Choas tydens brand by Reho-hoërskool

Niemand beseer

15 March 2021 | Ongelukke
Francoise Steynberg – Niemand is beseer tydens die brand wat Donderdagaand by die Rehoboth Hoërskool uitgebreek het nie, maar chaos het glo geheers terwyl die vuur probeer blus is.

“Na bewering is die vlamme omstreeks 19:30 by die laaste blok van die skool aan die suidelike kant opgemerk. Die blok bestaan uit 'n kombuis, twee klaskamers, toilette en 'n garage wat as stoorkamer gebruik word,” het die nasionale woordvoerder van die Namibiese polisie, adj.komm. Kauna Shikwambi, Vrydag gesê.

“Niemand is tydens die brand beseer nie, maar ernstige skade is aan die eiendom aangerig,” het Shikwambi gesê.

Sy sê die brand is met behulp van die brandweer, gemeenskap en polisie geblus.

Volgens die onderwysdirekteur van die Hardapstreek, mnr. Gerhard Ndabenongo, is dit die derde brandvoorval in vyf jaar by die skool.

“In 2016 het die skool gebrand, asook verlede jaar. Beide brande is deur ’n elektriese kortsluiting veroorsaak,” het hy Vrydag aan Republikein gesê.

Die skool was Vrydag gesluit en hy sou die middag die toneel besoek om die omvang van die skade vas te stel.

OMSTANDERS IS IN DIE PAD

Volgens die brandweerhoof van Rehoboth, mnr. Dirk Cloete, is hulle Donderdag om 20:30 van die voorval ingelig en teen 22:40 was die brand geblus, maar die nooddienste het nog tot middernag op die toneel gewerk.

“Die dorp het net drie brandweermanne en een brandweerwa en die waterdruk was swak. Gelukkig is niemand beseer nie, maar een van die brandweermanne is vir hitte-uitputting behandel.”

Cloete sê die nuuskierige publiek “was in die pad en die feit dat soveel mense nog ná die aandklokreël op die toneel was, is met die polisie bespreek”.

Een van die nooddienswerkers wat gehelp het om die vlamme te blus, beskryf die aand as chaoties.

“Ons het baie probleme gehad, veral met die toevoer van die water, want die waterdruk was baie swak,” het hy gesê.

“Net sodra die vuur halfpad geblus is, vlam dit weer op.”

Hy sê skole is veronderstel om brandpype in elke tweede vertrek te hê.

“Die skooljaart se gras staan so hoog soos ’n bakkie en drie buitebande het ook in die gras gelê wat verwyder moes word. Kan die kinders nie die jaart skoffel nie?” vra hy.

Volgens die nooddienswerker is dieselfde probleme Donderdagaand ondervind as tydens die skool se vorige brandgeval. Hy sê die brand het toe by dieselfde deel van die skool uitgebreek.

“Nóg ’n uitdaging was dat geen ryvoorgang vir nooddienste gegee word nie. Mense in hierdie land is nie bedagsaam teenoor nooddienste nie,” sê die inwoner.

Volgens Cloete het die brand vermoedelik langs die werkswinkel in die dak by die elektriese kabels van ’n lig ontstaan, dus word ’n elektriese kortsluiting weer as oorsaak vermoed.

“Die polisie se forensiese span sal Maandag die volledige forensiese ondersoek doen,” het die brandweerhoof gesê.

[email protected]

Soortgelyk

 

Robberts bly in aanhouding

10 ure gelede | Howe

Erwin Leuschner – Die 36-jarige mnr. Daniel (Danie) Robberts bly in aanhouding nadat hy na bewering sy vriend, mnr. Thomas Frederick (Frikkie) van Schalkwyk (69),...

Inentings: Namibiërs wag en kyk

10 ure gelede | Gesondheid

Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike...

Living a purposeful life

10 ure gelede | Mense

Rivaldo Kavanga“I would advise the youth to relentlessly go after whatever they desire unlimited. In pursuit of long-term gains and not short term rather.” Ndakondja...

Weer vir 30 Maart 2021

10 ure gelede | Weer

BINNELAND: Gedeeltelik bewolk en warm in die verre suide en die Zambezi-streek. Elders gedeeltelik bewolk en warm met verspreide donderbuie. Wyd verspreide donderbuie in die...

Huishoudelike geweld gedy in Kavango-Wes

10 ure gelede | Misdaad

Die naweek is drie sake van huishoudelike geweld in die Kavango-Wesstreek by die polisie aanhangig gemaak. Vrydag om 05:00 het ’n 36-jarige man in die...

Running for those who can’t

10 ure gelede | Skole

In honour of cerebral palsy awareness month and as part of a school project, four learners from Windhoek Afrikaanse Privaatskool ran with children, parents and...

Windhoek kry eie ekonomiese plan

10 ure gelede | Regering

Augetto Graig – Die burgemeester van Windhoek, dr. Job Amupanda, sê die regering moenie terugstaan sodat die private sektor die nasie tot werkskepping en ekonomiese...

Ending the double shift system at schools

10 ure gelede | Onderwys

Rivaldo KavangaBet-el Primary School on Friday, 26 March 2021 received three classroom blocks and a storeroom from The Craton Foundation. The classrooms were donated to...

Mej. Namibië: Hier is die top-16

10 ure gelede | Gebeure

Die eerste ronde van die 2021 Mej. Namibië-skoonheidskompetisie het Saterdag in Windhoek plaasgevind waar die top-16-finaliste bekend gestel is.Die finaliste is Andeline Wieland, Shahida van...