Bedryf slag Meatco oor afleggings

Almal 55 jaar en ouer geraak

09 April 2021 | Landbou
Ronelle Rademeyer – Meatco se besluit om al sy werknemers van 55 jaar en ouer af te lê, kan ’n doodskoot vir die nasionale vleisverwerker wees aangesien die verlies aan kundigheid produsente se vertroue kan skend en dié uitvoerder se internasionale mededigendheid benadeel.

Dít was gister die mening van belanghebbendes in die vleisbedryf.

Werknemers van Meatco is Dinsdag tydens ’n massavergadering by die fabriek ingelig dié besluit sal op almal van toepassing wees, insluitend die topbestuur. Meer as 80 van die 710 werknemers word geraak.

Drie van die sewe topbestuurslede het reeds gister hul afleggingsbriewe ontvang. Hulle is die operasionale hoof, mnr. Jannie Breytenbach, die uitvoerende bestuurder vir bemarking en verkope, mnr. André Mouton, asook mnr. George Kotze wat as uitvoerende bestuurder vir lewendehaweproduksie en waardetoevoeging verantwoordelik is.

Mnr. Thinus Pretorius, voorsitter van die Lewendehaweprodusente-organisasie (LPO), sê hoewel dié liggaam in die verlede sy kommer uitgespreek het oor Meatco se onvolhoubare kostestruktuur en saamstem ’n totale herbelyning is nodig, is hy baie bekommerd “oor die proses wat gevolg is en die stragiese beginsels wat toegepas is”.

Dit is naamlik om slegs ouderdom as maatstaf vir die herbelyning te gebruik.

“Enige besigheid is so goed soos die intellektuele kapitaal, ervaring en vaardighede wat dit besit. Dit is internasionale besigheidspraktyk in ’n herbelyningsproses om eers vas te stel watter kernkundigheid en -ervaring behoue moet bly alvorens ’n afleggingsproses begin word.”

Hy sê as die intellektuele kapitaal verlore gaan, bly die suksesfaktore wat die besigheid se internasionale mededigendheid moet verseker, in die slag.

“Die besluit beteken die meerderheid van die uitvoerende bestuur gaan afgelê word, wat ’n groot risiko vir Meatco se volhoubaarheid inhou,” sê hy. Pretorius meen verder dit kan produsente wat beeste lewer, asook Meatco se klante en die handelsbanke se sakevertroue skend, wat onberekenbare skade aanrig in ’n tyd wat deurset ’n kritieke laagtepunt bereik het.

Mnr. Paul Strydom, hoofbestuurder van die Vleisraad, is net soos Pretorius bekommerd oor die impak wat die verlies aan kundigheid op Meatco se uitvoere na gesogte hoëpremiemarkte in die buiteland sal hê.

Mnr. Rainer Ritter, onafhanklike ontleder, het verlede jaar gewaarsku Meatco staar likwidasie in die gesig as koste nie radikaal gesny word nie.

Sy verslag was die resultaat van ’n ondersoek in opdrag van mnr. Leon Jooste, minister van staatsondernemings (SOE’s), na die stand van ondernemings in staatsbesit.

Ritter se aanbeveling was dat Meatco geen bykomende finansiering van die regering moet ontvang nie en op dié wyse gedwing word om moeilike skuiwe te maak.

Hy het die vleiskorporasie se benarde finansiële situasie aan jarelange swak bestuur toegeskryf.

Ritter het benadruk dat ’n uitvoerabattoir uitvoerende direkteurs met ervaring in vleisverwerking en internasionale vleiswaardekettings benodig. Dit is volgens hom ’n voorwaarde om langtermyn lewensvatbaarheid te verseker en mededingendheid te verbeter.

“Die uitvoerende direkteurs moes ook vooraf ervaring in die vleisbedryf opgedoen het – iets wat sedert die aanstelling van mnr. Kobus du Plessis in 2007 nie geskied het nie.

“In die afgelope ses jaar het Meatco vyf uitvoerende direkteurs en vyf finansiële bestuurders gehad,” het Ritter gesê.

Nóg Jooste, nóg mnr. Johnnie Hamman, voorsitter van die direksie, het teen druktyd gister op skriftelike vrae oor die afleggingsbesluit gereageer.

[email protected]

Soortgelyk

 

Pastoor verkrag glo tienerseuns

8 ure gelede | Howe

Augetto Graig – 'n Pastoor wat tereg staan op vier klagte van verkragting van vier minderjarige seuns, is op borgtog vrygelaat.Die seuns is almal onder...

Eerste nag in selle vir Boulter

8 ure gelede | Howe

Ester Kamati op Outjo – Die invloedryke Britse miljardêr mnr. Harvey Eric Boulter (51) se aansoek om borgtog is gister in die landdroshof op Outjo...

Weer vir 12 Mei 2021

8 ure gelede | Weer

BINNELAND: Dit sal aanvanklik koud wees in die binneland, maar andersins sal dit sonnig en warm tot baie warm wees. In die Noorde sal dit...

Vermeende beesdiewe loop hul rieme styf

8 ure gelede | Misdaad

Ronelle Rademeyer – Drie mans is op Otjinene in aanhouding nadat hulle na bewering Sondag naby Summerdown die slot van 'n plaashek geknip en helder...

'Glyjakkalse' loop hul rieme styf

8 ure gelede | Howe

Twee jong mense wat glo by ver­skeie oornagplekke in die noorde van die land bedrog gepleeg het, is Vrydag in hegtenis geneem. Mnr. Francois Strydom...

Mobiele Covid-toetseenheid by padblokkade

8 ure gelede | Gesondheid

Die eerste mobiele Covid-19-toetsgeriewe vir toeriste is by die Okahandja-padblokkade op die B1-hoofpad geopen. Die mobiele eenheid is 'n inisiatief deur die Toer- en Safarivereniging...

Otji-5-verhoor: Weduwee wil vergoeding eis

8 ure gelede | Howe

Marc Springer – Die weduwee van 'n Zimbabwiese burger wat twee jaar gelede op Otjiwarongo vermoor is, het die eerste wetlike hekkie oorkom in haar...

Tweejarige peuters verdrink in puttoilet

8 ure gelede | Misdaad

Volgens die Namibiese polisie se misdaadverslag het twee kinders, beide twee jaar oud, Saterdag in 'n puttoilet verdrink. Die ongeluk het omstreeks 14:00 in die...

Transgender aanrandingsaak teen polisielid begin

8 ure gelede | Howe

Jana-Mari Smith – Die verhoor waarin 'n transgender Namibiër 'n klag van aanranding teen 'n polisiebeampte aanhangig gemaak het, het Maandag in die hoërhof in...