Congo-stryd sleep voort op Okahandja

Minister se ingryping gevra

27 December 2018 | Regering
Lede van Okahandja se dorpsraad kon verlede week nie ingehuldig word nie omdat die meerderheid van die Swapo-raadslede die geleentheid geboikot het.

Die geleentheid, waartydens ‘n burgemeester verkies sou word, is vir die tweede keer in minder as ‘n maand uitgestel aangesien daar nie ‘n kworum was nie.

Swapo het vyf verteenwoordigers op die dorpsraad van sewe lede.

Vier van hulle het nie opgedaag nie: Die huidige burgemeester, mnr. Johannes “Congo” Hindjou, asook me. Hileni Iita en mnre. Helmi Maruru en Gideon Uwu-Khaeb.

Landdros Khaepriums Swartz, wat die inhuldiging sou waarneem, het vir ‘n uur tevergeefs op dié raadslede gewag. Dit is toe tot verdere kennisgewing uitgestel.

Die ongeveer 150 inwoners wat vir die inhuldiging opgedaag het, was ontstoke.

Van hulle het op Hindjou se herverkiesing as burgemeester aangedring, terwyl ander daarteen gekant was. Polisie het die volgepakte stadsaal bewaak.

“Ons is siek en sat hiervoor. Geen Congo, geen verkiesing,” het ‘n inwoner geskree.

“Congo moet padgee en die voorskrif van die SG (Swapo se sekretaris-generaal) moet gerespekteer word,” het ‘n ander teruggekap.

Swapo-ondersteuners wil hê dié party se SG, me. Sophia Shaningwa, moet by die voortslepende kwessie ingryp.

In ‘n onlangse brief het Shaningwa dit duidelik gestel Hindjou mag nie sy posisie behou nie. Sy het geen redes hiervoor verskaf nie.

Shaningwa verkies me. Sofia Upithe as nuwe burgemeester, met Uwu-Khaeb as onderburgemeester en Iita as voorsitter van die bestuurskomitee.

Die uitvoerende distrikskomitee wil Hindjou as burgemeester behou, en verkies Iita as onderburgemeester en Uwu-Khaeb as voorsitter van die bestuurskomitee.

Inwoners van Okahandja dring daarop aan dat die minister van landelike en stedelike ontwikkeling, mnr. Peya Mushelenga, ingryp. - Nampa

Soortgelyk

 

Afrika-lied kom tuis in Namib

16 ure gelede | Kuns en vermaak

Elvira Hattingh - Die Duits-Namibiese kunstenaar Max Siedentopf het wêreldwyd opslae gemaak met ‘n kunsinstallasie in die Namib wat Toto se bekende liedjie “Africa” oor...

CoW verloor ronde teen baas

16 ure gelede | Regering

Denver Kisting - Die geskorste uitvoerende hoof van die Windhoekse stadsraad (CoW), mnr. Robert Kahimise, het 'n ronde teen sy werkgewer gewen.CoW sal waarskynlik binne...

Sowat 7 000 skeepspassasiers sak op Walvis toe

16 ure gelede | Toerisme

Geskiedenis is gister gemaak toe vier groot passasierskepe in die Walvisbaai-hawe op anker gelê het en sowat 7 000 internasionale reisigers op die hawedorp toegesak...

Herstel internet, toegang tot sosiale media in Zim

16 ure gelede | Plaaslik

Ronelle Rademeyer - Om mense in Zimbabwe die gebruik van internetdienste te ontneem, is ‘n skending van hul menseregte en benadeel die ekonomie.“Ons raam die...

Weer vir 17 Januarie 2019

16 ure gelede | Weer

BINNELAND: Sonnig en bloedig warm in die ||Kharasstreek. Elders sal dit gedeeltelik bewolk en baie tot bloedig warm wees met enkele donderbuie oor die sentrale,...

Jong Namibiër maak biomediese deurbrake

16 ure gelede | Gesondheid

Denver Kisting - Sy twee jonger sibbe se worsteling as kinders met asma het ’n jong Namibiese ingenieur aangespoor om ’n toestel te ontwerp wat...

Lui-lui telefoon

16 ure gelede | Tegnologie

Telecom Namibia se landlyne in Windhoek was sedert Dinsdag buite werking. Mnr. Oiva Angula, Telecom Namibia se hoof van korporatiewe kommunikaise en openbare skakelwese, het...

Gedenkdiens gehou vir slagoffers van ongeluk

16 ure gelede | Plaaslik

’n Gedenkdiens vir ses van die sewe slagoffers wat onherkenbaar verbrand is tydens die ongeluk op 10 Augustus 2018, is Dinsdag op Otjiwarongo gehou. Die...

Meer as N$2 miljoen se stukkende verkeersligte

16 ure gelede | Regering

Die hoofstad se munisipaliteit het in 2018 meer as N$2 miljoen bestee om stukkende verkeersligte te herstel nadat dit in padongelukke beskadig is.Mnr. Harold Akwenye,...