Boskos op Hartebeestloop onder die loep

Boeredag fokus op droogte-oorlewing

14 May 2019 | Landbou
Die jaarlikse Hartebeestloop Bonsmara-boeredag en -veiling vind Donderdag en Vrydag naby Stampriet plaas en dit beloof om ’n geleentheid te wees waar boere met inligting oor doeltreffende droogtebestuur bemagtig sal word.

“Namibië gaan gebuk onder een van die ergste droogtes in menseheugenis en daar is ‘n moedelose gevoel onder die boeregemeenskap,” sê dr. Joggie Briedenhann, eienaar van die Hartebeestloop Bonsmara-stoet en een van Suider-Afrika se voorste boere.

“Die diepgewortelde verantwoordelikheid om diere te versorg en genoegsame kos te verskaf – hierdie eienskap is die rugraat van die Namibiese boeregemeenskap en ook die tema van die boeredag. Die planne, kreatiwiteit en soeke na voer, dryf die ontwikkeling van ‘Bos na Kos’. Die boer sal nie ophou soek na oplossings vir die droogte en vir die behoud en versorging van die diere nie.

“Namibiese boere sit met die beste droogtetaai-diere in die werêld. Ons val nie meer vir elke foefie of verkoopsman wat hierheen oorwaai nie. Ons boere is taai en gebrei, en weet wat werk in ons omgewing en land.

“Namibiërs verwelkom kennis en omarm vordering, maar besef meer en meer die waarde van die kundigheid in ons eie midde. Dit is die basis van teling op Hartebeestloop en ook die tipe diere wat op die veiling sal wees,” sê Briedenhann.

BOEREDAGPROGRAM

Namibiërs word tans toegegooi onder verskillende stelsels wat voer produseer.

Boere, uit die aard van hul persoonlikhede en die nood waarin hulle verkeer, is tans baie vatbaar vir enige kitsoplossing. “Bos tot Kos” is plaaslik ontwikkel, verfyn en omskep in ‘n werkbare oplossing vir sekere gedeeltes van Namibië, verduidelik Briedenhann.

Dit word gedoen deur boere op hul plase en die resultate is beskikbaar. Dit word ook wetenskaplik gerugsteun deur beide plaaslike en internasionale organisasies, asook multinasionale maatskappye.

Plaaslike tegnici is deurentyds besig om die toerusting te verbeter en by plaaslike behoeftes aan te pas. Net so is plaaslike voermaatskappye ook deurentyd besig om die voedingswaardes van die verskillende boskosse te ontleed en aanpassings te maak om ‘n werkbare produk te skep.

Namibiërs pioniers in die maak van boskos, soos mnr. Piet Gouws van Outjo, sal hul kundigheid en ervaring deel.

“Jy gaan presies weet watter voeding is in die rou boskosproduk wat tans beskikbaar is op jou plaas. Dit beteken ook dat jy presies ingelig gaan word oor die byvoegings wat benodig word om dit as oorlewings-, onderhouds- of produksierantsoen te gebruik,” sê Briedenhann.

Die verskillende veevoervervaardigers, finansieringsinstellings, asook die vervaardigers van die verskillende soorte toerusting sal ook teenwoordig wees.

‘n Ander praatjie sal handel oor die nuutste kunsmatige inseminasie (KI)-tegnologie, asook oor die impak wat dit op beesproduksie het.

Die boeredag begin Donderdag om 08:30, terwyl die veiling van droogtetaai-stoetdiere Vrydag om 11:00 afskop.

Besoek www.bonsmara.com.na vir meer inligting.

Soortgelyk

 

Voortrekker: “Namibië nie ’n desperate land”

13 ure gelede | Ministeries

Henriette Lamprecht - ‘n Wêreldbekende omgewingsaktivis het nou ook sy stem by die oproer oor die skietdood van Namibië se ikoniese ou olifantbul, Voortrekker, gevoeg,...

Dís hoekom amptenare nie verhogings kry

13 ure gelede | Arbeid

Elvira Hattingh - Dit sal onverantwoordelik wees indien die regering salarisverhogings aan staatsamptenare toestaan kort ná ‘n noodtoestand weens droogte aankondig is en burgers vir...

Nadja Namibië se mooiste

13 ure gelede | In beeld

Mej. Namibie 2019, Nadja Breytenbach (middel), is Saterdagaand tydens ’n glansgeleentheid in die hoofstad gekroon. Haar eerste prinses is Julita-Kitwe Mbangula (links) en Johanna Swartbooi...

Weer vir 8 Julie

13 ure gelede | Weer

BINNELAND: Sonnig en matig in die Suide, Ooste en Sentrale gedeeltes, andersins sonnig en warm tot baie warm. KUS: Gedeeltelik bewolk en koel tot warm...

/Khowese kry nuwe hoofman

13 ure gelede |

Mnr. Hendrik Ismael Witbooi is Saterdag by die Gibeon-nedersetting in die Hardapstreek as die /Khowese(Witbooi)-stam se negende hoofman (gaob) aangewys. Ismael volg die ontslape hoofman...

D-Dag vir Katrina

13 ure gelede | Howe

Denver Kisting – Die minister van onderwys, kuns en kultuur, me. Katrina Hanse-Himarwa, hoor na verwagting vandag of die hoërhof reken sy is skuldig aan...

Vrae oor RCC-salarisse

13 ure gelede | Vervoer

Augetto Graig en Ogone Tlhage - Byna 400 werknemers van die Paaiekontrakteursmaatskappy (RCC) wag in spanning om te hoor of hulle vadeesmaand betaal gaan word....

Die jeug is Namibië se grootste hulpbron

13 ure gelede | Gesondheid

Henriette LamprechtNamibië se jeugdige bevolking is die land se grootste hulpbron. Sou dié hulpbron nie doeltreffend ondersteun word nie, laat dit reusegapings in die produktiewe...

Dit raak warmer én kouer

13 ure gelede | Weer

Die European Centre for Medium-Range Weather Forecasts (ECMWF) sê die afgelope Junie was die warmste wêreldwyd sedert 1979. Volgens dié weerkundiges was wêreldwye temperature vir...