Boere betoog oor hul Agribank-skuld
Groot ongelukkigheid heers nadat 2 500 boere met agterstallige landbanklenings aan skuldinvorderaars oorhandig is.
Augetto Graig
Sowat 100 boere het Dinsdag voor Agribank se hoofkantoor in die hoofstad betoog oor die beplande aksie deur die bank teen klante wat nie hul terugbetalings aan die regering se regstellende aksie-leningskema kan nakom
nie.
Die boere het 'n beroep op die ministerie van finansies gedoen om dringend in te gryp en die oorspronklike regeringswaarborg en subsidie aan die skema weer in werking te stel. Volgens die boere is die waarborg en subsidie sowat tien jaar gelede opgeskort. Hulle sê dié verdere finansiële hulp is nodig ter wille van grondhervorming en die herverdeling van grond. Die minister van finansies moet ook die skema hersien en die terugbetalingstydperk vir plase onder die skema tot 33 jaar verleng, sê hulle. Boonop moet die rentekoers vir regstellende aksie-lenings van plase verminder word tot 0%.
Die eise is vervat in 'n versoekskrif wat die boere aan ministerie-amptenare oorhandig het. Daarin vra die boere die minister, mnr. Calle Schlettwein, moet dringend met Agribank en die leningskemaboere kontak maak om nuwe skuldinvorderaars aan te stel. Hulle sê die huidige skuldinvorderaars moet onmiddellik afgedank word aangesien hulle die vordering gaan omkeer wat met grondhervorming gemaak is.
Die boere sê hulle is gewillig om hul deel by te dra tot die bou van die Harambee-huis, maar dat hulle in 'n onhoudbare situasie is ten opsigte van die terugbetaling van hul skuld aan Agribank. Dit is weens die hoë vereiste deposito, hoë grondpryse, hoë rentekoerse op regstellende aksie-lenings en die voortslepende droogte wat die land teister. Hulle sê ook dat, anders as in die geval van hervestigingsboere, die regering teen hulle diskrimineer aangesien hulle nie dieselfde ondersteuning ontvang nie. Nogtans is die boere verbind tot hul plig om die Agribank-lenings af te betaal wanneer toestande meer gunstig is, sê hulle.
Agribank se uitvoerende hoof, mnr. Sakaria Nghikembua, het die week gesê boere skuld die bank meer as N$500 miljoen.
Die bank het verlede week begin om boere wat baie agterstallig is met terugbetalings, aan skuldinvorderaars te oorhandig. Sedert die proses begin is, het Agribank reeds sowat 2 500 boere oorhandig en baie is by die kredietburo vir slegte skuld aangegee.
Die bank se leningsboek staan op sowat N$2 miljard waarvan nog net sowat N$100 miljoen ingevorder is. Agribank het sowat 6 000 boere met lenings bygestaan.
Sowat 100 boere het Dinsdag voor Agribank se hoofkantoor in die hoofstad betoog oor die beplande aksie deur die bank teen klante wat nie hul terugbetalings aan die regering se regstellende aksie-leningskema kan nakom
nie.
Die boere het 'n beroep op die ministerie van finansies gedoen om dringend in te gryp en die oorspronklike regeringswaarborg en subsidie aan die skema weer in werking te stel. Volgens die boere is die waarborg en subsidie sowat tien jaar gelede opgeskort. Hulle sê dié verdere finansiële hulp is nodig ter wille van grondhervorming en die herverdeling van grond. Die minister van finansies moet ook die skema hersien en die terugbetalingstydperk vir plase onder die skema tot 33 jaar verleng, sê hulle. Boonop moet die rentekoers vir regstellende aksie-lenings van plase verminder word tot 0%.
Die eise is vervat in 'n versoekskrif wat die boere aan ministerie-amptenare oorhandig het. Daarin vra die boere die minister, mnr. Calle Schlettwein, moet dringend met Agribank en die leningskemaboere kontak maak om nuwe skuldinvorderaars aan te stel. Hulle sê die huidige skuldinvorderaars moet onmiddellik afgedank word aangesien hulle die vordering gaan omkeer wat met grondhervorming gemaak is.
Die boere sê hulle is gewillig om hul deel by te dra tot die bou van die Harambee-huis, maar dat hulle in 'n onhoudbare situasie is ten opsigte van die terugbetaling van hul skuld aan Agribank. Dit is weens die hoë vereiste deposito, hoë grondpryse, hoë rentekoerse op regstellende aksie-lenings en die voortslepende droogte wat die land teister. Hulle sê ook dat, anders as in die geval van hervestigingsboere, die regering teen hulle diskrimineer aangesien hulle nie dieselfde ondersteuning ontvang nie. Nogtans is die boere verbind tot hul plig om die Agribank-lenings af te betaal wanneer toestande meer gunstig is, sê hulle.
Agribank se uitvoerende hoof, mnr. Sakaria Nghikembua, het die week gesê boere skuld die bank meer as N$500 miljoen.
Die bank het verlede week begin om boere wat baie agterstallig is met terugbetalings, aan skuldinvorderaars te oorhandig. Sedert die proses begin is, het Agribank reeds sowat 2 500 boere oorhandig en baie is by die kredietburo vir slegte skuld aangegee.
Die bank se leningsboek staan op sowat N$2 miljard waarvan nog net sowat N$100 miljoen ingevorder is. Agribank het sowat 6 000 boere met lenings bygestaan.
Kommentaar
Republikein
Geen kommentaar is op hierdie artikel gelaat nie