoofafrigter, mnr Bobby Samaria, sê ondanks die angstigheid en onsekerheid in afwagting op die oefengroep se Covid-19-toetsuitslae, heers 'n goeie gees in die kamp.

Die Namibiese nasionale sokkertoergroep is om dié rede nog nie bekend gemaak nie, hoewel hulle bestem is om vandag via Johannesburg na Kameroen te vertrek vir die 2021-weergawe van die Afrika-Nasieskampioenskap (CHAN), die kontinentale skouspel vir spelers wat in hul eie land se ligas speel.

Die toernooi begin Saterdag, hoewel Namibië se eerste groepwedstryd teen Guinee vir komende Maandag bestem is.

Vier dae later speel hulle teen Tanzanië en sluit op 27 Januarie teen Zambië af.

Die oefengroep se nuutste ­toetsing vir die coronavirus is Maandag gedoen, nadat tien spelers kort voor die Nuwejaar positief getoets het.

Die Namibiese Sokkervereniging (NFA)het gister steeds op die uitslae gewag, wat noodsaaklik vir die same­stelling van die finale toergroep is.

Hoewel die aanduidings belowend is dat die uitslae bevredigend kan wees, was die groep gister nog in afwagting.

Volgens die NFA-webblad het afrigter Samaria gesê ondanks die onverwagse wending in die voorbereiding toe die positiewe uitslae die oefenkamp onderbreek het, is die groep in staat om opnuut die land te laat regop sit wanneer die fluitjie blaas en hulle kans kry om op die veld hul vernuf te wys.

“Ons sal geen verskonings voorhou nie. Ons het die vermoë en potensiaal om goed te gaan presteer.

“Gelukkig het ons geen bekommernise oor beserings nie. Die toetsuitslae is die enigste oorweging, maar ons glo en bid dat alles goed sal verloop,” het Samaria gesê.

Die afrigter het die Namibiese nasie aangemoedig om bankvas agter die span te staan.

“Die spelers sal ons land na die beste van hul vermoë gaan verteenwoordig.” – NFA.org.na

Soortgelyk

 

Nege sterftes, 307 nuwe gevalle

12 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

14 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

18 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...