Caramel sê hy beter vegter as Low Key
Die besoeker vir die hoofgeveg van Saterdagaand se Legacy Fight Part 2-boksfees is gister aan die media voorgestel.
Tielman van Lill - Die 26-jarige Hongaarse bokser Zoltán Dániel Kovács (bynaam Caramel) het gisteroggend halfnege sy eerste treë op Namibiese bodem by die Internasionale Lughawe Hosea Kutako gegee.
Die 1.79 m lange Kovács van Nyírpazony in die ooste van Hongarye is hier om Saterdagaand in die kryt teen Jeremiah Nakathila van Namibië (Low Key) verlore aansien te herwin. Die Wêreldboksorganisasie (WBO) se nuwe “globale” junior liggewigtitel (57-59 kilogram) sal by die Windhoek Buiteklub op die spel staan.
Kovács was volgens Lajos Nagy, sy bestuurder, tevore deur die WBO as sy 14de aanspraakmaker op sy wêreldranglys aangedui. Vanweë 'n besering was hy egter vir elf maande (Junie 2017 tot Mei 2018) glad nie in die kryt nie. Vanweë hierdie onaktiewe periode het hy sy posisie op die WBO se wêreldranglys verloor.
“Zoltán was vir byna 'n jaar beseer, maar is nou reeds weer met drie oorwinnings in die laaste jaar besig om die pad boontoe te klim en sy regmatige plek op die WBO-ranglys te herwin. As hy nie beseer was nie, sou hy moontlik nou al in die tweede of vierde posisie by die WBO gewees het. Hy word ook deur die Internasionale Boksfederasie (IBF) se ranglys erken, wat 'n aanduiding is hoe hoog Zoltán gereken word.
“Ná sy geveg teen Nakathila sal die WBO sy ranglys vir die nuwe maand moet heroorweeg. Ons het die grootste respek vir wat Nakathila reeds bereik het, maar Zoltán is beslis die beter bokser van die twee en hy sal dit Saterdagaand bewys. Hy wil ook vir die WBO se wêreldkroon veg,” het Nagy gesê.
Kovács het 29 gevegte op sy getuigskrif en spog met 23 oorwinnings waarvan net sewe met uitklophoue gewen is. Al sy nederlae (vyf, een keer uitgeslaan) was in 2014 of vroeër, met een gelykopuitslag in 2015. Hy is boonop 'n gesoute reisiger met gevegte in Slovakye, Ierland, Noord-Ierland, Engeland, Duitsland en Pole op sy kerfstok.
Hy word tans weer deur beide die IBF en WBO op nr. 15 erken, maar 'n oorwinning in Windhoek sal sy plek aansienlik op beide liggame se ranglyste verbeter.
Kovács is nie sommer enige man se speelmaat nie, want hy het twaalf van sy laaste 13 gevegte gewen en een keer gelykop geboks. Terwyl Nakathila die Afrika-superveergewigkampioen sedert 9 September 2017 is en sy gordel vier keer suksesvol verdedig het, het die Hongaar ook nie stilgesit nie.
Hy is tans die nommer een superveergewig in Hongarye en ook die Hongaarse kampioen in die gewigsklas. Hy het die WBO Europese titel op 12 November 2016 ingepalm toe hy vreemd genoeg teen Cosmas Cheka van Tanzanië met punte gewen het. Laasgenoemde is 'n man vir wie wie Paulus Moses die vorige maand in Windhoek uitgeslaan het.
Aan die verskil in temperature van Oos-Europa en die hoogte bo seespieël in Windhoek, steur dié vriendelike kêrel hom min.
“Ons het vanoggend van die vliegtuig afgeklim en gaan netnou middagete nuttig en rus. Môre is dit tyd vir sy mediese ondersoek en later vandeesweek gaan ons inweeg en die aangesig-tot-aangesig uitdaging in die stad aanbied.
“Intussen sal Zoltán hier by die hotel oefen en litte losmaak. Die temperatuur en hoogte bo seespieël is nie belangrik nie. Zoltán is fiks en gereed om sy volgende tree na die WBO se wêreldkroon te gee.
Die vegter, by monde van sy bestuurder as tolk, het gesê: “Ons weet wat Nakathila kan doen. Ons het 'n paar gevegte van hom gesien en ook die enkele keer in Rusland wat hy met punte verloor het. Ek sal sy krag en spoed kan ewenaar en sien dit nie as 'n probleem vir my nie.
“Met alle respek gesê, ek het al teen beter vegters geboks en gewen. Ons wens vir Nakathila en die MTC Sunshine boksakademie net die beste vir Saterdagaand toe.”
Kovács word deur Lajos Nagy (bestuurder), Felix Racz (promotor) en Mark Nagy (krythelper) vergesel.
