City Lodge wil hotelle aan staat beskikbaar stel

27 March 2020 | Afrika
William Horne



Die City Lodge-hotelgroep gaan nie al sy hotelle sluit te midde van die staat van inperking wat Donderdag om middernag begin nie, en hy hoop om van sy hotelle veral vir kwarantyn-doeleindes aan die staat beskikbaar te stel.

City Lodge het vroeër aangekondig hy beplan om 24 van sy 62 hotelle te sluit te midde van die Covid-19-pandemie. Noudat pres. Cyril Ramaphosa egter aangekondig het dat ’n staat van inperking tot en met 16 April sal geld, sê die hotelgroep dié getal sal “beslis styg”.

Maar hy bly vasbeslote om sy bedrywighede nie geheel en al te staak nie.

“Die omvang van verdere sluitings sal bepaal word deur die mate waartoe die groep versoek word om ondersteuning aan die regering en noodsaaklike dienste te bied, sowel as ander dienste in die vorm van kwarantyngeriewe of vir personeel-akkommodasie,” sê City Lodge Woensdag.

“Goeie gesprekke het reeds in hierdie verband plaasgevind en ons is gereed om sulke inisiatiewe te ondersteun as deel van ’n gekoördineerde reaksie op hierdie pandemie.”

Maar die groep is wel reeds aan die worstel met beduidende dalings in sy kamerbesettings. Hy het nog toegang tot genoegsame krediet vanaf sy krediteure, sê die hotelgroep, maar gegewe die wisselvalligheid van die pandemie en die noodtoestand in die land, kan hy nie met sekerheid sê wat die uiteinde gaan wees nie.

Sun International het reeds besluit om al sy hotelle en casino’s in die land te sluit, en Tsogo Sun het ook met sluitings begin. – Netwerk24

Soortgelyk

 

Geld rol vir ramp

6 ure gelede | Regering

Jo-Maré Duddy – Die regering se N$8-miljardvoorskrif teen die ekonomie se Covid-koors is gister deur ekonome verwelkom, veral omdat dit amptelik as die eerste fase...

Baba jongste Covid-19-geval

6 ure gelede | Gesondheid

Henriette Lamprecht - ’n Nege maande oue baba is saam met sy pa die nuutste twee gevalle van Covid-19 in Namibië. Dit bring die nasionale...

Só werk landbou in inperkingstyd

6 ure gelede | Landbou

Elvira Hattingh - Tydens die inperkingstyd mag naweekboere nie heen en weer vanaf hul plase en wonings in dorpe beweeg nie. Voltydse boere en plaaswerkers...

NMH skenk toerusting, kospakkies vir padblokkades

6 ure gelede | Gesondheid

In ’n poging om die vinnige vloei van noodsaaklike vragverkeer by die vier padblokkades na die Khomasstreek te bewerkstellig, het Namibia Media Holdings (NMH) gister...

Noodtoestand: ‘Niks is normaal’

6 ure gelede | Regering

Denver Kisting - Me. Yvonne Dausab, die minister van justisie, sê Namibiërs bevind hulle midde-in ’n buitengewone situasie. “Ons is in ’n noodtoestand. So, niks...

Weer vir 2 April 2020

6 ure gelede | Weer

BINNELAND: Mooi weer en baie warm in die Weste. Elders sal dit gedeeltelik bewolk en baie tot bloedig warm wees met enkele donderbuie in die...

Pandemie slaan toerismebedryf hard

6 ure gelede | Toerisme

Francoise Steynberg - Die toerismebedryf gaan heel waarskynlik die hardste deur die Covid-19-pandemie getref word. Só sê die uitvoerende hoof van die Gasvryheidsvereniging van Namibië...

Fishrot-hokaairoeper glo gedreig, vergiftig

6 ure gelede | Misdaad

Catherine Sasman – Mnr. Jóhannes Stefánsson, hokaairoeper in die internasionale korrupsieskandaal, oftewel die Fishrot-sage, het aan Yslandse verslaggewers gesê hy is al verskeie kere vergiftig...

Fitch gradeer SA banke verder in rommel in

6 ure gelede | Afrika

Nellie Brand-Jonker - Fitch het die vyf groot banke van Suid-Afrika naamlik Absa, FirstRand, Investec, Nedbank en Standard Bank verder in rommel afgradeer.Alle nasionale langtermyngraderings...