Boek vir nadink, herbesoek

14 June 2019 | Kuns en vermaak
Joan Hambidge

Kom ons val sommer met die deur in die huis. Zelda Bezuidenhout se roman Die dekonstruksie van Retta Blom het ’n vinnige pas en is goed geskryf. Marita van der Vyver, die koningin van hierdie soort verhaal, prys dit aan as “lekker sappige goedvoel-storie, met heelwat onder die oppervlak”.

Ene Lauretta Blom, ’n oënskynlik minsame huisvrou en eggenoot van Tobias Blom, ’n ryk sakeman wat pendel tussen Johannesburg en Kaapstad, is ’n soort moderne Emma Bovary. Sy is ’n beheermaniak en voel vasgevang in haar huis in ’n veiligheidslandgoed in Johannesburg en ly aan ’n leënes-sindroom al besoek een seun haar en Skype sy met ’n ander. 26 jaar al vasgevang in ’n roetine van Mevrou-wees. ’n Foonoproep van ene Kob(r)a is die motoriese moment. Alles verander dramaties in haar Visi-bestaan. Sy het immers gesien hoe ’n tassie ingepak word . . .

En ontspan: Ek verklap nie die verhaal nie. Daar is altyd ’n liefdesdriehoek in hierdie soort prosa, maar hier gelaai met siekte, dood en selfdood wat dit iets meer maak as bloot populisties.

Sy rig haar lewe volgens Spreuke en sy weet wie Marilyn French is. En daar is verwysings na Cheating Husbands and the Women who Love Them.

’n Roadtrip Kaap toe (met eggo’s uit Thelma & Louise) met Leigh, ’n kunstenaarsvriendin en die hond, Charlie, gee aan haar agentskap. Naby Bethulie word Lauretta dan Retta wanneer sy Adam ontmoet.

Die boek is vaartbelyn geskryf met sekstonele wat eg aandoen. Lauretta bely haar frigiditeit op ’n plek en luister na raad. Diëte, Skype, SMS’e, WhatsApps, realiteits-TV, The Road Less Travelled, You’ve Got Mail (en natuurlik: Lucy Jordan!) met musiek vertel die verhaal van transformasie. Geen wonder Retta voel soos ’n toeskouer in haar eie lewe nie met ’n jong kind wat tekenmannetjies in ’n boekie het. Is sy nie ook maar net ’n tekenprent nie?

Die rol van die trofee-vrou of vrou-as-ekstensie van die manlike orde kom hier aan bod. En hoe sy dan wegbreek en haar ware self vind. Selfdood en moord van die nuwe man se vorige geliefde bevestig ’n somberder lewe onder die oënskynlike idilliese bestaan. Twee verhale en lewens word verweef met ’n onverwagse wending in die verhaal. En hierdie soort fiksie verraai altoos wat in die vroulike onbewuste geberg word.

Daar is humor (’n man is ’n los wors) en daar word verwys na ’n intellektuele orgasme! Clichés word afgestof en seksbeskrywings is realisties en eg. ’n Kwirkie-boek vir nadink en weer besoek. - Netwerk24

Soortgelyk

 

Man vas oor lewende ietermagô

13 ure gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

15 ure gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

1 dag gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

1 dag gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

1 dag gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

1 dag gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

1 dag gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

1 dag gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

1 dag gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...