COP25: 'Amerika is nog in,' sê Pelosi oor klimaatkrisis

Een van die wêreld se grootste besoedelaars

05 December 2019 | Internasionaal
­Amerika is steeds deel van die stryd teen klimaatverandering, al het pres. Donald Trump verlede maand gesê hy gaan met die formele prosesse begin om die land aan die rigtinggewende ­Parys-klimaatooreenkoms van 2015 te onttrek.

Nancy Pelosi, speaker van die ­Amerikaanse huis van verteen­woordigers, wat deur die Demo­kratiese Party oorheers word, het Maandag op die eerste dag van die Verenigde Nasies se klimaatberaad (COP25) in Madrid, Spanje, gesê sy is daar om te sê “Amerika is steeds in”.

Amerika is een van die wêreld se grootste besoedelaars.

Trump sê dit sal die Amerikaanse ekonomie skade aandoen as hulle aan die Parys-ooreenkoms moet voldoen, “terwyl ander groot besoedelaars, soos China, hul koolstofvrystellings verhoog”.

Pelosi lei ook die Demokrate se poging om Trump in 'n staat van beskuldiging te stel. Omring deur Demo­kratiese verteenwoordigers op die kongres het sy gesê hulle is daar om te sê hul verbintenis tot optrede rakende die klimaatkrisis is in yster gegiet.

“Ons is nie hier om te praat oor die beskuldigings teen die president van Amerika nie, maar om te wys ons is daaraan toegewy om die gevaar wat die klimaatkrisis vir die mensdom inhou, te takel.

“Ons wil positief praat oor ons agenda om die planeet vir toekomstige generasies te bewaar.”

Die Demokrate hoop om volgende jaar die presidensiële verkiesing te wen.

Selfs vir hulle gaan dit nie maklik wees om wetgewing oor die klimaat deur te voer nie omdat daar 'n sterk veldtog in Amerika is om optrede oor die klimaat aan maatskaplike geregtigheid te koppel.

COP25 word bygewoon deur meer as 25 000 afgevaardigdes van sowat 200 lande. Hulle gaan tot 13 Desember probeer om ooreenkomste te bereik om aardverhitting op 'n hanteerbare vlak te hou.

– Netwerk24/Reuters

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...