Binnegevegte op Rehoboth pootjie dorpsraad
Mnr. Willie Swartz, waarnemende uitvoerende hoof van Rehoboth, is volgens die UPM glo onwettig terug in sy pos by die dorpsraad.
Augetto Graig - Die bestuur van Rehoboth se dorpsraad is raadop ná gisteroggend se raadsvergadering op die nippertjie afgestel is.
Volgens mnr. Lennie Pienaar, raadslid van die United People's Movement, was die openbare galery volgepak nadat die gemeenskap verlede week besluit het om vergaderings by te woon om beter ingelig te wees.
Hulle was volgens hom woedend aangesien hul strewe tot groter deursigtigheid van raadsake misluk het.
Pienaar sê die vergadering is deur me. Eve Maasdorp, adjunkburgemeester, afgestel. Oproepe na Maasdorp is gister nie beantwoord nie. So ook oproepe aan mnr. Willie Swartz, menslike hulpbronnebestuurder, wat verlede week as waarnemende uitvoerende hoof aangestel is terwyl mnr. Christoph /Uirab met verlof is.
Swartz word daarvan beskuldig dat hy na bewering N$13 miljoen van die dorp se geld in sy eie bankrekening inbetaal het. Weens dié aanklag is /Uirab vir een dag geskors, maar die volgende dag is hy deur die meerderheid Swapo-raadslede weer in sy pos herstel.
Pienaar het verlede week aan Republikein gesê 'n regsmening deur die minister van stedelike en landelike ontwikkeling, me. Sophia Shaningwa, se kantoor het aangedui Swartz mag volgens wet nie meer in diens van die raad wees nie.
Gister se raadsvergadering sou een van die eerstes wees waartydens Swapo-raadslede nie in die meerderheid sou wees nie.
Voor die UPM-raadslede enige vordering kon maak, is die vergadering egter afgestel.
Me. Thelma Kunze, UPM-woordvoerder, het gistermiddag in 'n verklaring gesê die redes vir die afstel van die vergadering is nie geldig nie.
Die UPM voer aan "Swartz regeer Swapo" op die dorp.
Kunze stem met Pienaar saam dat die minister haar voete sleep wat Rehoboth se probleme betref.
“Verskeie verslae het onreëlmatighede en wanbestuur by die Rehoboth-dorpsraad getoon, maar geen stappe word gedoen nie terwyl optrede beplan word vir dorpe soos Katima Mulilo en Okahandja. Rehoboth en Omaruru se dorpsrade is in die verlede ontbind, aangesien Artikel 96 van die Wet op Plaaslike Owerheid die minister magtig om dit te doen.
"Die UPM is van mening dat die minister bang is om op te tree, aangesien sy koppe mag stamp met nasionale Swapo-leiers wat aan die Hardapstreek toegewys is. Swapo-raadslede kan Rehoboth dus vrylik vernietig met Swapo se seënwense,” voer Kunze in die verklaring aan.
Volgens haar het die minister tydens die vorige parlementsitting dit duidelik gemaak dat Swartz nie meer 'n werknemer van die dorpsraad mag wees nie.
Hy bly egter op kantoor en ontvang 'n salaris. Pogings van mnr. Jan van Wyk, UPM-parlementslid, om die ministerie dringend te laat optree, het misluk.
Die minister het Vrydagoggend tydens 'n telefoongesprek met Van Wyk aangedui dat sy dringende aandag sal gee aan die feit dat Swartz ondanks haar instruksies aanbly, sê Kunze.
Mnr. Lameck Uyepa, direkteur van streeks- en plaaslike regering en van die koördinering van tradisionele owerhede in die ministerie, het gister by navraag gesê navrae oor Swartz se posisie by die dorpsraad moet aan dié raad as sy werkgewer gerig word, en nie aan die ministerie nie.
"Die ministerie is nie Swartz se werkgewer nie en kan daarom nie op navrae oor sy status as werknemer en ander verwante sake kommentaar lewer nie," het hy gesê.
Volgens mnr. Lennie Pienaar, raadslid van die United People's Movement, was die openbare galery volgepak nadat die gemeenskap verlede week besluit het om vergaderings by te woon om beter ingelig te wees.
Hulle was volgens hom woedend aangesien hul strewe tot groter deursigtigheid van raadsake misluk het.
Pienaar sê die vergadering is deur me. Eve Maasdorp, adjunkburgemeester, afgestel. Oproepe na Maasdorp is gister nie beantwoord nie. So ook oproepe aan mnr. Willie Swartz, menslike hulpbronnebestuurder, wat verlede week as waarnemende uitvoerende hoof aangestel is terwyl mnr. Christoph /Uirab met verlof is.
Swartz word daarvan beskuldig dat hy na bewering N$13 miljoen van die dorp se geld in sy eie bankrekening inbetaal het. Weens dié aanklag is /Uirab vir een dag geskors, maar die volgende dag is hy deur die meerderheid Swapo-raadslede weer in sy pos herstel.
Pienaar het verlede week aan Republikein gesê 'n regsmening deur die minister van stedelike en landelike ontwikkeling, me. Sophia Shaningwa, se kantoor het aangedui Swartz mag volgens wet nie meer in diens van die raad wees nie.
Gister se raadsvergadering sou een van die eerstes wees waartydens Swapo-raadslede nie in die meerderheid sou wees nie.
Voor die UPM-raadslede enige vordering kon maak, is die vergadering egter afgestel.
Me. Thelma Kunze, UPM-woordvoerder, het gistermiddag in 'n verklaring gesê die redes vir die afstel van die vergadering is nie geldig nie.
Die UPM voer aan "Swartz regeer Swapo" op die dorp.
Kunze stem met Pienaar saam dat die minister haar voete sleep wat Rehoboth se probleme betref.
“Verskeie verslae het onreëlmatighede en wanbestuur by die Rehoboth-dorpsraad getoon, maar geen stappe word gedoen nie terwyl optrede beplan word vir dorpe soos Katima Mulilo en Okahandja. Rehoboth en Omaruru se dorpsrade is in die verlede ontbind, aangesien Artikel 96 van die Wet op Plaaslike Owerheid die minister magtig om dit te doen.
"Die UPM is van mening dat die minister bang is om op te tree, aangesien sy koppe mag stamp met nasionale Swapo-leiers wat aan die Hardapstreek toegewys is. Swapo-raadslede kan Rehoboth dus vrylik vernietig met Swapo se seënwense,” voer Kunze in die verklaring aan.
Volgens haar het die minister tydens die vorige parlementsitting dit duidelik gemaak dat Swartz nie meer 'n werknemer van die dorpsraad mag wees nie.
Hy bly egter op kantoor en ontvang 'n salaris. Pogings van mnr. Jan van Wyk, UPM-parlementslid, om die ministerie dringend te laat optree, het misluk.
Die minister het Vrydagoggend tydens 'n telefoongesprek met Van Wyk aangedui dat sy dringende aandag sal gee aan die feit dat Swartz ondanks haar instruksies aanbly, sê Kunze.
Mnr. Lameck Uyepa, direkteur van streeks- en plaaslike regering en van die koördinering van tradisionele owerhede in die ministerie, het gister by navraag gesê navrae oor Swartz se posisie by die dorpsraad moet aan dié raad as sy werkgewer gerig word, en nie aan die ministerie nie.
"Die ministerie is nie Swartz se werkgewer nie en kan daarom nie op navrae oor sy status as werknemer en ander verwante sake kommentaar lewer nie," het hy gesê.
Kommentaar
Republikein
Geen kommentaar is op hierdie artikel gelaat nie