Bedrog met bankkaarte: Hier’s die nuutste slenters

03 December 2019 | Sakenuus
Swart Vrydag, Kuber-Maandag en die komende Kerstyd is verbruikers én diewe se droom. Die gesamentlike bruto verlies weens bedrog met Suid-Afrikaans uitgereikte bankkaarte in 2018 het R873,4 miljoen beloop en was 18% hoër as in 2017.

In dié tyd het kredietkaartbedrog met 18,4% toegeneem en debietkaartbedrog met 17,5%, wys die jaarlikse misdaadstatistieke.

Die Suid-Afrikaanse Bankrisiko-inligtingsentrum (Sabric), namens die bankbedryf, waarsku verbruikers en sakeondernemings om dié feestyd bedag te wees op slenters en bedrieërs.

Susan Potgieter, waarnemende uitvoerende hoof van Sabric, sê misdadigers wat hulle as bankamptenare voordoen, buit niksvermoedende verbruikers uit deur sosiale manipulasie (soos phishing en vishing) en oorreed hulle om hul persoonlike en vertroulike inligting te deel.

Cowyk Fox, ’n uitvoerende bestuurder verbonde aan Absa se kleinhandel- en besigheidsbankdienste, sê bedrieërs kom ook heeltyd met nuwe planne en bedrogskemas vorendag.

Ná die bekendmaking van die nasionale misdaadstatistieke het Sabric sy kommer uitgespreek oor die toename van 75% op ’n jaargrondslag in die bedrogvoorvalle op verskillende bank-apps, aanlyn bankdienste en banksake wat via slimfone gedoen is.

In 2018 is sowat 23 500 gevalle aangemeld wat tot verliese van R262,8 miljoen gelei het.

Bedrog met Suid-Afrikaans uitgereikte kredietkaarte waar die kaart nie teenwoordig was nie, was verantwoordelik vir sowat 80% van die verliese, sê Sabric.

Die ombud vir bankdienste het ook die laaste paar jaar gesien hoe klagtes oor aanlyn bedrog styg. Dit maak nou die grootste deel van klagtes uit.

Luidens die bankombud se jongste jaarverslag ontvang die kantoor daagliks gemiddeld 5,6 klagtes van kliënte wat geld verloor het weens bedrog met internetbankdienste.

Al waarsku banke kliënte, is die vervalste e-posse en oproepe so oortuigend dat verbruikers steeds in die strikke trap en hul besonderhede verskaf aan iemand wat hulle dink is ’n bankamptenaar, het Reana Steyn, die ombud, gesê.

Fox sê nog ’n voorbeeld van sosiale knoeiery behels die gebruik van sosiale media en afspraak-webtuistes waar welvarende vryers niksvermoedende individue die hof maak met beloftes van vakansies en geskenke. Kort voor lank vra hulle egter finansiële hulp vir ’n onvoorsiene krisis wat opgeduik het en verdwyn dan met die slagoffers se geld. – Netwerk24

GRYSBLOK

Wenke vir aanlyn kopies

· Die “s” in die “https” op webblaaie is nie meer ’n waarborg dat dit ’n veilige webblad is nie.

· Wanneer jy op ’n e-handel-webblad registreer, kies ’n sterk wagwoord of selfs ’n wagfrase. Moet dit nooit op jou rekenaar of selfoon stoor nie.

· Beskerm jou persoonlike inligting. Aanlyn handelaars het nie jou ID-nommer of geboortedatum nodig nie.

· Gaan jou bankbalans na nadat jy betaal het en meld enige verdagte of bedrieglike transaksies onmiddellik by jou bank aan.

Soortgelyk

 

69 nuwe gevalle stoot bevestigde gevalle op tot 1...

6 ure gelede | Gesondheid

Die aantal bevestigde Covid-19-gevalle in die land het vandag met 69 tot 1 687 opgeskuif. Volgens die minister van gesondheid en maatskaplike dienste (MoHSS) dr....

Covid-19-gevalle styg met 96 tot 1 618

1 dag gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê die aantal Covid-19-gevalle het met 96 tot 1 618 gestyg. Hiervan is 75...

Verkeer tussen Namibië, Kaap weens Covid-19 ontwrig

1 dag gelede | Vervoer

Ronelle Rademeyer - Vragverkeer tussen Namibië en die Wes-Kaap kan sedert Donderdagaand nie langs die kortste roete oor die Oranjerivier plaasvind nie, aangesien Suid-Afrika sy...

24-year-old ensuring safety via TaxiConnect

1 dag gelede | Mense

MICHELLINE NAWATISESTaxiConnect is a locally developed ride-hailing company founded in April 2020. TaxiConnect offers an interactive and smart technology of taxi booking for customers and...

Te min isolasie, suurstof vir Walvis se episentrum

1 dag gelede | Gesondheid

Henriette Lamprecht – Walvisbaai, Hentiesbaai en Swakopmund het nie genoeg isolasie- en kwarantyngeriewe om die toenemende stygende aantal positiewe Covid-19-gevalle en -kontakte te isoleer nie....

Rehoboth verenig in rou

1 dag gelede | Misdaad

Denver Kisting op Rehoboth – Die rou snikke van ’n 20-jarige ma van Rehoboth, me. Roseline Moss, kon gister deurgaans gehoor word toe haar twee...

Weer, Vrydag 24 Julie 2020

1 dag gelede | Weer

WEERWAAK: Oosweertoestande sal oor die Namib en kusareas voorkom. Tref voorsorg.BINNELAND: Koud aanvanklik, andersins sonnig en matig tot warm. 'n Taamlik sterk tot sterk noordoostelike...

Vakbonde tree in bresse vir fabriekswerkers

1 dag gelede | Visserye

Erongo-span – Die president van die Vakbondkongres van Namibië (Tucna), mnr. Paulus Hango, het gesê vakbonde wat werkers in die vissersbedryf verteenwoordig, is bekommerd oor...

Bou van ambassade stort miljoene in ekonomie

1 dag gelede | Infrastruktuur

Kristien Kruger – Die oprigting van die nuwe Amerikaanse ambassadekompleks in Klein-Windhoek het gister 'n sooispitseremonie bereik waartydens dié land se ambassadeur in Namibië, me....