Brexit, Trump help goud hoër

11 January 2017 | Ekonomie
’n Swakker dollar en kommer oor hoe Brittanje die Europese Unie gaan verlaat, het die goudprys Maandag tot US$1 185,80 per fynons laat styg.

Dit is die hoogste vlak sedert 5 Desember 2016.

“Ná die kommentaar oor Brittanje en Brexit wat die pond beïnvloed het, het beleggers goud as veilige belegging begin koop,” sê Daniel Hynes, ontleder by ANZ.

Die pond het Dinsdag laer verhandel nadat Theresa May, Britse premier, die naweek gesê het Brittanje gaan sy handelsbetrekkinge met die EU drasties hersien ná Brexit.

Hynes sê die goudprys het verder ’n hupstoot gekry weens ’n toename in verkope in China voor hul nuwe jaar later vandeesmaand.

“Die edelmetaal gaan in die medium termyn baie wind van voor kry. Ons verwag geen blywende voordeel uit die huidige lopie nie.

“Die vooruitsig op rentekoersverhogings in Amerika sal die grootste rede vir ’n daling in die goudprys in 2017 wees,” sê Hynes.

Goud is baie sensitief vir rentekoersverhogings in Amerika. Dit maak dit duurder om in goud te belê, terwyl dit die dollar, waarin goud geprys word, versterk.

Die dollarindeks, wat die geldeenheid teen ’n mandjie geldeenhede vergelyk, was Dinsdag 0,3% laer teen 101.64.

Die fokus is nou op Woensdag se nuuskonferensie waar Donald Trump, aangewese Amerikaanse president, meer inligting sal gee oor sy beoogde beleid wanneer hy op 20 Januarie president van Amerika word.

“Met sy inhuldiging wat nader kom, verwag ons dat mense wat in goud belê, politieke verwikkelinge fyn sal dophou. Enige beduidende hoër geopolitiese spanningsvlakke kan maak dat hulle na goud as veilige hawe draai,” voorspel James Steel, ontleder by HSBC.

Goud het Dinsdagoggend teen US$1 185,60 per fynons verhandel. Netwerk24/Reuters

Soortgelyk

 

Vyftienjarige steek pa glo dood

19 ure gelede | Misdaad

Denver Kisting 'n Tiener is sedert gisteroggend in aanhouding op Mariental nadat hy glo sy pa doodgesteek het.Adj.komm. Eric Clay, die misdaadkoördineerder in die Hardapstreek,...

Man 'verbrysel meisie se gesig met 'n klip'

19 ure gelede | Misdaad

Maria Eiseb - ’n Jong vrou, me. Lisina Aube Harases (30), is glo gister in die vroeë oggendure agter die Sophia Shaningwa-brandweerstasie op Outjo vermoor....

Besighede hoes N$1,3 miljard vir opleiding

19 ure gelede | Onderwys

Augetto Graig - Die Namibiese Opleidingsowerheid (NTA) het tot dusver sowat N$1,3 miljard ingevorder danksy die heffing op beroepsopleiding (VET) wat in 2014-’15 in werking...

Meester met ’n mielie

19 ure gelede | Landbou

Ronelle Rademeyer - Vir die 38-jarige Elize van Niekerk is akkerbou uit nood gebore. Dié vrou se verhaal van durf, moed en bowenal geloof, roer...

Halfmiljoen kry voete

19 ure gelede | Misdaad

Denver KistingBinne een week is bykans 'n halfmiljoen dollar se kontant tydens twee rooftogte in die hoofstad gebuit.Teen gistermiddag is daar nog geen sent van...

Weer vir 25 April

19 ure gelede | Weer

BINNELAND: Gedeeltelik bewolk en matig tot warm in die //Kharasstreek met 'n paar buie in die verre suidweste, andersins mooiweer en warm tot baie warm....

Tourism Networking Conference to precede Expo

19 ure gelede | Gebeure

Staff Reporter - The local and regional tourism community are all looking forward to the 20th edition of the ever-popular Namibia Tourism Expo which will...

Oranjerivier bereik die see

19 ure gelede | Weer

Francoise SteynbergNá die Oranjerivier se kommerwekkende lae vlakke het dié rivier aan die suidgrens van die land Maandagnamiddag skouspelagtig by Oranjemund in die Atlantiese Oseaan...

Swanger tiener glo met dwelms betrap

19 ure gelede | Misdaad

Denver Kisting'n Tienermeisie is die afgelope naweek tydens 'n klopjag weens beweerde dwelmhandel op Rehoboth aangekeer.Die hoogswanger 17-jarige het Maandag­oggend in die landdroshof op dié...