Be­drog­saak sloer 7 jaar

Nog nie gevra om te pleit

14 June 2019 | Howe
Ronelle Rademeyer - Sewe jaar nadat ’n bedrogsaak van sowat N$4 miljoen teen twee voormalige boekhouers van Mariental aanhangig gemaak is, moes dié verhoor vandeesweek opnuut uitgestel word.

Dié keer omdat die streekhof op Mariental se krag af is.

Die twee beskuldigdes, me. Madeleine Kirsten (47) en haar man, mnr. Gideon Johannes (Johan) Kirsten (45), is reeds op 27 Februarie 2012 in hegtenis geneem, waarná hulle op borgtog van N$5 000 elk vrygelaat is.

Die egpaar staan tereg op 121 klagte van bedrog, alternatiewelik diefstal.

Die egpaar het kliënte se terugbetalings van die ontvanger van inkomste na bewering vir hulself toegeëien.

Die klagte spruit uit die tyd nadat die Kirstens die rekenkundige firma Namib Finansiële Adviesdienste op 1 Maart 2009 by mnr. Max Meyer oorgeneem het. Hulle het dit onder die naam Namib Accounting Services BK bedryf.

Die bewering is dat hulle die belastingtjeks wat deur die ministerie van finansies aan hulle kliënte terugbetaal is, óf by die bank gewissel het óf in hul persoonlike bankrekeninge inbetaal het.

Meyer het destyds van die vermeende bedrog met die belastingtjeks bewus geword en dit by die polisie aangemeld.

“Die Kirstens is nog nie eens gevra om te pleit nie. Veertien van die ongeveer sestig mense wat na bewering deur hulle benadeel is, leef nie meer,” sê Meyer, wat ongelukkig is omdat die saak keer op keer uitgestel word en nie ’n enkele getuie al geroep is nie.

Die verhoor is gister tot die week van 24 Junie uitgestel.

Adv. Albert Strydom tree in opdrag van mnr. JP van Zyl vir die Kirstens op.

Soortgelyk

 

Man vas oor lewende ietermagô

4 ure gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

7 ure gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

16 ure gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

16 ure gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

16 ure gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

16 ure gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

16 ure gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

16 ure gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

16 ure gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...