Challenge Air moeg vir verskonings

Lugredery 'tree op asof skuld kosbaar is'

02 September 2019 | Vervoer
Ogone Tlhage



Die gelikwideerde Belgiese lugvaartmaatskappy Challenge Air SA raak toenemend ongeduldig oor Air Namibia se versuim om 'n eis van N$400 miljoen vir die huur van 'n Boeing 767 deur die nasionale lugredery te betaal.

Die hoërhofregter Thomas Masuku het in Julie beslis mnr. Anicet Baum, wat in België gebaseer is en Challenge Air se enigste kurator is, kan die maatskappy in 'n Namibiese hof in die voortgesette dispuut met Air Namibia en sy voormalige sustermaatskappy TransNamib verteenwoordig.

Die maatskappy dring daarop aan dat Air Namibia ou skuld delg wat in 1998 met die huur van die vliegtuig aangegaan is.

Hoewel Air Namibia die vliegtuig in ontvangs geneem het, het hy die huurooreenkoms gekanselleer wat dieselfde jaar tot Challenge Air se ondergang gelei het.

Dit is nie die eerste keer dat 'n beslagleggingsbevel op Air Namibia se bates uitgereik word as gevolg van 'n eis wat Challenge­ Air teen die lugredery ingedien het nie.

Laat verlede jaar en ook in die loop van 2019 kon Challenge Air daarin slaag om op inkomste beslag te lê wat Air Namibia se Frankfurt-Windhoek-roete gelewer het.

Weens dié beslaglegging is die lugredery se werksaamhede in Junie en Julie ontwrig.

Challenge Air kon daarin slaag om op N$10 miljoen uit Air Namibia se bankrekenings beslag te lê.

In Junie is op drie Airbus A319-vliegtuie in onderskeidelik Ciprus en Suid-Afrika beslag gelê weens die wanbetaling vir instandhouding wat op die vliegtuie gedoen is.

Mnr. Sisa Namandje, wat Challenge Air in Namibië verteenwoordig, het op sy beurt gesê die maatskappy raak toenemend ongeduldig en het gedreig om in die komende dae op die nasionale lugredery se bates beslag te lê.

“Ons het genoeg gehad van 'n skuldenaar (Air Namibia) wat optree asof sy skuld kosbaar is.

“Tensy daar 'n skikkingsooreenkoms in die komende dae is, gaan ons op nog meer van hul bates beslag lê,” het hy gesê.

Air Namibia se woordvoerder, mnr. Paul Nakawa, het by navraag gesê die lugredery is in gesprek met die regering.

“Air Namibia se bestuur en raad is in konsultasie met sy aandeelhouer. 'n Verdere aankondiging sal gemaak word, sou besprekings oor 'n skikkingsooreenkoms hierop volg,” het Nakawa gesê.

Air Namibia het sy huurooreenkoms met Challenge Air in Julie 1998 beëindig nadat bevind is die betrokke vliegtuie is foutief. Die twee maatskappye het op ver­pligte arbitrasie ooreengekom en 'n verhoor het in 2006 in Londen, Engeland, plaasgevind. In Augustus 2008 het die arbiter teen Air Namibia en TransNamib beslis.

Air Namibia se pogings om betaling aan Challenge Air te ontduik, is in 2011 'n verdere nekslag toegedien toe 'n Franse arbitrasiehof ook ten gunste van Challenge­ Air beslis het. Dit is opgevolg deur 'n soorgelyke uitspraak van München se streekappèlhof.

[email protected]

Soortgelyk

 

Toetsing vir Covid-19 kry hupstoot

27th of May 11:38 | Gesondheid

Bank Windhoek het vandag hul skenking van reagent- en weefselmonstertoetsstelle aan die Namibië Instituut vir Patologie (NIP) aangekondig. Dié handelsbank se uitvoerende beampte, me. Jacquiline...

Bank en depot sal nie sluit nie, sê Peya

43 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

51 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...