Brave Warriors mik na nóg vordering
'n Oorwinning teen Zimbabwe volgende maand kan Namibië nog hoër op die Afrika- en wêreldranglys plaas.
Tielman van Lill - Die Tafel Lager Brave Warriors, Namibië se senior nasionale manspan, het dié week die blye tyding ontvang dat hy nou internasionaal as die 129ste beste span deur Fifa gereken word.
Namibië, wat sedert Augustus 2016 vanaf nommer 94 op die wêreldranglys tot 156ste in Julie vanjaar getuimel het, was vroeër vanjaar 132ste, maar sy onlangse oorwinnings teen die Comore-eilande en Botswana (3-1) het vir 'n welkome hupstoot gesorg.
Nie net het die Warriors se internasionale posisie sedert Augustus 2016 in gedrang gekom nie, maar ook sy plek in Afrika. Genadiglik het hoofafrigter Ricardo Mannetti en sy spelers die afgelope maande sake begin regstel om van die laagtepunt van 'n 47ste plek in Afrika te herstel.
Die Warriors het intussen tot die 38ste posisie gevorder en ná Maandag se bekendmaking deur Fifa tot die 35ste in Afrika gevorder.
Die voorste vyf lande op die vasteland is Tunisië (28ste op die Fifa-lys), Egipte (30ste), Senegal (32ste), Demokratiese Republiek van Kongo (35ste) en Nigerië (41ste).
Marokko, wat onlangs die nuwe bod beklink het om vanaf 12 Januarie tot 4 Februarie die 2018 Afrika-Nasieskampioenskapstoernooi (CHAN) aan te bied, is volgens die Fifa-ranglys 48ste en Suid-Afrika 74ste, terwyl Somalië heel laaste op 206 lê.
Die Brave Warriors kry op 11 November die geleentheid om in Windhoek se Sam Nujoma-stadion teen Zimbabwe om die dr. Hage Geingob-beker te speel. Indien Namibië vir Zimbabwe (27ste in Afrika en 104de by Fifa) in sy Fifa vriendskaplike wedstryd kan klop, kan hy nóg 'n paar plekke verbeter.
Ronald Ketjijere, kaptein van die Warriors, is 'n vasberade en trotse leier wat elke beskikbare geleentheid aangryp om te presteer.
“Dit is belangrik dat ons probleemgebiede in ons mondering raaksien en regstel. Daar is tye wat die spelers konsentrasie verloor en foute op die aanval en verdediging begaan.
“Ons sal elke wedstryd voor die 2018 Afrika-Nasieskampioenskap moet gebruik om te verbeter, want 'n goeie vertoning is van kardinale belang vir ons. Ons moet so skerp as moontlik wees as ons in CHAN goed wil eindig,” het die kaptein gesê.
Die is die vyfde keer dat die tweejaarlikse kompetisie deur die Konfederasie van Afrika-sokker (CAF) aangebied word waarin net spelers in elke land se binnelandse ligas gebruik mag word.
Die Demokratiese Republiek van Kongo is die verdedigende kampioen, maar kon vanjaar vir die eerste keer nie daarin slaag om vir die kampioenskap te kwalifiseer nie.
Ten spyte daarvan dat die Namibiese premierligaseisoen eers die komende naweek afskop, het die nasionale span goed gevaar om sy posisie te verstewig. Mannetti, wat die Brave Warriors tot onlangs nog vir vyf dae per week geslyp het, het sy weeklikse oefensessies nou tot twee verminder om die nasionale spelers kans te gee om saam met hul klubs vir die komende seisoen te oefen.
Die amptelike bekendstelling van die Namibiese Premierliga (NPL) word vandag om elfuur amptelik by die ateljees van die Namibiese Uitsaaikorporasie gedoen waar die borg/e vir die 2017-'18 seisoen bekend gemaak sal word.
- Eie berig, NFA.org.na, Nampa
Namibië, wat sedert Augustus 2016 vanaf nommer 94 op die wêreldranglys tot 156ste in Julie vanjaar getuimel het, was vroeër vanjaar 132ste, maar sy onlangse oorwinnings teen die Comore-eilande en Botswana (3-1) het vir 'n welkome hupstoot gesorg.
Nie net het die Warriors se internasionale posisie sedert Augustus 2016 in gedrang gekom nie, maar ook sy plek in Afrika. Genadiglik het hoofafrigter Ricardo Mannetti en sy spelers die afgelope maande sake begin regstel om van die laagtepunt van 'n 47ste plek in Afrika te herstel.
Die Warriors het intussen tot die 38ste posisie gevorder en ná Maandag se bekendmaking deur Fifa tot die 35ste in Afrika gevorder.
Die voorste vyf lande op die vasteland is Tunisië (28ste op die Fifa-lys), Egipte (30ste), Senegal (32ste), Demokratiese Republiek van Kongo (35ste) en Nigerië (41ste).
Marokko, wat onlangs die nuwe bod beklink het om vanaf 12 Januarie tot 4 Februarie die 2018 Afrika-Nasieskampioenskapstoernooi (CHAN) aan te bied, is volgens die Fifa-ranglys 48ste en Suid-Afrika 74ste, terwyl Somalië heel laaste op 206 lê.
Die Brave Warriors kry op 11 November die geleentheid om in Windhoek se Sam Nujoma-stadion teen Zimbabwe om die dr. Hage Geingob-beker te speel. Indien Namibië vir Zimbabwe (27ste in Afrika en 104de by Fifa) in sy Fifa vriendskaplike wedstryd kan klop, kan hy nóg 'n paar plekke verbeter.
Ronald Ketjijere, kaptein van die Warriors, is 'n vasberade en trotse leier wat elke beskikbare geleentheid aangryp om te presteer.
“Dit is belangrik dat ons probleemgebiede in ons mondering raaksien en regstel. Daar is tye wat die spelers konsentrasie verloor en foute op die aanval en verdediging begaan.
“Ons sal elke wedstryd voor die 2018 Afrika-Nasieskampioenskap moet gebruik om te verbeter, want 'n goeie vertoning is van kardinale belang vir ons. Ons moet so skerp as moontlik wees as ons in CHAN goed wil eindig,” het die kaptein gesê.
Die is die vyfde keer dat die tweejaarlikse kompetisie deur die Konfederasie van Afrika-sokker (CAF) aangebied word waarin net spelers in elke land se binnelandse ligas gebruik mag word.
Die Demokratiese Republiek van Kongo is die verdedigende kampioen, maar kon vanjaar vir die eerste keer nie daarin slaag om vir die kampioenskap te kwalifiseer nie.
Ten spyte daarvan dat die Namibiese premierligaseisoen eers die komende naweek afskop, het die nasionale span goed gevaar om sy posisie te verstewig. Mannetti, wat die Brave Warriors tot onlangs nog vir vyf dae per week geslyp het, het sy weeklikse oefensessies nou tot twee verminder om die nasionale spelers kans te gee om saam met hul klubs vir die komende seisoen te oefen.
Die amptelike bekendstelling van die Namibiese Premierliga (NPL) word vandag om elfuur amptelik by die ateljees van die Namibiese Uitsaaikorporasie gedoen waar die borg/e vir die 2017-'18 seisoen bekend gemaak sal word.
- Eie berig, NFA.org.na, Nampa
Kommentaar
Republikein
Geen kommentaar is op hierdie artikel gelaat nie