Boskrag vir Namibië, buurlande

Ekspo kom binnekort

11 July 2019 | Energie
Elvira Hattingh - Deur slegs 1% van Namibië se huidige indringerbos te gebruik, kan tot 900 Megawatt (MW) hernubare elektrisiteit opgewek word.

Dit is genoeg om in Namibië se vraag na 650 MW se elektrisiteit op piektye te voorsien.

Terselfdertyd sal genoeg elektrisiteit oor wees om aan die res van Suider-Afrika te voorsien, wat die land van ‘n bykomende inkomste kan voorsien.

Só sê die Namibia Biomass industry Group (N-BiG) se algemene bestuurder, mnr. Colin Lindeque. Hy sê opsies oor hoe biomassa binne die energiesektor ingespan kan word, is een van die onderwerpe wat tydens die komende Biomass Technology Expo op 9 Augustus bespreek sal word.

Die geleentheid, wat buite Otjiwarongo by die Otjiwa Safari Lodge aangebied sal word, sal deur van die wêreld se leiers in biomassa-energie-tegnologieverskaffing bygewoon word, wat John Thompson van Suid-Afrika, Kohlbach van Oostenryk asook Spanner Re2 van Duitsland insluit.

Volgens Lindeque is die gebruik van indringerbos vir die opwekking van energie ‘n wensituasie vir Namibië.

“Die rou materiaal, naamlik die indringerbos wat natuurlik oor 45 miljoen ha van ons land voorkom, raak ‘n probleem as dit toegelaat word om oor te neem. Dit het rééds oorgeneem.

“Die verwydering hiervan op ‘n volhoubare wyse om energie op te wek, lei tot die skep van beter biodiversiteit as dit by weiding kom, asook tot die skep van gedesentraliseerde, volhoubare werksgeleenthede.

“Boonop kan hernubare energie op dié manier plaaslik opgewek word,” het Lindeque gesê.

Volgens hom is daar in Namibië gemiddeld tot sowat 10 ton bosbiomassa per hektaar vir oesdoeleindes beskikbaar.

Terselfdertyd kan 5 000 ton indringerbos 1 MW elektrisiteit per jaar genereer.

“Dit sal sowat 3 miljoen ton hout neem om Namibië vir ‘n jaar lank van krag te voorsien, terwyl ons sowat 450 miljoen ton indringerbos het,” het hy gesê.

Hierdie tipe energie is ook skoner as die verbranding van fossielbrandstowwe en boonop hernubaar.

Dit kan dieselkragopwekkers, swaar ruolie, en steenkoolaangedrewe kragopwekkers vervang, asook ingevoerde krag wat met fossielbrandstowwe gegenereer word.

Lindeque sê hierdie metode kan gebruik word om elektrisiteit of hitte soos benodig te vervaardig en dit kan op klein of groot skaal gebruik word. Boonop lewer dit nuttige byprodukte soos hitte, kole of as.

Hy sê Namibië benodig hierdie produkte meer as ooit, gesien in die lig daarvan dat ons meer as 70% van ons elektrisiteit van Suid-Afrika moet invoer, nie meer weiding het nie weens die droogte en bosindringing en ons werkloosheidsyfer baie hoog is.

Hy sê biomassa as energiebron word dikwels misgekyk omdat daar hoofsaaklik op winsgewendheid in die energie-ekonomie gefokus word, terwyl maatskaplike asook omgewingsvoordele misgekyk word.

Hy sê almal in Namibië weet van sonkrag, wat nie baie plaaslike werksgeleenthede skep nie, nie help om meer gras te laat groei of biodiversiteit te verbeter nie en nie waardevolle byprodukte lewer nie – anders as biomassa-energie.

Belangstellendes wat die komende Biomass Technology Expo 2019 wil bywoon, waar meer as 95 uitstallers te sien sal wees, kan kaartjies aanlyn by Webtickets Namibia of by plaaslike Pick n Pay-winkels koop.

Soortgelyk

 

Te min isolasie, suurstof vir Walvis se episentrum

2 ure gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

2 ure gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

2 ure gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

2 ure gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

2 ure gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....

SA trek beampte vas wat visumbedrog uit Windhoek pleeg

2 ure gelede | Misdaad

Die Suid-Afrikaanse departement van binnelandse sake het 100 visums teruggetrek wat na bewering deur een van sy beamptes wat by die hoëkommissariaat in Windhoek geplaas...

Melgesedek vlieg hoog

2 ure gelede | Mense

Jeanette Diergaardt – Met 'n kraakvars wit T-hemp, styfpassende donkerblou jeans wat net-net by die enkels kom en gepunte, blinkgepoetste swart skoene stap Melge­sedek Hamukoto...

Blik op Erongo se kwarantyn-fasiliteite

2 ure gelede | Gesondheid

Jemima Beukes – ’n Krisis is besig om in die Erongostreek te ontwikkel waar verskeie Covid-19 pasiënte self-isolasie moet toepas in agterplaas-vertrekke, terwyl staatsfasiliteite oorvol...

Lüderitz ’n skatkis van juweeltjies

2 ure gelede | Toerisme

Tanja Bause – Die Covid-19 pandemie en die wêreldwye hoktye en reisbeperkings het veral die toerismebedryf gedwing om buite die boks te dink. Besluitnemers moes...