Britse Hamleys kry nuwe baas

13 May 2019 | Sakenuus
Elvira Wood En Bloomberg – Die Britse speelgoedwinkelgroep Hamleys se nuwe baas is ’n Indiese sakemagnaat.

Bloomberg berig Reliance Brands het dié groep vir bykans £68 miljoen by C. banner International Holdings gekoop.

Reliance se grootste aandeelhouer is Mukesh Ambani, die rykste man in Asië.

Volgens die maatskappy sal dit hom een van die groot mededingers in die bedryf maak. Die transaksie voeg 167 winkels in 18 lande by Reliance se portefeulje wat betref speelgoedwinkels.

Hy besit die franchise vir dié groep in Indië en bedryf 88 winkels daar.

Hamleys Suid-Afrika

In Suid-Afrika is Ensolor, die maatskappy wat die plaaslike franchise vir Hamleys besit, in sakeredding.

Stefan Steyn, sakeredder van Business Rescue Practitioners, wat aangestel is om die sakeredding te behartig, sê hoewel die groep se skuld sowat R144 miljoen beloop, het hy vertroue dat die groep gered kan word.

Hy het voorheen gesê die plaaslike groep is van die begin af swak bestuur wat ’n groot bydrae gelewer het hoekom hy in sakeredding geplaas moes word.

Hy beskuldig ook vir Philip Paphitis, uitvoerende hoof van Ensolor, wat die franchiseregte vir Hamleys gekoop het, daarvan dat hy R20,3 miljoen aan die einde van 2018 by die groep gesteel het.

Paphitis het dié bewerings heftig in ’n e-pos aan Netwerk24 ontken.

Steyn het bevestig hulle het reeds ’n aanbod om die plaaslike franchise te koop aan krediteure voorgelê.

“Die oorspronklike aanbod is van die hand gewys. Ons het egter ander planne wat ons hopelik binnekort bekend kan maak,” sê hy. – Netwerk24

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...