Blossom verbrand haar mond

15 November 2017 | Kuns en vermaak
Lloyd Zandberg

’n Gewilde Namibiese musikant se kritiek op die land se president het haar die gramskap van die Namibiese Jaarlikse Musiektoekennings (NAMAs) se uitvoerende komitee op die hals gehaal.

Die komitee het onlangs in ‘n verklaring aangekondig Blossom, ’n voormalige wenner van een van die toekennings, sal vir ‘n tydperk van 12 maande die NAMA-verhoog en alle NAMA-geleenthede verbied word.

Dít nadat sy negatiewe kommentaar oor pres. Hage Geingob op sosiale media gepubliseer het.

Die kommentaar het op 29 Oktober op Blossom se persoonlike Facebook-blad verskyn.

Blossom, wie se regte naam Ruudsa Munalye is, het in 2013 die NAMA-toekenning vir die beste vroulike kunstenaar gewen.

Die sanger bevind haarself in ‘n politieke storm nadat sy “Okwankara eeta ondjala” aanlyn geskryf het, wat vertaal kan word as “’n verkwister het honger veroorsaak”.

Die term “Okwankara” is omstrede en word deur Damara-, Nama- en San-mense as haatspraak beskou.

Hoewel Blossom nie die president se naam genoem het nie, is dit duidelik op hom gemik.

Indien die kunstenaar nie ‘n openbare verskoning vir haar gedrag aanbied nie, kan die verbod van 12 maande tot 24 maande verleng word.

Volgens me. Umbi Karuaihe-Upi, uitvoerende voorsitter van die NAMAs, is die toekennings ‘n platform wat Namibiese musikante verenig met musiek as universele taal. Sy het ook bygevoeg kunstenaars moet altyd daarna streef om rolmodelle te wees.

“’n Duidelike waarskuwing moet aan ander Namibiese kunstenaars gerig word dat, indien hulle met die NAMAs geassosieer wil word, hulle die verantwoordelikheid het om nie haatspraak, kulturele opninies en rassistiese kommentaar te lewer nie.”

Blossom wou nie kommentaar oor die voorval lewer nie.

Soortgelyk

 

Moord-selfmoord ruk Oshakati

3 ure gelede | Misdaad

‘n Moorddossier is op Oshakati geopen nadat ‘n man na bewering eers sy vrou en toe daarna homself in die Ehenye-nedersetting op die dorp geskiet...

Vier sterf in grubotsing

4 ure gelede | Ongelukke

Vier mense is gisteraand in 'n grubotsing op die pad tussen Okahandja en Karibib dood. Volgens die Namibiese polisie se woordvoerder vir die Otjozondjupastreek, ao....

Resessie klou verbete

14 ure gelede | Regering

Jo-Maré DuddyMet groei van -0,8% in die derde kwartaal het Namibië sy taaiste drie maande nóg vanjaar beleef en sit die twee swaargewigte wat die...

Meteoorreën bereik sy piek

14 ure gelede | Weer

Elvira HattinghNamibiërs kan uitsien na die Geminides-meteoorreën wat vanaand sy piek bereik.Sowat 100 verskietende sterre sal per uur gesien kan word – mits jy op...

Vuurkuns

14 ure gelede | In beeld

Clinton Fisch het hierdie besondere foto geneem deur staalwol aan die brand te steek en dit tussen staaldrade in te druk wat in die rondte...

Weer, Vrydag 14 Desember 2018

14 ure gelede | Weer

BINNELAND: Mooiweer en matig in die suidweste. Elders sal dit gedeeltelik bewolk en baie tot bloedig warm met enkele dondebuie wees.KUS: Gedeeltelik bewolk en koel...

Eksamenuitslae Donderdag bekend

14 ure gelede | Onderwys

Die voorlopige uitslae vir graad 10-(JSC) en graad 12-(NSSC)hoërvlakkandidate – voltydse en deeltyds – word eerskomende Donderdag amptelik bekend gemaak. Die uitslae sal op die...

Unam-studente moet meer opdok

14 ure gelede | Onderwys

Henriette Lamprecht – Die finansiële verknorsing waarin die Universiteit van Namibië (Unam) verkeer, tesame met die algemene ekonomiese vooruitsig vir die land het die universiteitsraad...

1,6 miljoen toeriste kom kuier in 2017

14 ure gelede | Toerisme

Francoise Steynberg - Toerisme het met 2,2% van 2016 af tot verlede jaar gegroei, en 1 608 018 buitelandse toeriste het Namibië in 2017 by...