Capitec se aandeel tel sy kop op ná nuus oor wins

07 March 2018 | Bankwese
Hanlie Stadler

Capitec, wat die afgelope ruk in die spervuur van ’n omstrede navorsingsverslag was, het Maandag darem ’n bietjie goeie nuus vir beleggers gebring.

Die maatskappy verwag dat sy verdienste en wesensverdienste per aandeel vir die boekjaar tot 28 Februarie met tot 19% hoër gaan wees as die vorige jaar.

Capitec publiseer sy jaarresultate op 28 Maart.

Die bank is sedert einde Januarie onder beleg nadat die kortverkopers van Viceroy Research ’n verslag uitgereik het wat Capitec se leningspraktyke bevraagteken.

Gerrie Fourie, uitvoerende hoof, en André du Plessis, finansiële hoof, doen op 20 Maart ’n voorlegging aan die parlement se staande komitee oor finansies oor dié verslag.

Die komitee gaan ook voorleggings van die Reserwebank, tesourie en die Raad op Finansiële Dienste aanhoor om vas te stel hoe hul ondersoek na die Viceroy-verslag vorder. Yunus Carrim, voorsitter van die komitee, sê Viceroy sal ook gevra word om voorleggings te doen, maar dis onseker of die groep, wat uit Amerika sake doen, so ’n uitnodiging sal aanvaar.

Capitec se aandeelprys het ná die handelsverklaring Maandag teen 11:00 met 1,58% tot R853,51 gestyg, maar dis steeds meer as 20% laer as vóór die uitreiking van die Viceroy-verslag. – Netwerk24

Soortgelyk

 

Studie-debakel vir Namibiërs in Zambië

2 dae gelede | Gesondheid

Die ministerie van gesondheid en maatskaplike dienste is deur die Namibiese hoë kommissariaat in Zambië gewaarsku dat twee universiteite in dié buurland waar 91 Namibiese...

Meatco heroorweeg BTW-besluit

2 dae gelede | Landbou

Nuus van Meatco se herinstelling van die betaling van 15% BTW (belasting op toegevoegde waarde) op alle beestransaksies by die abattoir, is deur die NLU...

Slaggate teen einde Julie herstel

2 dae gelede | Infrastruktuur

Die munisipaliteit van Windhoek verwag dat alle slaggate van die hoofstad se paaie teen einde Julie herstel sal wees. Die woordvoerder van die munisipaliteit, me....

Onderwyseres ‘ontvoer’ skoolmeisie glo vir seks

2 dae gelede | Howe

Henriette Lamprecht – ’n Onderwyseres van ’n hoërskool in die Suide het gister in die hof verskyn op aanklagte dat sy glo ’n skoolmeisie ontvoer...

Sokkerkoors loop hoog!

2 dae gelede | In beeld

Die opening van 2018 se Wêreldbekersokkertoernooi het gister by die Luzhniki-stadion in Moskou plaasgevind. Nagenoeg 80 000 sokkerliefhebbers het die seremonie bygewoon en die immerbekende...

Vakbond, regering stamp kop oor huishulpe

2 dae gelede | Arbeid

Augetto Graig – Die permanente sekretaris in die ministerie van arbeid, nywerheidsbetrekkinge en werkskepping, mnr. Bro-Matthew Shinguadja, sê daar steek geen waarheid in die Namibiese...

Vaarwel aan Daantjie Louw

2 dae gelede | Mense

Tielman van Lill - “Stil, broers, daar gaan ‘n man verby, hy groet, en dis verlaas . . . ”Só is die woorde van die...

Netumbo by slenters betrek

2 dae gelede | Ministeries

Denver Kisting – Slenters doen tans die ronde waarby die adjunk- eerste minister en die minister van internasionale betrekkinge en samewerking, me. Netumbo Nandi-Ndaitwah, betrek...

Weer vir 15 Junie 2018

2 dae gelede | Weer

WEERWAAK: ‘n Koue front en buie word in die ||Kharasstreek en suidelik kus verwag.BINNELAND: Gedeeltelik bewolk en koud tot matig in die Suide met enkele...