Charles Namiseb eindelik gestraf

Uis-geweldenaar kry 57 jaar agter tralies

22 May 2019 | Howe
Die tweede misdadiger en verkragter wat in 2010 vir die aanval op ‘n bejaarde egpaar van Uis verantwoordelik was, is gevonnis.

Die eens voortvlugtige en berugte Charles Namiseb is Maandag tot 63 jaar tronkstraf gevonnis, waarvan hy effektiewelik 57 jaar in aanhouding moet deurbring.

Hy het saam met ‘n makker tereggestaan vir die gewelddadige gewapende rooftog op ’n bejaarde egpaar van Uis op 3 Oktober 2010.

Die 37-jarige Namiseb en sy vriend, Edwin Tourob (34), is in Februarie 2016 deur regter Alfred Siboleka in die hoërhof in Windhoek skuldig bevind op twee klagte van aanranding met die opset om ernstig te beseer, ’n klag van roof met verswarende omstandighede en drie klagte van verkragting.

Tourob is in Mei 2016 alleen gevonnis nadat Namiseb op 16 Maart daardie jaar uit die Windhoek-polisiekantoor se aanhoudingselle ontsnap het. Siboleka het hom tot 53 jaar tronkstraf gevonnis.

Namiseb is op 7 April 2017 in Suid-Afrika aangekeer en in Julie verlede jaar aan Namibië uitgelewer. Republikein was op die Internasionale Lughawe Hosea Kutako toe hy op ‘n kommersiële vlug van Air Namibia in die land aangekom en onder swaar polisiebewaking na die Windhoek Sentrale Gevangenis geneem is.

Bewyse is tydens die verhoor voorgelê oor hoe die toe 72-jarige man (nou 81) tydens die aanval met 'n graaf oor sy kop geslaan, die huis ingesleep en met ’n elektriese koord vasgebind is.

Sy 69-jarige vrou (nou 78) is ook aangerand en deur die twee aanvallers vasgemaak. Sy is daarna verkrag en het ernstige beserings opgedoen.

Die mans het die egpaar van hul voertuig, twee vuurwapens en juwele van sowat N$78 900 beroof.

Siboleka het Namiseb tot 15 jaar tronkstraf op elk van die drie verkragtingsklagte gevonnis, terwyl hy 12 jaar tronkstraf vir die gewapende roof gekry het. Sy straf op die klagte van aanranding is ses jaar elk. Dit sal gesamentlik uitgedien word.

Tourob is op die dag van die aanval in hegtenis geneem ná hy gewond is toe die polisie op die gesteelde voertuig geskiet het waar dit deur ’n padblokkade tussen Uis en en Khorixas gejaag het.

Namiseb is drie dae later op Swakopmund in hegtenis geneem.

Hy het aangedui hy gaan teen sy vonnis appelleer. – Eie berig en Nampa

Soortgelyk

 

Chasing your dream

11 ure gelede | Mense

Ester Kamati Aina Johannes completed her matric at Windhoek High School in 2015 and is currently pursuing her studies in marketing management at the International...

Kinderverkragter: ‘Ek is skuldig’

11 ure gelede | Howe

Francoise Steynberg - Die 50-jarige Jeremia van Wyk het gister skuldig gepleit op die verkragting en ontvoering van ’n vyfjarige meisie. Pas nadat Van Wyk gisteroggend van...

/Khomani wil verskeie Khomas-plase onteien

11 ure gelede | Politiek

Catherine Sasman - Die /Khomani-gemeenskap eis nie net die onteiening van plekke soos Dordabis, Aub en Omitara omdat dit aan hul voorvaders behoort het nie,...

Windhoekers kniediep in die skuld

11 ure gelede | Regering

Denver Kisting – Die Windhoekse stadsraad (CoW) het gister by monde van sy woordvoerder, mnr. Harold Akwenye, bevestig hul debiteure skuld hulle bykans N$900 miljoen...

Weer vir 6 Augustus 2019

11 ure gelede | Weer

BINNELAND: Gedeeltelik bewolk en baie warm in die Noordooste. Elders sal dit sonnig en baie warm wees, maar matig tot warm in die Suide. Dit...

Maltas Club reaches out

11 ure gelede | Onderwys

Ester KamatiIn conjunction with First National Bank (FNB) Namibia, the University Centre for Studies in Namibia (Tucsin) and Dinapama Manufacturing and Supplies, the Maltas Club...

Making science easier

11 ure gelede | Onderwys

Justicia Shipena B2Gold Namibia, in collaboration with the education ministry, officially launched the flagship Little Shop of Physics (LSOP) teacher programme on 2 August...

Embracing differences

11 ure gelede |

Justicia Shipena As a way of bringing together and uniting the different cultural groups within the International University of Management (IUM) community,...

Peer-to-peer conversations

11 ure gelede | Skole

Ndakondja Uusiku Motivations will host the first-ever Purposeful Camp for teenagers aged between 15 and 19 from 28 November to 4 December 2019 at the...