Bates verruil vir 'n pot lensiesop

05 December 2019 | Menings
JURIE VILJOEN SKRYF:

Ope brief aan agbare Alpheus !Naruseb

Geagte Minister

Ek skryf hierdie brief in Afrikaans om twee redes:

Ek weet u sal nie omgee nie, omdat u moontlik onthou hoe erg my Namlish in die Parlement was.

Ek skryf in “my ma” se taal, omdat ek ’n opregte behoefte het om my duidelik uit te druk.

Ek hoef nie vleitaal te gebruik nie, maar ek kan met oortuiging sê dat u van die begin af een van die mees gerespekteerde parlementslede was en nog steeds is.

My betoog gaan oor die afsaag van ons bome in die noorde van Namibië. Daar is kort-kort ’n verwysing hierna in die openbare media en selfs foto’s van die hout wat vervoer word. U sal bewus wees daarvan dat die bome in Malawië en Angola omgesit word in houtskool waarmee vuur gemaak word. Hierdie lande neem dit wat mooi is weg.

Ek het anderdag gelees dat van die witgatbome by die krokodilplaas op Otjiwarongo tot 800 jaar oud is. In die Noorde van die land het ons die pragtige “valsmopanies” wat ook etlike honderde jare oud is. Een van die grootste bates van die Noorde is die mooi bome.

Ek doen hierdie navraag omdat dit die persepsie is van ons Namibiërs op straat, wat magteloos voel omdat ons geen inspraak of sê het nie.

Word hierdie hout maar aan vreemde moonthede verkoop, sodat hulle mooi dinge kan maak wat weer aan ons verkoop word? As dit so is, is dit nie maar dieselfde as die visskandaal waarin ons bates vir ’n pot lensiesop verruil word nie? Ons weet nie, maar ons vra.

Daar kan dalk aanvaar word dat van die plaaslike Namibiërs ook kontant kry vir hierdie hout; ’n kortsigtige siening. Om hierdie siening van kortsigtigheid te illustreer: Toe ons ’n ondersoek ingestel het na die kwessie van tienerswangerskappe in skole, het ons agtergekom dat van die ouers hulle dogters dorp toe stuur om geld te verdien.

My standpunt is dat die regering baie mooi moet dink oor 'n benadering dat mense geld kan maak deur ons bome te verkoop.

Geagte minister, ek hoop dat ons persepsie verkeerd is, want Namibiërs was nog nooit so moeg vir korrupsie nie en dit sal ons samebindende faktor wees.

Ek skryf hierdie brief met groot respek teenoor u en sou onderaan wou skrywe "oningeligte Namibiër", maar verkies my eie naam.

Soortgelyk

 

50 nuwe Covid-19-gevalle, 32 in Windhoek

14 ure gelede | Gesondheid

Die uitvoerende direkteur in die ministerie van gesondheid en maatskaplike dienste, mnr. Ben Nangombe, sê 50 nuwe gevalle van Covid-19 is in die land aangekondig....

Bykans N$1 miljoen se dwelms in Julie gekonfiskeer

1 dag gelede | Misdaad

Die Namibiese polisie het tussen 1 en 31 Julie dwelms ter waarde van altesaam N$958 390 gekonfiskeer en 97 verdagtes in hegtenis geneem. Daar is...

Mariental se skaapabattoir sluit deure

1 dag gelede | Landbou

Elvira Hattingh - Die Farmer’s Meat Market abattoir op Mariental (FMM), wat deur Hartlief besit word, sal op 31 Augustus sy deure sluit.Die Hartlief-groep se...

Vandag se Covid-19-data

1 dag gelede | Gesondheid

'n Visuele opsomming van die inligting vir gister, soos vanmiddag aangekondig deur die minister van gesondheid en maatskaplike dienste, dr. Kalumbi Shangula.

Diewe vort met N$1 miljoen uit Swakopmund-huis

1 dag gelede | Misdaad

Die Namibiese polisie sê verdagtes het gisteroggend ‘n kluis met N$1 miljoen daarbinne uit ‘n sakevrou se huis in Swakopmund gesteel. Volgens die polisie het...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Nog 'n sterfte, 150 nuwe Covid-19-gevalle

1 dag gelede | Gesondheid

Die minister van gesondheid en maatskaplike dienste dr. Kalumbi Shangula sê 'n 84-jarige vrou van Windhoek wat vir 'n operasie in 'n plaaslike hospitaal opgeneem...

Covid-sterftes styg tot 15

2 dae gelede | Gesondheid

Henriette LamprechtDrie Covid-19-verwante sterftes is gister in die Erongostreek aangemeld en wel twee op Walvisbaai en een in Swakopmund. Die bring die nasionale totaal op...

Libanees in Namibië rou oor geliefde Beiroet

2 dae gelede | Ongelukke

Ronelle Rademeyer – Was dit nie vir ’n reis na Khartoum sowat 60 km suid van Beiroet vir die viering van die Moslem-fees Eid-oel-Adha nie,...