Bek-en-klouseer breek in Oshikoto uit

Maatreëls geld in vyf noordestreke

04 January 2021 | Landbou
Die ministerie van landbou, water en grondhervorming het gemaan teen ’n uitbreking van bek-en-kouseer in die Oshikotostreek.

Volgens ’n nuusverklaring van die ministerie is bek-en-klouseer verlede Maandag by twee beeste in ’n kraal in die Onamulunga-nedersetting in die streek opgemerk.

“Die uitbreking is Dinsdag tydens ondersoeke van veeartsenybeamptes bevestig toe twee uit die vyf beeste in die trop simptome van bek-en-klouseer getoon het,” lui die verklaring.

Volgens die dieregesondheidswet is die Olukonda-kiesafdeling waar die kraal geleë is, as ’n besmette gebied verklaar.

Volgens die verklaring is die streke van Oshikoto, Ohangwena, Oshana, Omusati en Kunene as siektebestuurgebiede (DMA’s) verklaar waar bek-en-klouseermaatreëls ingestel is.

Die regulasies behels ’n totale beperking op die beweging van alle diere met gesplete hoewe soos beeste, bokke, varke en wilde diere in óf uit die siektebestuursgebiede.

Produkte soos velle, huide, wildstrofeë, gras- en plantmateriaal is ook by die verbod op beweging ingesluit.

Sulke produkte en diere met gesplete hoewe mag ook nie in transito binne hierdie vyf streke beweeg nie.

“Alle permitte wat tevore uitgereik is, is gekanselleer en ongeldig vir die huidige bedeling,” lui die verklaring.

Volgens die ministerie is padblokkades op strategiese punte opgerig en patrolliespanne is in dié gebiede werksaam om beweging van hierdie diere te beperk.

“Ons is ook besig om die omvang van die uitbreking in al vyf streke te bepaal. Boere word versoek om hul vee na sekere krale te bring om vas te stel of die vee besmet is,” het die ministerie gesê.

“Rou vleis en ander diereprodukte uit gebiede vry van bek-en-klouseer en van die uitvoer-abattoir in die Zambezistreek na die bek-en-klouseergebied word wel toegelaat.”

Die ministerie het aangekondig dat die beheermaatreëls van die vroeëre uitbrekings in die Kavango-Oos- en -Wesstreek steeds van toepassing is.

“Alle verdagte gevalle moet by die naaste staatsveeartskantoor aangemeld word,” lui die verklaring.

Soortgelyk

 

Gesondheidswerkers, leerlinge en onderwysers deel van 343 nuwe gevalle

1 uur gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

17 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

17 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

17 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

17 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

17 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

17 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

17 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

17 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...