Boulter weer vlugtig op Kamanjab in die hof

30 June 2021 | Howe
Die Britse miljardêr mnr. Harvey Boulter (51, foto) wat daarvan beskuldig word dat hy sy plaasbestuurder op 27 Februarie vanjaar doodgeskiet het, se verhoor is vanoggend in die landdroshof op Kamanjab ná 'n vlugtige verskyning tot 20 September uitgestel.
Landdros Eric Kesslau het gelas dat hy in aanhouding bly.
Boulter was sedert sy vorige hofverskyning in Mei eers in isolasie in die Safari Hotel in Windhoek nadat hy Covid-19 opgedoen het, en is daarna op aanbeveling van 'n dokter na die Paramount-gesondheidsentrum in Eros oorgeplaas.

Boulter word daarvan beskuldig dat hy mnr. Gerhard van Wyk vermoor het. Hy het ná dié skietvoorval op sy plaas Kaross in Februarie vanjaar, nog nie een nag in polisieselle deurgebring nie.

Komm. Ismael Basson, bevelvoerder van die polisie in die Khomasstreek, het vroeër bevestig Boulter is direk vanaf die hotel na die Paramount-gesondheidsentrum in Eros geneem nadat dit bevind is hy is Covid-19-vry. Isolasie en voorsorgmaatreëls kan 10 dae ná die eerste simptome gestaak word.

Landdros Immanuel Udjombala het op 11 Mei vanjaar Boulter se formele borgtogaansoek in die Outjo-landdroshof van die hand gewys.

Udjombala het beslis Boulter moet by Kamanjab se polisiekantoor aangehou word tot sy volgende hofverskyning op 30 Junie.

Boulter is egter op 12 Mei vanaf die hospitaal in Outjo na Windhoek vervoer omdat hy positief vir Covid-19 getoets het.



Basson het vroeër aan Republikein se susterkoerant Namibian Sun gesê toe Boulter van vir sy borgtogaansoek vanaf Windhoek na Outjo geneem is, is hy uit die hospitaal ontslaan.

Hy het glo gedurende sy borgtogaansoek “komplikasies” ontwikkel en ’n doktersbrief gekry waarin aanbeveel word dat hy in 'n hospitaal in Windhoek behandeling ondergaan.

Boulter staan tereg op ’n klag van moord nadat hy na bewering vir Van Wyk op 27 Februarie op Kaross naby Kamanjab doodgeskiet het. Hy self is tydens die voorval gewond.

Volgens die polisie het Boulter Van Wyk se skoondogter beledig, hy het aggressief geraak en die familie met ’n pistool gedreig.

Hy is dieselfde aand van die voorval op die plaas in hegtenis geneem.

Soortgelyk

 

Hengari at the forefront of the youth agenda

2 ure gelede | Skole

Rivaldo Kavanga Hailing from Okakarara in the Otjozondjupa Region, Inna Koviao-Vetarere Hengari (25) is Namibia’s youngest elected parliamentarian. She currently leads the youth agenda...

For the love of reading

2 ure gelede | Onderwys

The Presidential Advisor on Youth Matters and Enterprise Development, Daisry Mathias, joined learners at Fidel Castro Primary School to mark 2021 National Readathon Week. Mathias...

New education act, regulations in final stages

2 ure gelede | Onderwys

Iréne-Mari van der Walt The regulations adjacent to the new education act are in their final stages, according to the education inspector for...

Let’s talk about it

2 ure gelede | Skole

Monique Adams On Thursday, 2 September, the Office of the First Lady and One Economy Foundation facilitated an intergenerational dialogue with young people.This dialogue looked...

Jong skoonheid met 'n hart van goud

2 ure gelede | Skole

Mariselle Stofberg – Vir Chanique (Chani) Rabe wat onlangs as die nuwe Mej. Supranasionaal 2021 aangewys is, is haar passie vir jeug- en gemeenskapsontwikkeling ’n...

Windhoek Hospitality and Culinary College introduces new programme

2 ure gelede | Onderwys

Desiree Gases The Windhoek Hospitality and Culinary College (WHCC) is introducing Namibia Training Authority’s (NTA) level two housekeeping, laundry and front office programme with an...

Following in my father’s footsteps

2 ure gelede | Skole

Amalia Cloete I am currently studying at the International Training College Lingua. I am doing an honours degree in human resource (HR) management, and this...

Pupkewitz Megabuild launches 2022 graduate programme

2 ure gelede | Onderwys

Wetumwene Shikage The Pupkewitz Megabuild Graduate Programme initiative is aimed at supporting newly graduated students to gain work experience, which will serve as an additional...

Rundu in die donker

8 ure gelede | Energie

Inwoners van Rundu is sedert 10:00 vanoggend sonder krag. Volgens NamPower se areabestuurder vir die noordelike streek, mnr. Petrus Immanuel, is dit weens tegniese...