Die Legacy Part 2-bonanza word Saterdagaand vanaf 18:30 by die Windhoek Buiteklub aangebied. Kaartjies vir gewone sitplekke kos N$200, terwyl mense 'n tafel vir tien vir N$10 000 kan aanskaf.
- [email protected]
Die 1.79 m lange Kovács van Nyírpazony in die ooste van Hongarye is hier om Saterdagaand in die kryt teen Jeremiah Nakathila van Namibië (Low Key) verlore aansien te herwin. Die Wêreldboksorganisasie (WBO) se nuwe “globale” junior liggewigtitel (57-59 kilogram) sal by die Windhoek Buiteklub op die spel staan.
Kovács was volgens Lajos Nagy, sy bestuurder, tevore deur die WBO as sy 14de aanspraakmaker op sy wêreldranglys aangedui. Vanweë 'n besering was hy egter vir elf maande (Junie 2017 tot Mei 2018) glad nie in die kryt nie. Vanweë hierdie onaktiewe periode het hy sy posisie op die WBO se wêreldranglys verloor.
“Zoltán was vir byna 'n jaar beseer, maar is nou reeds weer met drie oorwinnings in die laaste jaar besig om die pad boontoe te klim en sy regmatige plek op die WBO-ranglys te herwin. As hy nie beseer was nie, sou hy moontlik nou al in die tweede of vierde posisie by die WBO gewees het. Hy word ook deur die Internasionale Boksfederasie (IBF) se ranglys erken, wat 'n aanduiding is hoe hoog Zoltán gereken word.
“Ná sy geveg teen Nakathila sal die WBO sy ranglys vir die nuwe maand moet heroorweeg. Ons het die grootste respek vir wat Nakathila reeds bereik het, maar Zoltán is beslis die beter bokser van die twee en hy sal dit Saterdagaand bewys. Hy wil ook vir die WBO se wêreldkroon veg,” het Nagy gesê.
Kovács het 29 gevegte op sy getuigskrif en spog met 23 oorwinnings waarvan net sewe met uitklophoue gewen is. Al sy nederlae (vyf, een keer uitgeslaan) was in 2014 of vroeër, met een gelykopuitslag in 2015. Hy is boonop 'n gesoute reisiger met gevegte in Slovakye, Ierland, Noord-Ierland, Engeland, Duitsland en Pole op sy kerfstok.
Hy word tans weer deur beide die IBF en WBO op nr. 15 erken, maar 'n oorwinning in Windhoek sal sy plek aansienlik op beide liggame se ranglyste verbeter.
Kovács is nie sommer enige man se speelmaat nie, want hy het twaalf van sy laaste 13 gevegte gewen en een keer gelykop geboks. Terwyl Nakathila die Afrika-superveergewigkampioen sedert 9 September 2017 is en sy gordel vier keer suksesvol verdedig het, het die Hongaar ook nie stilgesit nie.
Hy is tans die nommer een superveergewig in Hongarye en ook die Hongaarse kampioen in die gewigsklas. Hy het die WBO Europese titel op 12 November 2016 ingepalm toe hy vreemd genoeg teen Cosmas Cheka van Tanzanië met punte gewen het. Laasgenoemde is 'n man vir wie wie Paulus Moses die vorige maand in Windhoek uitgeslaan het.
Aan die verskil in temperature van Oos-Europa en die hoogte bo seespieël in Windhoek, steur dié vriendelike kêrel hom min.
“Ons het vanoggend van die vliegtuig afgeklim en gaan netnou middagete nuttig en rus. Môre is dit tyd vir sy mediese ondersoek en later vandeesweek gaan ons inweeg en die aangesig-tot-aangesig uitdaging in die stad aanbied.
“Intussen sal Zoltán hier by die hotel oefen en litte losmaak. Die temperatuur en hoogte bo seespieël is nie belangrik nie. Zoltán is fiks en gereed om sy volgende tree na die WBO se wêreldkroon te gee.
Die vegter, by monde van sy bestuurder as tolk, het gesê: “Ons weet wat Nakathila kan doen. Ons het 'n paar gevegte van hom gesien en ook die enkele keer in Rusland wat hy met punte verloor het. Ek sal sy krag en spoed kan ewenaar en sien dit nie as 'n probleem vir my nie.
“Met alle respek gesê, ek het al teen beter vegters geboks en gewen. Ons wens vir Nakathila en die MTC Sunshine boksakademie net die beste vir Saterdagaand toe.”
Kovács word deur Lajos Nagy (bestuurder), Felix Racz (promotor) en Mark Nagy (krythelper) vergesel.
Die Legacy Part 2-bonanza word Saterdagaand vanaf 18:30 by die Windhoek Buiteklub aangebied. Kaartjies vir gewone sitplekke kos N$200, terwyl mense 'n tafel vir tien vir N$10 000 kan aanskaf.
- [email protected]
Kommentaar
Republikein
Geen kommentaar is op hierdie artikel gelaat nie