Buurman verkrag graad 7-leerling

‘n Angolese man (38) is Vrydag in hegtenis geneem nadat die pa van ‘n dertienjarige meisie hom betrap het waar hy haar in die Ombepo-woonbuurt in die Omahenene-nedersetting verkrag het. Die verdagte wat van die Oshifidishomulunga-nedersetting in die Cunene-provinsie is, verskyn na verwagting vandag in die Outapi-landdroshof.
Die bevelvoerder van die Omusatistreek, komm. Titus Shikongo, het die voorval bevestig en gesê die slagoffer is ‘n graad 7-leerling. Shikongo sê die verdagte het na bewering die slagoffer na die badkamer van haar pa se huis geroep waar hy haar verkrag het. Volgens hom is die verdagte bure van die slagoffer en bly hulle in dieselfde nedersetting.
“Die pa het ‘n geluid en verdagte bewegings vanuit die badkamer gehoor. Hy het gaan kyk wat dit was en het op die man afgekom waar hy besig was om sy dogter te verkrag,” het Shikongo gesê.