Bek-en-klouseer: Verbod op SA-invoere geld steeds

Ministerie sê oor jongste uitbreking

12 November 2019 | Landbou
Elvira Hattingh - Die Namibiese direktoraat veeartsenydienste (DVS) sê die verbod op invoere van vleis en vleisprodukte van Suid-Afrika af staan steeds, soos ingestel tydens die vorige uitbreking van bek-en-klouseer in Januarie vanjaar.

Dit kom nadat die Suid-Afrikaanse departement van landbou, bosbou en visserye verlede week bevestig het die siekte het opnuut uitgebreek, en ’n geval van bek-en-klouseer is op 1 November in Limpopo se Molemole-distrik geïdentifiseer.

Namibië se ministerie van landbou, water en bosbou se woordvoerder, mnr. Jona Musheko, het gister bevestig die land se verbod op sekere invoere is intussen nog nie gelig nie.

“Die verbod sluit in dat Namibië slegs diereprodukte van Suid-Afrika af kan invoer wat met hitte behandel is, asook melk en melkprodukte. Varkvleis word ook ingevoer van die dele in die buurland wat vry is van bek-en-klouseer,” het Musheko gesê.

Die invoerverbod raak ook gebaalde ruvoer vir vee.

Die DVS het vroeër vanjaar maatreëls in die verband verslap. Solank gebaalde gras, lusern en kuilvoer afkomstig is van afgekampte plase in enige provinsie buiten Limpopo, Mpumalanga en KwaZulu-Natal, mag dit na Namibië ingevoer word, is toe besluit.

Dié plase moet egter sonder enige vee of wild met gesplete hoewe wees.

Die vergunning is gemaak omdat Namibië tans in die droogte se knelgreep verkeer. Dit beteken veevoer kan steeds vanuit ses provinsies in Suid-Afrika ingevoer word.

Verder mag vars en gevriesde varkvleis van goedgekeurde varkplase buite Limpopo, Mpumalanga en KwaZulu-Natal ook na Namibië ingevoer word.

Suid-Afrika het vroeg in Januarie aangekondig bek-en-klouseer het in die Vhembe-distrik naby die Krugerwildtuin uitgebreek.

Die Rooivleisprodusente-organisasie (RPO) in Suid-Afrika het verlede week in ’n nuusverklaring gesê die nuwe geval van bek-en-klouseer in die Molemole-distrik wek groot kommer.

“Dit het nie net ’n negatiewe uitwerking op die rooivleisbedryf nie, maar ook op die landbousektor as ’n geheel,” het die RPO gesê.

“Ná die uitbreking in Januarie 2019 is hard daaraan gewerk om Suid-Afrika se status as bek-en-klouseervrye sone te herstel. Dié jongste verwikkeling is ’n ernstige terugslag. Dit is noodsaaklik dat die omvang van die probleem dringend bepaal word.”

Die RPO sê dié uitbreking onderstreep weer eens die noodsaaklikheid van ’n naspeurbaarheidstelsel in die buurland se lewendehawebedryf.

- [email protected]

Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...