Bewaar die natuur

Natuurbewaring van jongs af aangemoedig

11 February 2020 | Onderwys
Irene-mari van der walt



Die Otto Herrigel Trust (OHT) is van plan om die boompie te buig terwyl dit nog jonk is.

Verlede Dinsdag het drie Swakopmund skole elk twee afskrifte van die OHT se kinderboek, Spot die Hond, ontvang.

Die storie handel oor 'n hond, Spot, en sy eienaar, Mattheus, wat graag sokker saam met hul vriende speel.

Mattheus is ontsteld toe Spot skielik siek word, maar het nie die geld om hom veearts toe te neem nie.

Hulle vriende bedink 'n plan om herwinning te gebruik om geld in te samel.

Die verhaal is deur Angela Burrell, die OHT-bestuurder, geskryf en mik om die kleinspan te leer van die gevare van enkelverbruikplastiek en hoe herwinning tot hul voordeel kan werk, en is in Engels, Duits en Afrikaans beskikbaar.

Burrell meen dit is belangrik om jongmense oor onderwerpe soos herwinning en natuurbewaring op te voed. “Kinders is die toekoms,” sê sy.

Lenga Abraham, die waarnemende skoolhoof by Namib Primêre Skool, is van mening dat die boek op graad 1 tot 3 leesvlak is, maar dat die ouer kinders by die skool welkom is om die boek te lees.

Tot dusver het Namib Primêre Skool, Pro-Ed Akademie en Privaatskool Swakopmund afskrifte ontvang, maar Burrell bly vasbeslote die trust wil graag vir elke laerskool op Swakopmund hul eie kopieë gee.

Ingalore van Staden, die departementshoof van graad 1 tot 3 by Pro-Ed Akademie, vertel dat natuurbewaring 'n belangrike onderwerp is.

“Dit is uiters belangrik dat ons dit vir die nageslag moet oppas,” sê sy.

Met boeke as medium vir dié boodskap is Van Staden baie tevrede.

“Lees is vir my ontsettend belangrik, ten spyte van hoe visueel die wêreld tans is.”

Soortgelyk

 

B-dag: Maak of breek

8 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

8 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

8 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

8 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

8 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

8 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

8 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

8 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

8 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...