Covid-19-reisbeperking strem Dippenaar-verhoor

04 June 2020 | Howe
Erwin Leuschner op Swakopmund - Ná twee kort dae in die moordverhoor van mnr. Jandré Dippenaar is die saak Woensdag in die Swakopmundse streekhof tot 3 Augustus uitgestel.


Die rede vir nóg 'n lang uitstel in die marathonverhoor is die huidige Covid-19-inperkingsmaatreëls.

Die staatsgetuie en ongeluksrekonstruksiekundige, mnr. Johan Joubert, wat in Suid-Afrika bly en weer moet getuig, kan weens die huidige hokreëls nie Namibië inkom en in die hof teenwoordig wees nie.

Vir die volgende hofverhoor is weer vyf dae uitgesit. Indien die reisbeperking tussen Namibië en Suid-Afrika steeds dan van krag is, is Joubert se aankoms in die land en die voortduur van die saak onwaarskynlik.

Aanklaer Ethel Ndlovu het Woensdag aan die hof gesê Joubert sal moontlik die laaste staatsgetuie wees wat die staat sal roep.

"Maar dit hang af van sy getuienis," het sy gesê.

Tydens vandeesweek se verhoor het twee ander staatsgetuies getuig. Dit sluit die landmeter, mnr. Herman Engelbrecht, in wat vlugtig getuig het oor die pad tussen Swakopmund en Hentiesbaai wat weer geteer is. Die ander getuie is mnr. Watze Hepkema, 'n tegniese direkteur van Aurecon, wat onder meer oor die veilige remafstande van voertuie getuig het.

Dippenaar staan tereg op ses moordklagte, roekelose of nalatige bestuur, bedrog en bestuur sonder 'n geldige rybewys.

Hy word daarvan aangekla dat hy 'n noodlottige trompop botsing tussen Swakopmund en Hentiesbaai op 29 Desember 2014 veroorsaak het, wat die lewens van ses mense geëis het.

Die slagoffers sluit in drie Namibiërs mnr. JC Horn (27), mee. Dinah Pretorius (30) en Charlene Schoonbee (24), asook drie Duitse toeriste van die Joschko-gesin. Slegs die jongste lid, Antonia Joschko, het oorleef.

- [email protected]

Soortgelyk

 

Iran: Kernkragontploffing veroorsaak beduidende skade

3 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

3 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

5 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

6 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

6 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

17 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

17 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

17 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

17 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...