Bekende rugbyman met byl vermoor
'n Windhoeker is die naweek wreed op 'n plaas vermoor en sy vrou is in hul bakkie ontvoer.
Francoise Steynberg
Die Namibiese polisie in die Kavango-Oosstreek het gisternamiddag op Rundu die plaaswerker vasgetrek wat na bewering mnr. Hendrik (Henry) Petrus Coetzee (59) Saterdag op 'n plaas in die Otjimbingwe-omgewing in die Erongostreek wreed vermoor het.
Volgens die Namibiese polisie se misdaadverslag het die voorval omstreeks 18:00 plaasgevind toe Coetzee, 'n bekende in klubrugbykringe, en sy 56-jarige vrou die naweek die plaas besoek het.
Die 22-jarige verdagte, wat oorspronklik van Rundu is en sedert Oktober vanjaar op die plaas gewerk het, het glo vir Coetzee se vrou gevra waar haar man se vuurwapens is.
“Sy het glo aan hom gesê dat haar man nie 'n vuurwapen het nie, en hy het in die huis na vuurwapens begin soek,” sê die polisie.
“Die verdagte het die huis geplunder, 'n byl gevind en na Coetzee toe geloop wat besig was om bokke te melk, en hom verskeie kere met die byl oor die kop geslaan.”
Coetzee het op die toneel beswyk.
Die verdagte het na bewering van die Coetzees se besittings op die oorledene se bakkie gelaai en omstreeks middernag die vrou in die bakkie gedwing en op die grondpad tussen Otjimbingwe en Wilhelmstal weggejaag. Sowat 35 km van Otjimbingwe af het die verdagte glo beheer oor die bakkie verloor en dit omgegooi. Hy het toe op die vlug geslaan.
Die vrou moes 'n paar kilometer ver loop voordat sy hulp van verbygangers gekry het, wat die polisie ingelig het.
Gister laatnamiddag het die koördineerder van misdaadondersoeke in die Erongostreek, adj.komm. Erastus Iikuyu, bevestig die verdagte is op Rundu in hegtenis geneem. “Goeie werk deur die polisie van die Kavango-Oosstreek,” het Iikuyu gesê.
'n Saak van moord, voertuigdiefstal en ontvoering is teen die verdagte aanhangig gemaak.
MEDELYE VAN KLUB
Mnr. Walter Don, 'n oudafrigter van Western Suburbs, het namens die klub sy medelye aan die familie oorgedra.
“Ons het 'n merkwaardige persoon verloor en iemand aan wie ons die taak as spanbestuurder toevertrou het toe Western Suburbs in 2008 en 2012 die Namibiese premierliga gewen het. Hy was ons sterkte en 'n sentrale figuur om die waardes en kultuur onder ons spelers en klublede te vestig. Rus in vrede, buurman.”
Coetzee was die pa van drie seuns, Hennie, Ascher en Delano. Laasgenoemde twee is ook bekende spelers op klubvlak wat beide vir Western Suburbs, Trustco United en Rehoboth-rugbyklub gespeel het.
Die Namibiese polisie in die Kavango-Oosstreek het gisternamiddag op Rundu die plaaswerker vasgetrek wat na bewering mnr. Hendrik (Henry) Petrus Coetzee (59) Saterdag op 'n plaas in die Otjimbingwe-omgewing in die Erongostreek wreed vermoor het.
Volgens die Namibiese polisie se misdaadverslag het die voorval omstreeks 18:00 plaasgevind toe Coetzee, 'n bekende in klubrugbykringe, en sy 56-jarige vrou die naweek die plaas besoek het.
Die 22-jarige verdagte, wat oorspronklik van Rundu is en sedert Oktober vanjaar op die plaas gewerk het, het glo vir Coetzee se vrou gevra waar haar man se vuurwapens is.
“Sy het glo aan hom gesê dat haar man nie 'n vuurwapen het nie, en hy het in die huis na vuurwapens begin soek,” sê die polisie.
“Die verdagte het die huis geplunder, 'n byl gevind en na Coetzee toe geloop wat besig was om bokke te melk, en hom verskeie kere met die byl oor die kop geslaan.”
Coetzee het op die toneel beswyk.
Die verdagte het na bewering van die Coetzees se besittings op die oorledene se bakkie gelaai en omstreeks middernag die vrou in die bakkie gedwing en op die grondpad tussen Otjimbingwe en Wilhelmstal weggejaag. Sowat 35 km van Otjimbingwe af het die verdagte glo beheer oor die bakkie verloor en dit omgegooi. Hy het toe op die vlug geslaan.
Die vrou moes 'n paar kilometer ver loop voordat sy hulp van verbygangers gekry het, wat die polisie ingelig het.
Gister laatnamiddag het die koördineerder van misdaadondersoeke in die Erongostreek, adj.komm. Erastus Iikuyu, bevestig die verdagte is op Rundu in hegtenis geneem. “Goeie werk deur die polisie van die Kavango-Oosstreek,” het Iikuyu gesê.
'n Saak van moord, voertuigdiefstal en ontvoering is teen die verdagte aanhangig gemaak.
MEDELYE VAN KLUB
Mnr. Walter Don, 'n oudafrigter van Western Suburbs, het namens die klub sy medelye aan die familie oorgedra.
“Ons het 'n merkwaardige persoon verloor en iemand aan wie ons die taak as spanbestuurder toevertrou het toe Western Suburbs in 2008 en 2012 die Namibiese premierliga gewen het. Hy was ons sterkte en 'n sentrale figuur om die waardes en kultuur onder ons spelers en klublede te vestig. Rus in vrede, buurman.”
Coetzee was die pa van drie seuns, Hennie, Ascher en Delano. Laasgenoemde twee is ook bekende spelers op klubvlak wat beide vir Western Suburbs, Trustco United en Rehoboth-rugbyklub gespeel het.
Kommentaar
Republikein
Geen kommentaar is op hierdie artikel gelaat nie