Boere se hulp gevra teen Kongokoors
Henriette Lamprecht - Tot nou toon die vier pasiënte en vyf gesondheidspersoneel wat in isolasie op Gobabis en in Windhoek gemonitor word, geen tekens van Kongokoors nie. Volgens die minister van gesondheid en maatskaplike dienste sal die nege in isolasie gehou en gemonitor word totdat daar “absoluut geen twyfel oor hul gesondheidstatus is nie”.
Dr. Bernard Haufiku het gister op 'n mediakonferensie gesê plaaslike kenners in epidemiologie sowel as kenners afkomstig die van die Wêreldgesondheidsorganisasie (WHO), is in die Omahekestreek ontplooi. Dit volg ná die dood van 'n 26-jarige man van Gobabis aan Kongokoors nadat hy 'n bosluisbyt opgedoen het op die plaas waar hy gewerk het.
'n Persoon na aan die oorledene wat simptome van geelsug, kopseer en hoes getoon het, is eers in isolasie in die staatshospitaal op Gobabis gemonitor. Dié persoon is Vrydag saam met nog drie kontakgevalle per ambulans na die sentrale hospitaal in Windhoek vervoer waar hulle in 'n isolasiesaal gemonitor word. Algemene bloedtoetse is uitgevoer en 'n register word gehou van dié pasiënte se temperatuurmetings.
Volgens Haufiku word die uitslae van bloedtoetse van die vier kontakgevalle voor Vrydag verwag.
'n Span van twee dokters en vier verpleegsters van die Katutura-hospitaal is ook Vrydag na die hospitaal op Gobabis gestuur om werksdruk op personeel te verlig. 'n Dokter en vier verpleegsters verbonde aan die hospitaal word tans saam met die vier ander kontakgevalle in isolasie in die sentrale hospitaal gehou. Bykomende voertuie en beskermingspakke en -toerusting is ook aan mediese
personeel op Gobabis beskikbaar gestel.
Volgens Haufiku is alle belanghebbendes oor die verwikkelinge en protokol ingelig, wat die ministerie van landbou, water en bosbou insluit. Dié ministerie word verteenwoordig deur die streeksveearts wat ten nouste met die gesondheidspan werk.
“Die spanne op die grond hou die ministeriële leierskap twee keer per dag op die hoogte van sake.”
Haufiku het voorts gesê inwoners op plase in die omgewing en waar die oorledene gebyt is, word intensief gemonitor.
Openbare gesondheidsopleiding vir die algemene publiek oor Kongokoors gaan ook verhoog word, met boodskappe in dié verband wat in alle plaaslike tale deur radiostasies uitgesaai sal word.
Gesondheidswerkers in gemeenskappe, verpleegsters en ander gesondheidspersoneel het ook Maandag 'n opskerpingskursus oor vroeë opsporing en ingryping ontvang. Om 'n gekoördineerde reaksie en langtermyn-strategie saam te stel, is 'n hoëvlakvergadering ook gehou waarby rolspelers soos streeksraadslede, veeartsenydienste en private dokters betrek is.
“Verskeie groepe op Whatsapp is ook gebruik om inligting wyd uit te stuur. Dit sluit die kantoor van die eerste minister se risikobestuursforum in.”
Haufiku het 'n beroep op boere gedoen om te verseker dat hulle by die ministerie van landbou se riglyne vir die dip van hul diere hou. Die virus word hoofsaaklik van die bosluise op vee, na mense oorgedra.
Dr. Bernard Haufiku het gister op 'n mediakonferensie gesê plaaslike kenners in epidemiologie sowel as kenners afkomstig die van die Wêreldgesondheidsorganisasie (WHO), is in die Omahekestreek ontplooi. Dit volg ná die dood van 'n 26-jarige man van Gobabis aan Kongokoors nadat hy 'n bosluisbyt opgedoen het op die plaas waar hy gewerk het.
'n Persoon na aan die oorledene wat simptome van geelsug, kopseer en hoes getoon het, is eers in isolasie in die staatshospitaal op Gobabis gemonitor. Dié persoon is Vrydag saam met nog drie kontakgevalle per ambulans na die sentrale hospitaal in Windhoek vervoer waar hulle in 'n isolasiesaal gemonitor word. Algemene bloedtoetse is uitgevoer en 'n register word gehou van dié pasiënte se temperatuurmetings.
Volgens Haufiku word die uitslae van bloedtoetse van die vier kontakgevalle voor Vrydag verwag.
'n Span van twee dokters en vier verpleegsters van die Katutura-hospitaal is ook Vrydag na die hospitaal op Gobabis gestuur om werksdruk op personeel te verlig. 'n Dokter en vier verpleegsters verbonde aan die hospitaal word tans saam met die vier ander kontakgevalle in isolasie in die sentrale hospitaal gehou. Bykomende voertuie en beskermingspakke en -toerusting is ook aan mediese
personeel op Gobabis beskikbaar gestel.
Volgens Haufiku is alle belanghebbendes oor die verwikkelinge en protokol ingelig, wat die ministerie van landbou, water en bosbou insluit. Dié ministerie word verteenwoordig deur die streeksveearts wat ten nouste met die gesondheidspan werk.
“Die spanne op die grond hou die ministeriële leierskap twee keer per dag op die hoogte van sake.”
Haufiku het voorts gesê inwoners op plase in die omgewing en waar die oorledene gebyt is, word intensief gemonitor.
Openbare gesondheidsopleiding vir die algemene publiek oor Kongokoors gaan ook verhoog word, met boodskappe in dié verband wat in alle plaaslike tale deur radiostasies uitgesaai sal word.
Gesondheidswerkers in gemeenskappe, verpleegsters en ander gesondheidspersoneel het ook Maandag 'n opskerpingskursus oor vroeë opsporing en ingryping ontvang. Om 'n gekoördineerde reaksie en langtermyn-strategie saam te stel, is 'n hoëvlakvergadering ook gehou waarby rolspelers soos streeksraadslede, veeartsenydienste en private dokters betrek is.
“Verskeie groepe op Whatsapp is ook gebruik om inligting wyd uit te stuur. Dit sluit die kantoor van die eerste minister se risikobestuursforum in.”
Haufiku het 'n beroep op boere gedoen om te verseker dat hulle by die ministerie van landbou se riglyne vir die dip van hul diere hou. Die virus word hoofsaaklik van die bosluise op vee, na mense oorgedra.
Kommentaar
Republikein
Geen kommentaar is op hierdie artikel gelaat nie