Beweerde aanrander vry op borg

10 July 2020 | Howe
Jeanette Diergaardt – Mnr. Samuel Shikale, wat na bewering ’n vroulike winkelassistent Sondag by Pick n Pay Mega Centre in Klein Kuppe aangerand het, is gister op borgtog van N$3 000 vrygelaat.

Shikale is gister by ’n huis in Cimbebasia in hegtenis geneem nadat die polisie ’n soekveldtog na hom van stapel gestuur het.

Hy het ook gister sy eerste verskyning in die Windhoek-landdroshof voor landdros Alweendo Venatius gemaak.

Shikale is aangekla van aanranding met die opset om ernstig te beseer.

Die saak is tot 2 September vir verdere ondersoek uitgestel.

Die beskuldigde se borgtogvoorwaardes behels dat hy een keer ’n week by Windhoek-polisiekantoor moet aanmeld. Die beskuldigde mag nie die land verlaat sonder toestemming van die ondersoekbeampte nie, asook nie van blyplek verander nie.

Mnr. Bradley Basson het die beskuldigde verteenwoordig en mnr. Tatelo Lusepani verskyn vir die staat.

Die saak spruit voort uit die aanranding van ’n winkelassistent wat opslae in sosiale media veroorsaak het.

Dit het gelei tot ’n mediaverklaring waarin deur die besturende direkteur van Pick n Pay, mnr. Graeme Mouton, gesê het: “Dié barbaarse voorval is ontsettend ontstellend. In ’n land waar geslagsgeweld aan die orde van die dag is, kan ons nie hierdie tipe gedrag goedpraat nie.”

In die verklaring bied Mouton verskoning aan die winkelassistent aan oor wat met haar gebeur het, asook aan die publiek en werknemers van Pick n Pay wat die voorval moes aanskou.

Volgens Mouton is traumaberading gereël vir die winkelassistent en die werknemers wat die voorval beleef het.

Die beskuldigde en sy vroulike metgesel is in alle Pick n Pay-winkels verban.

- [email protected]

Soortgelyk

 

Vandag se Covid-19-data

29 minute gelede | Gesondheid

'n Visuele opsomming van die inligting vir Maandag 10 Augustus 2020, soos om 15:00 vanmiddag aangekondig deur die minister van gesondheid en maatskaplike dienste, dr....

Skerp styging in gevalle in Windhoek wek kommer, sê...

1 uur gelede | Gesondheid

Die minister van gesondheid en maatskaplike dienste dr. Kalumbi Shangula het die situasie in Windhoek as "kommerwekkend" beskryf met 79 nuwe Covid-19-gevalle wat vandag in...

Twee met ivoor, velle vasgetrek

6 ure gelede | Misdaad

Twee vermeende wildmisdadigers, mnr. Gabriel Kuutondokwa Nalitje en David Simon, is verlede Maandag in Windhoek glo met drie stukke ivoor en een elk luiperd- en...

Viskwotas: Tweede Fishrot gevrees

16 ure gelede | Misdaad

Leandrea Louw op Walvisbaai - Rolspelers in die visbedryf is bekommerd dat die land in 'n tweede Fishrot-skandaal gedompel sal word as viskwotas opgeveil word....

Olifante vertrap Noorde-plase

16 ure gelede | Omgewing

Elvira Hattingh - Twee troppe olifante het sedert Donderdag en oor die afgelope naweek verwoesting op plase teen die veterinêre kordonheining in die Noordooste gesaai,...

Tossing papers, tapping buttons

16 ure gelede | Tegnologie

Justicia Shipena WINDHOEKHaving started his coding journey in grade nine at De Duine Secondary School in Walvis Bay, Joachim Shilongo recently developed a...

'Beskerm jouself en ander'

16 ure gelede | Gesondheid

Henriette Lamprecht – Die ministerie van gesondheid en maatskaplike dienste gaan beheermaatreels in Windhoek verskerp in ’n poging om die toenemende skerp styging in Covid-19-gevalle...

Weer vir 11 Augustus 2020

16 ure gelede | Weer

WEERWAAK: Koue toestande sal môre in die Suide vestig. Die nodige voorsorgmaatreëls moet getref word. BINNELAND: Gedeeltelik bewolk en matig tot warm, maar baie warm...

#Covid19SafetyChallenge closing date extended

16 ure gelede | Gesondheid

Justicia Shipena LifeLine ChildLine, through Uitani Radio, invites young people of all ages to participate in the #Covid19SafetyChallenge.This competition aims to monitor how many...