Conradie, Tromp reg vir Griffons
Elke lid van die naweek se Namibiese 22-tal het reeds toetsrugby gespeel.
Andrew Poolman - Ná opeenvolgende slae teen drie van die sterkste unies in die SuperSport-uitdaagreeks se noordelike groep, sal die Windhoek Draught Welwitschias hoop om Sondag teen die Griffons hul beste vertoning vanjaar te lewer.
Die Namibiërs se botsing met die Noord-Vrystaters (afskoptyd 12:30) word onmiddellik daarna gevolg deur die Luiperds teen die Valke.
Beide wedstryde word by die buurland se kampioen oop klub, Rustenburg Impalas, se veld gespeel en sal regstreeks op SuperSport 10 gebeeldsend word.
Aan die Namibiese kant is vyf invloedryke en ervare spelers gereed om Sondag hul buiging in vanjaar se kompetisie te maak.
Die geharde losvoorspeler Wian Conradie is 'n groot aanwins vir afrigter Phil Davies, nadat hy deur die Pukke en die Luiperds vrygestel is om in die Wêreldbekerjaar deel van die nasionale span se voorbereiding te vorm.
Conradie se fisieke spel maak hom 'n gerekende speler op Varsitybeker-vlak en hy behoort in tandem met sy Pukke-maat, die haker Louis van der Westhuizen, sommer dadelik 'n impak in sy provinsiale debuut vir die Welwitschias te maak.
Dié twee se werkverrigting op die verdediging vir Pukke was vanjaar opnuut iets ysliks.
Op haker is die haker Obert Nortjé ook weer speelgereed nadat 'n besering in die voorseisoen hom tot dusver buite rekening gehou het.
Agterlangs is Justin Newman (senter of vleuel van Pukke en Luiperds) ook vir die eerste keer vir 'n Namibiese senior span op provinsiale vlak beskikbaar, terwyl die veelsydige spelskepper Johann Tromp en vleuel Russell van Wyk hul beserings afgeskud het en sal strewe om soos tevore 'n verskil te maak.
Conradie (15 toetse), Nortjé (13), Tromp (40), Newman (13) en Van Wyk (9) sluit hulle aan by 'n wedstrydgroep waarvan elke spanlid reeds in volwaardige toetsrugby blootgestel is.
PW Steenkamp, Leneve Damens en Christo van der Merwe is ook terug in berekening ná hul afnaweek, terwyl Chrysander Botha, Rohan Kitshoff en Adriaan Booysen 'n blaaskans kry.
Afrigter Phil Davies sal dus gewis wil sien dat sy Namibiese span reeds hierdie naweek sterker kompeteer as wat teen die Goue Leeus, die Blou Bulle of Griekwas die geval was. Die toetsseisoen in Junie kom reeds spoedig nader.
Die Griffons is egter 'n hegte eenheid wat nooit vir enige opponent terugstaan nie.
Die Pers Mensvreters het laas Vrydag met 20-35 op Loftus Versfeld teen die Blou Bulle verloor.
Die week tevore het Griekwas hulle met 35-26 ondergekry, terwyl hul openingswedstryd 'n tuissege met 34-27 teen die Luiperds was.
Die Noord-Vrystaters het afgesien van 'n gelykopwedstryd (13-13) in 1999 op Welkom nog net sukses in die agt wedstryde sedertdien teen Namibiese spanne beleef.
Hul span van 2016 het met 101-0 die grootste telling ooit teen die Welwitschias in Windhoek opgestapel, maar onder Lyn Jones het die Namibiërs die volgende jaar op Welkom in 'n dramatiese wedstryd met 59-66 (nege drieë teen tien) so byna die bordjies verhang.
Die Welwitschias-groep:
Voorspelers: André Rademeyer, Louis van der Westhuizen, Obert Nortjé, Desiderius Sethie, AJ de Klerk, Ruan Ludick, Wian Conradie, Prince !Gaoseb, Christo van der Merwe, Thomasau Forbes, Max Katjijeko, Leneve Damens (onderkaptein).
Agterspelers: Eugene Jantjies, JC Winkler, PW Steenkamp, Cliven Loubser, Chris Arries, Darryl de la Harpe (kaptein), Justin Newman, Russell van Wyk, JC Greyling, Johann Tromp.
Griffons: 15 Domenic Smit, 14 Ezrick Alexander, 13 Niell Stannard, 12 Arthur Williams, 11 Allistar Mumba, 10 Duan Pretorius (kaptein), 9 Jaywinn Juries, 8 Jean Pretorius, 7 Ludio Williams, 6 Vincent Maruping, 5 Gavin Annandale, 4 Yaya Hartzenberg, 3 Doctor Booysen, 2 Anrich Alberts, 1 Neo Mohapi.
Reserwes: Cameron van Heerden, Kabelo Motloung, Nofuma Nkosikhona, Thato Mavundla, Danrich Visagie, Ethan Williams, Duncan van Vuuren.
• In die Luiperds se tuiswedstryd onmiddellik daarna teen die Valke bevat sy span opnuut twee Namibiërs wat by Pukke studeer, naamlik die slot Johan Retief in die beginspan en stut Nelius Theron wat van die bank af opgestuur kan word.
