Buurlande sê nee dankie vir SA se verwerkte vleis

Listeriose uitbreking kommer vir verbruikers

07 March 2018 | Sakenuus
Vida Booysen en Elvira Wood

Botswana het die jongste buurland van Suid-Afrika geword wat ’n verbod op verwerkte vleisprodukte uit Suid-Afrika plaas.

Dit volg op ’n soortgelyke verbod deur Namibië, Malawi, Mosambiek en Zambië ná die uitbreking van listeriose in Suid-Afrika, met ’n fabriek wat verwerkte vleis produseer, wat daarmee verbind word.

Rwanda het vroeër ’n verbod op die invoer van Suid-Afrikaanse vleis, melk en suiwelprodukte, groente en vrugte geplaas weens vrese oor listeriose. Zambië se verbod sluit ook suiwelprodukte, vrugte en groente uit Suid-Afrika in.

Dié stappe kom nadat die departement van gesondheid Sondag aangekondig het dat die Enterprise Foods-aanleg in Polokwane die bron van die uitbreking van ’n dodelike stam van listeriose is.

Die aanleg, wat deur Tiger Brands bedryf word, het Maandag aangekondig dat hulle alle produksie staak en dat alle Enterprise-produkte herroep word.

Tekens van listeriose is ook in die Enterprise-fabriek in Germiston en die Rainbow Chicken Limited (RCL)-fabriek in Wolwehoek, Sasolburg, gevind, maar dit is nog nie bevestig watter stam dit is nie.

Produksie by hierdie fabrieke is ook gestaak en al drie aanlegte sal eers weer voldoeningsertifikate ingevolge die Wet op Nasionale Gesondheid moet kry.

Tiger Brands voer volgens sy jongste jaarverslag verwerkte vleisprodukte na minstens 19 Afrika-lande en ook na Chili uit.

Volgens die Suid-Afrikaanse Inkomstediens se statistieke het Suid-Afrika in 2017 R1,8 miljard se “voorbereide vleis en vis” na verskeie lande uitgevoer. Dit is egter nie duidelik presies watter vleisprodukte onder dié definisie val nie. Die meeste van dié produkte word na Lesotho uitgevoer, gevolg deur Namibië, Duitsland, Botswana en Hongkong.

Intussen het die Wêreldgesondheidsorganisasie (WGO) aan Reuters gesê die Suid-Afrikaanse listeriose-uitbreking wat al tot die dood van 180 mense gelei het, is die grootste uitbreking van die dodelike stam van die siekte wat tot dusver in die wêreld aangeteken is. - Netwerk24

Soortgelyk

 

Man sterf op Walvisbaai-Swakopmund-pad

2 ure gelede | Ongelukke

Die 27-jarige Franico Esly Huseb is vandag omstreeks 07:30 dood, nadat die bakkie waarin hy op reis was op die pad tussen Swakopmund en Walvisbaai...

Eksamenuitslae dán bekend

3 ure gelede | Onderwys

Die voorlopige uitslae vir graad 10 (JSC) en graad 12 (NSSC) hoë vlak vir voltydse en deeltydse kandidate word aanstaande Donderdag (20 Desember) amptelik bekendgemaak....

Drie meisies verdrink in sandputte

4 ure gelede | Ongelukke

Die Namibiese polisie in die Ohangwenastreek het ‘n beroep op kontrakteurs gedoen om sandputte toe te stoot wat geskep is met die uitgrawe van sand...

1,6 miljoen toeriste besoek Namibië in 2017

5 ure gelede | Toerisme

Altesaam 2,2% meer toeriste het Namibië in 2017 as in die vorige jaar besoek met meer as 1,6 miljoen buitelandse toeriste wat die land ingestroom...

Studente betaal meer by Unam

5 ure gelede | Onderwys

Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land, het die universiteitsraad genoop om klasgelde...

Plunderwoude: Ministerie ontken ongerymdhede

15 ure gelede | Plaaslik

Elvira Hattingh - Die ministerie van landbou, water en bosbou sê die meerderheid permitte wat vir die oes en vervoer van hout uitgereik is, is...

Polisie op sy knieë

15 ure gelede | Polisie

Denver Kisting – Die inspekteur-generaal van die Namibiese polisie, lt.genl. Sebastian Ndeitunga, sê die land se finansiële verknorsing het die mag op sy knieë.Ndeitunga het...

Avihe-moordenaar het dalk landuit gevlug

15 ure gelede | Misdaad

Denver Kisting – As Avihe Cheryl Ujaha (9) nie deur iemand in haar binnekring vermoor is nie, is haar moordenaar(s) waarskynlik al landuit.Só sê die...

Weer vir 13 Desember 2018

15 ure gelede | Weer

BINNELAND: Gedeeltelik bewolk en baie tot bloedig warm met geïsoleerde buie plek-plek in die noordelike en sentrale dele. Elders sal dit sonnig en baie tot...