Boom vir boom maak Sakaria 'n verskil

Wil Namibië 'n beter plek maak

26 June 2020 | Mense
Tanja Bause – 'n Man van Lüderitz het saam met verskillende gemeenskappe sowat 10 000 bome die jaar in die Noorde en Suide geplant.

“Ons kan nie meer net agteroor sit en wag dat die regering alles vir ons moet doen nie. Ons moet self opstaan en mekaar en ons land help, so veel soos wat ons kan,” sê Sakaria Kandenge van Lüderitz en stigter van Eshisha Development and Reconciliation Organisation.

Hy is op Ondangwa gebore en het tussen Tsumeb waar sy pa gewerk het en Ondangwa grootgeword. Hy het op Khorixas skoolgegaan. Sakaria se oupa het in 1930 Lüderitz toe getrek om sy lewe daar te begin.

“My familie was altyd in Lüderitz en ek het altyd gesê ek sal terug Lüderitz toe gaan sodra ek skool voltooi het en dit is presies wat ek gedoen het.”

Sakaria is nie net 'n besigheidsman nie, maar ook 'n gemeenskapsaktivis wat hom beywer om sy gemeen­skap se omstandighede en lewens te verbeter.

Die Eshisha Development Organisation is verlede jaar November in die lewe geroep met veelvuldige doelwitte.

“Ek het die organisasie begin om verandering in Namibië te bewerkstellig en om die regering te ondersteun. Ons fokus op die omgewing, landelike en stedelike ontwikkeling, toerisme en rekonsiliasie. Dit gaan oor die ontwikkeling en bemagtiging van jong mense in die land en om hulle te betrek.”



Omgewing

Verlede jaar het lede van die projek 2 000 inheemse bome in die Noorde van die land geplant.

“Die bome kom van saailinge wat lede van die gemeenskap gesaai en versorg het totdat ons hulle kon uitplant. Om bome te plant, is nie 'n nuwe ding nie, dit is in ons kultuur.”

Die idee is dat bome en veral vrugtebome oraloor die land geplant word.

“Ons het in Oshakati en Ondangwa begin plant en nou het ons Lüderitz toe geskuif. Ek het op Lüderitz vir die gemeenskap stiggies van spekbome gegee. Ons het in die dorp al 300 spekbome geplant en die aanvraag vir nog bome is groot.”

Volgens hom is dit nie duur om bome te plant nie.

“Dit is 'n begin en as almal deel word en een of twee bome plant, dan kan ons selfversorgend word en nie meer al ons vrugte invoer nie. Dié is ook hoekom die organisasie met die ontwikkeling van groentetuine gaan help. Ons het al in die Noorde 'n paar begin en sal volgende hier op Lüderitz daarmee begin.”



Toerisme

Volgens Sakaria is Lüderitz en sy omgewing baie ryk aan geskiedenis en kultuur.

“Ons het baie toeriste wat ons besoek, veral as die passasiersbote hier aandoen. Ek het 'n kulturele groep wat ek hawe toe vat en dan dans hulle vir die toeriste. Toeriste hou nie van mense wat bedel nie, maar as hulle die dansgroep sien, word die kinders goed betaal.”

Volgens Sakaria kan die kulturele bedrywighede by die hawe uitgebrei word.

“Ons het alle Namibiese kulture hier op Lüderitz en dit is nie nodig dat net die Oshiwambo-danse ten toon gestel word nie. Mense kan byvoorbeeld ook die tradisionele Owela-speletjie vir die toeriste wys.”

Die informele nedersettings het geen infrastruktuur vir ablusie nie.

“Die mense wat kos op straat verkoop, het nie toegang tot water nie. Hulle werk met kos en kan nie eens hul hande was nie. Ons wil die omstandighede vir informele verkopers bietjie verbeter. Ons kan begin om vir hulle te leer om hulle plek en omgewing skoon te hou. Dalk kan ons 'n afdak vir hulle bou waaronder hulle kan sit. Dit is klein gebare, maar alle veranderinge het 'n klein begin.”



Jeug

“Ek het baie jong mense gewerf wat net so passievol oor die land, sy toekoms en die projek soos ek is. Saam gaan ons 'n verskil maak.”

- [email protected]

Soortgelyk

 

Vandag se Covid-19-data

1 uur gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

2 ure gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

7 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

17 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

17 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

17 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

17 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

17 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

17 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...