Bou van ambassade stort miljoene in ekonomie
'n Amerikaanse konstruksiemaatskappy maak van Namibiese werkers en maatskappye gebruik vir die bou van die nuwe ambassadekompleks.
Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me. Lisa Johnson, gesê het dié projek laat vloei N$11.5 miljoen elke maand in die Namibiese ekonomie.
Volgens Johnson sal die konstruksiewerk in 2023 voltooi word. 'n Amerikaanse konstruksiemaatskappy is aan die stuur van beplanning en het reeds 200 Namibiese werkers aangestel.
“Gedurende die volgende drie jaar sal meer as 2 000 Namibiërs in verskeie fases van konstruksie in diens geneem word,” het Johnson gesê.
Die Amerikaanse konstruksiemaatskappy het glo reeds van 50 Namibiese maatskappye se produkte en dienste gebruik gemaak, ten bedrae van sowat N$11.5 miljoen per maand.
Volgens Johnson is die nuwe gebou ontwerp om by die Namibiese landskap te pas. Die gebou sal van rooi sandsteen en ligte kalksteen gebou word. Die oogmerk is ook om net inheemse bome en plante te gebruik en dat sonpanele omtrent 50% van die ambassade se krag sal voorsien.
Die nuwe ambassadekompleks sal glo 'n Amerikaanse sentrum insluit waar die publiek meer oor die VSA kan leer. Die ambassade se konsulêre en visumdienste sal vanaf 2023 ook hier geskied.
“Beide Namibië en Amerika sal voordeel trek uit hierdie nuwe ambassade en dit sal die verhouding tussen die twee lande verder ontwikkel en versterk,” het Johnson gesê.
– [email protected]
Volgens Johnson sal die konstruksiewerk in 2023 voltooi word. 'n Amerikaanse konstruksiemaatskappy is aan die stuur van beplanning en het reeds 200 Namibiese werkers aangestel.
“Gedurende die volgende drie jaar sal meer as 2 000 Namibiërs in verskeie fases van konstruksie in diens geneem word,” het Johnson gesê.
Die Amerikaanse konstruksiemaatskappy het glo reeds van 50 Namibiese maatskappye se produkte en dienste gebruik gemaak, ten bedrae van sowat N$11.5 miljoen per maand.
Volgens Johnson is die nuwe gebou ontwerp om by die Namibiese landskap te pas. Die gebou sal van rooi sandsteen en ligte kalksteen gebou word. Die oogmerk is ook om net inheemse bome en plante te gebruik en dat sonpanele omtrent 50% van die ambassade se krag sal voorsien.
Die nuwe ambassadekompleks sal glo 'n Amerikaanse sentrum insluit waar die publiek meer oor die VSA kan leer. Die ambassade se konsulêre en visumdienste sal vanaf 2023 ook hier geskied.
“Beide Namibië en Amerika sal voordeel trek uit hierdie nuwe ambassade en dit sal die verhouding tussen die twee lande verder ontwikkel en versterk,” het Johnson gesê.
– [email protected]
Kommentaar
Republikein
Geen kommentaar is op hierdie artikel gelaat nie