• Die huidige stand van die noordelike groep ná drie wedstryde elk: 1 Griekwas (15 punte), 2 Goue Leeus (15), 3 Pumas (15), 4 Blou Bulle (10), 5 Griffons (5), 6 Luiperds (4), 7 Valke (3), 8 Welwitschias (0).
Die Namibiërs se botsing met die Noord-Vrystaters (afskoptyd 12:30) word onmiddellik daarna gevolg deur die Luiperds teen die Valke.
Beide wedstryde word by die buurland se kampioen oop klub, Rustenburg Impalas, se veld gespeel en sal regstreeks op SuperSport 10 gebeeldsend word.
Aan die Namibiese kant is vyf invloedryke en ervare spelers gereed om Sondag hul buiging in vanjaar se kompetisie te maak.
Die geharde losvoorspeler Wian Conradie is 'n groot aanwins vir afrigter Phil Davies, nadat hy deur die Pukke en die Luiperds vrygestel is om in die Wêreldbekerjaar deel van die nasionale span se voorbereiding te vorm.
Conradie se fisieke spel maak hom 'n gerekende speler op Varsitybeker-vlak en hy behoort in tandem met sy Pukke-maat, die haker Louis van der Westhuizen, sommer dadelik 'n impak in sy provinsiale debuut vir die Welwitschias te maak.
Dié twee se werkverrigting op die verdediging vir Pukke was vanjaar opnuut iets ysliks.
Op haker is die haker Obert Nortjé ook weer speelgereed nadat 'n besering in die voorseisoen hom tot dusver buite rekening gehou het.
Agterlangs is Justin Newman (senter of vleuel van Pukke en Luiperds) ook vir die eerste keer vir 'n Namibiese senior span op provinsiale vlak beskikbaar, terwyl die veelsydige spelskepper Johann Tromp en vleuel Russell van Wyk hul beserings afgeskud het en sal strewe om soos tevore 'n verskil te maak.
Conradie (15 toetse), Nortjé (13), Tromp (40), Newman (13) en Van Wyk (9) sluit hulle aan by 'n wedstrydgroep waarvan elke spanlid reeds in volwaardige toetsrugby blootgestel is.
PW Steenkamp, Leneve Damens en Christo van der Merwe is ook terug in berekening ná hul afnaweek, terwyl Chrysander Botha, Rohan Kitshoff en Adriaan Booysen 'n blaaskans kry.
Afrigter Phil Davies sal dus gewis wil sien dat sy Namibiese span reeds hierdie naweek sterker kompeteer as wat teen die Goue Leeus, die Blou Bulle of Griekwas die geval was. Die toetsseisoen in Junie kom reeds spoedig nader.
Die Griffons is egter 'n hegte eenheid wat nooit vir enige opponent terugstaan nie.
Die Pers Mensvreters het laas Vrydag met 20-35 op Loftus Versfeld teen die Blou Bulle verloor.
Die week tevore het Griekwas hulle met 35-26 ondergekry, terwyl hul openingswedstryd 'n tuissege met 34-27 teen die Luiperds was.
Die Noord-Vrystaters het afgesien van 'n gelykopwedstryd (13-13) in 1999 op Welkom nog net sukses in die agt wedstryde sedertdien teen Namibiese spanne beleef.
Hul span van 2016 het met 101-0 die grootste telling ooit teen die Welwitschias in Windhoek opgestapel, maar onder Lyn Jones het die Namibiërs die volgende jaar op Welkom in 'n dramatiese wedstryd met 59-66 (nege drieë teen tien) so byna die bordjies verhang.
Die Welwitschias-groep:
Voorspelers: André Rademeyer, Louis van der Westhuizen, Obert Nortjé, Desiderius Sethie, AJ de Klerk, Ruan Ludick, Wian Conradie, Prince !Gaoseb, Christo van der Merwe, Thomasau Forbes, Max Katjijeko, Leneve Damens (onderkaptein).
Agterspelers: Eugene Jantjies, JC Winkler, PW Steenkamp, Cliven Loubser, Chris Arries, Darryl de la Harpe (kaptein), Justin Newman, Russell van Wyk, JC Greyling, Johann Tromp.
Griffons: 15 Domenic Smit, 14 Ezrick Alexander, 13 Niell Stannard, 12 Arthur Williams, 11 Allistar Mumba, 10 Duan Pretorius (kaptein), 9 Jaywinn Juries, 8 Jean Pretorius, 7 Ludio Williams, 6 Vincent Maruping, 5 Gavin Annandale, 4 Yaya Hartzenberg, 3 Doctor Booysen, 2 Anrich Alberts, 1 Neo Mohapi.
Reserwes: Cameron van Heerden, Kabelo Motloung, Nofuma Nkosikhona, Thato Mavundla, Danrich Visagie, Ethan Williams, Duncan van Vuuren.
• In die Luiperds se tuiswedstryd onmiddellik daarna teen die Valke bevat sy span opnuut twee Namibiërs wat by Pukke studeer, naamlik die slot Johan Retief in die beginspan en stut Nelius Theron wat van die bank af opgestuur kan word.
• Die huidige stand van die noordelike groep ná drie wedstryde elk: 1 Griekwas (15 punte), 2 Goue Leeus (15), 3 Pumas (15), 4 Blou Bulle (10), 5 Griffons (5), 6 Luiperds (4), 7 Valke (3), 8 Welwitschias (0).
Kommentaar
Republikein
Geen kommentaar is op hierdie artikel gelaat nie