Beweerde verkragters wag op uitspraak

Drie beskuldigdes wat na bewering in 2016 ’n vrou in Gobabis verkrag het, beweer die seks was konsensueel.

16 October 2020 | Howe
Kristien Kruger – Die drie mans wat na bewering in die vroeë oggendure van 6 Maart 2016 ’n vrou met ’n mes en panga gedreig en haar vasgedruk het terwyl beurte gemaak is om haar te verkrag, is vandag (Vrydag) in die hoërhof in Windhoek ingelig dat uitspraak op 12 November sal geskied.
Die mans staan tereg op klagte van verkragting, diefstal en aanranding.
Kingsley Balzer en Fritz Naobeb was 15 jaar oud tydens die beweerde verkragting en Norman Witbeen was 19.
Die voorval het in die Damara Block informele nedersetting in Gobabis plaasgevind.
Die klaer het tydens die verhoor getuig dat sy op pad huis toe was nadat sy saam met vriende gekuier het, toe die drie mans haar met ’n mes en panga genader het. Hulle het glo gedreig om haar dood te maak as sy nie seksuele omgang met hulle sou hê nie.
Hulle het na bewering ook haar selfoon gesteel.

GLO KONSENSUEEL
Die mans het aan die begin van hul verhoor onskuldig gepleit.
Balzer se regsverteenwoordiger van Legal Aid, mnr. Giant Kauari, het tydens die verhoor gesê dit was die klaer wat die seksuele omgang geïnisieer het.
Witbeen se regsverteenwoordiger, mnr. Jermaine Muchali, het selfs so ver gegaan as om te sê dat die klaer die een is wat gearresteer moet word omdat sy seksuele omgang met minderjariges gehad het.
Kauari het tydens die verhoor aangevoer dat die klaer nie een keer tydens die sowat vier kilometer wat hulle gestap het iemand om hulp gevra nie.
Volgens hom was sy glo die een wat ’n kombers by haar huis gaan haal het en het sy glo vir Witbeen gevra vir sy baadjie om dit as ’n kussing te gebruik gedurende die seksuele omgang.
Mnr. Milton Engelbrecht, Noabeb se verteenwoordiger, het in die hof beweer dat die klaer gewilliglik saam die drie mans geloop het, hoewel haar vriende vir haar gesê het dat hulle haar huis toe sal neem.
Engelbrecht het aangevoer die aanklaers het nie voldoende bewys dat die seks nie konsensueel was nie en dat die verdagtes daarom die voordeel van die twyfel moet ontvang.
[email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...