Boer skiet glo 'mieliedief'
'n Plaasweker in die Tsumeb-distrik is gewond toe hy glo mielies gesteel het.
Francoise Steynberg - 'n Boer van Tsumeb het Maandag op ‘n klag van poging tot moord in die landdroshof verskyn nadat hy glo ‘n vermeende mieliedief gewond het.
Mnr. Cobus Coetzee (43) is op borgtog van N$2 000 vrygelaat en sy saak is vir verdere polisieondersoek tot 15 April uitgestel.
Dit volg na 'n 40-jarige plaaswerker van die plaas Bombai Vrydag omstreeks 23:00 in sy linkerbeen geskiet is terwyl hy glo mielies in die mielieland gesteel het.
Volgens die Namibiese polisie se misdaadverslag is Coetzee in hegtenis geneem en beslag is op sy geweer gelê.
Die plaaswerker is volgens die polisie in 'n stabiele toestand in die Tsumeb-staatshospitaal.
Dié voorval volg na 'n onlangse treurspel in die Suide toe 'n boer en sy werkers vier vermeende skaapdiewe betrap en een doodgeskiet is.
Die beweerde diefstal van 30 skape by ’n bekende ruskamp buite Keetmanshoop het glo tot die skietdood van ’n vermeende skaapdief, mnr. Nangundu Nyangana (28), op 10 Februarie gelei.
Mnr. Conrad Nolte (59), eienaar van Quivertree Forest-ruskamp buite Keetmanshoop, het die volgende dag saam met sy werkers, mnre. Jan Steenkamp (51), Jimmy Rukamba (27) en Alex Kooper (24), op ’n klag van moord, poging tot moord en aanranding met die opset om ernstig te beseer, verskyn.
Een van die vermeende skaapdiewe, mnr. Raymond Neube (46), het terselfdertyd op veediefstalklagte verskyn, terwyl een van sy vriende in 'n Windhoekse staatshospitaal ná beweerde aanranding aangesterk het.
Steenkamp, Rukamba en Kooper is op borgtog van N$1 000 elk vrygelaat. Nolte is op 13 Februarie op borgtog van N$10 000 vrygelaat nadat hy aangevoer het hy het uit selfverdediging opgetree. Die saak is tot 26 Maart uitgestel.
KNOPKIERIE
'n Klag van poging tot moord is ook aanhangig gemaak toe 'n 34-jarige man ernstige beserings opgedoen het toe hy glo verskeie kere met 'n knopkierie oor die kop geslaan is.
Die voorval het Saterdag omstreeks 09:00 in die Uutsathima-nedersetting naby Okahao in die Omusatistreek plaasgevind.
'n Angolese man (49) is in hegtenis geneem en die polisieondersoek duur voort.
Die slagoffer is in die Oshakati-staatshospitaal opgeneem en is in 'n stabiele toestand.
- [email protected]
Mnr. Cobus Coetzee (43) is op borgtog van N$2 000 vrygelaat en sy saak is vir verdere polisieondersoek tot 15 April uitgestel.
Dit volg na 'n 40-jarige plaaswerker van die plaas Bombai Vrydag omstreeks 23:00 in sy linkerbeen geskiet is terwyl hy glo mielies in die mielieland gesteel het.
Volgens die Namibiese polisie se misdaadverslag is Coetzee in hegtenis geneem en beslag is op sy geweer gelê.
Die plaaswerker is volgens die polisie in 'n stabiele toestand in die Tsumeb-staatshospitaal.
Dié voorval volg na 'n onlangse treurspel in die Suide toe 'n boer en sy werkers vier vermeende skaapdiewe betrap en een doodgeskiet is.
Die beweerde diefstal van 30 skape by ’n bekende ruskamp buite Keetmanshoop het glo tot die skietdood van ’n vermeende skaapdief, mnr. Nangundu Nyangana (28), op 10 Februarie gelei.
Mnr. Conrad Nolte (59), eienaar van Quivertree Forest-ruskamp buite Keetmanshoop, het die volgende dag saam met sy werkers, mnre. Jan Steenkamp (51), Jimmy Rukamba (27) en Alex Kooper (24), op ’n klag van moord, poging tot moord en aanranding met die opset om ernstig te beseer, verskyn.
Een van die vermeende skaapdiewe, mnr. Raymond Neube (46), het terselfdertyd op veediefstalklagte verskyn, terwyl een van sy vriende in 'n Windhoekse staatshospitaal ná beweerde aanranding aangesterk het.
Steenkamp, Rukamba en Kooper is op borgtog van N$1 000 elk vrygelaat. Nolte is op 13 Februarie op borgtog van N$10 000 vrygelaat nadat hy aangevoer het hy het uit selfverdediging opgetree. Die saak is tot 26 Maart uitgestel.
KNOPKIERIE
'n Klag van poging tot moord is ook aanhangig gemaak toe 'n 34-jarige man ernstige beserings opgedoen het toe hy glo verskeie kere met 'n knopkierie oor die kop geslaan is.
Die voorval het Saterdag omstreeks 09:00 in die Uutsathima-nedersetting naby Okahao in die Omusatistreek plaasgevind.
'n Angolese man (49) is in hegtenis geneem en die polisieondersoek duur voort.
Die slagoffer is in die Oshakati-staatshospitaal opgeneem en is in 'n stabiele toestand.
- [email protected]
Kommentaar
Republikein
Geen kommentaar is op hierdie artikel gelaat nie