Bankwerkers sal oor staking stem

Vakbond vra kompromis

17 July 2019 | Arbeid
Elvira Hattingh - Lede van die Bankwerkersvakbond van Namibië (Bawon) gaan binnekort stem oor of hulle aan ’n staking wil deelneem ná salarisonderhandelinge met Standard Bank glo ‘n dooiepunt bereik het.

Mnr. Thomas Muchima, sekretaris-generaal van die vakbond, het gister tydens ‘n nuuskonferensie gesê die vakbond en die bank sal die stemproses vandeesweek uitpluis.

Muchima sê die bank volstaan by ’n 5,2%-salarisverhoging vir werkers, terwyl die vakbond 7,2% eis en die bank gevra het om hulle “in die middel te ontmoet” op 6,2%.

“Dit is nie Bawon of sy lede se doel om te staak nie, maar dit is ons laaste uitweg nadat ons alle ander opsies probeer het,” het hy gesê en bygevoeg die staking sal vreedsame optogte insluit.

“Ons wil die publiek in kennis stel dat ons lede nie tydens die staking sal werk nie. Dit mag klink of ons onredelik raak, want dit is amper soos wanneer die nasionale kragverskaffer besluit om die elektrisiteit af te skakel. Dit is egter nie die bedoeling nie.”

Muchima sê werknemers staan slegs op hul regte omdat daar nie op hul “billike eise” ag geslaan word nie.

Hy sê dié proses volg nadat die vakbond en die bank “sekerlik agt of nege keer rondom die onderhandelingstafel gesit het” en selfs ná ‘n bemiddelingsproses by die arbeidskommissaris nie op ‘n verhoging kon ooreenkom nie.

Hy sê ‘n verhoging van 6,2% sal beteken altesaam N$40 miljoen word in die plaaslike arbeidsmark ingestoot, wat tot die stimulering van die sukkelende ekonomie kan bydra.

“Vergelyk dit met die N$400 miljoen wat die bank onlangs gemaak het – die salarisverhoging sal die bank steeds met ‘n wins van N$360 miljoen laat!”

Muchima meen aandeelhouers kan een enkele jaar van hul winste opoffer omdat werknemers dit jaarliks moet doen.

BANK BIED 5,2%

“Ons vra slegs dat hulle hul aanbod met ‘n verdere 1% opstoot. Ons veg vir net 1%. Is daar enige aanduiding dat Standard Bank bankrot sal wees as hy so ‘n verhoging toestaan?”

Hy meen die bank kan die voorgestelde salarisverhoging bekostig omdat dit voortdurend ’n wins toon ondanks die uitdagende ekonomie.

“Ons is selfs bereid om ‘n 6%-verhoging te aanvaar. Ons wil net hê hulle moet ons halfpad ontmoet,” het Muchima gesê en bygevoeg Bawon verteenwoordig sowat 1 300 lede by Standard Bank, terwyl die bank sê hy verskaf werk aan 1 700 mense.

“Ons verstaan die ekonomie vaar nie goed nie, maar as instansies oor die ekonomie kla, dink net hoeveel te meer raak die omstandighede die werknemers,” het Muchima gesê.

Hy het ook gesê lede moenie toelaat dat dreigemente van afleggings hulle intimideer nie, omdat besighede sekere prosedures moet volg en eers “aan die regering sal moet bewys hulle maak nie winste nie”.

Muchima het ook gesê Standard Bank se werknemers het verlede jaar ‘n 6,8%-verhoging gekry.

BANK REAGEER

Intussen het Standard Bank se bemarkingshoof, me. Magreth Mengo, in ‘n nuusverklaring gesê die bank hét oor die afgelope vyf jaar salarisverhogings toegestaan wat mededingend, markverwant en hoër as inflasie was.

Sy sê werknemers se salarisse, asook behuisings- en vervoertoelae vergelyk goed of is bo bedryfsgemiddeldes.

Sy sê die vakbond het aanvanklik vir ‘n 9%-verhoging gevra, maar kon nie gronde vir so ‘n hoë eis verskaf nie, terwyl inflasie net op 4,1% staan.

Sy sê die bank het hul aanvanklike aanbod van 4,5% eindelik na 5,2% verhoog nadat die vakbond sy eis na 7,2% verlaag het.

“In werklikheid sal meer as 60% van Standard Bank se werknemers ‘n verhoging van tussen 5,5% en 6% kry op grond van hul werksprestasie in 2018,” het sy gesê.

Die bank het bygevoeg die proses behels slegs Bawon se bedingingseenheid omdat werknemers op bestuursvlak reeds ingestem het op salarisverhogings van onderskeidelik 0% en 3%.

Soortgelyk

 

The rose among the thorns

16 ure gelede | Mense

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

16 ure gelede | Mense

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Fishrot-klankie tref korrupsie-indeks

16 ure gelede | Misdaad

Jo-Maré Duddy - Hoewel die Fishrot-skandaal in die jongste korrupsieverslag van 'n internasionale waghond vermeld word en Namibië vier plekke op 'n wêreldindeks moes inboet,...

Boere betáál vir ‘katkoppe’

16 ure gelede | In beeld

Veilingspryse vir tollies en verse bereik tans nuwe rekordhoogtes, met die hoogste prys van N$47,37 per kg wat vandeesmaand tydens ’n Blaauwberg-veiling op Grootfontein betaal...

Swartlys sy voorland, sê Hatuikulipi

16 ure gelede | Howe

Denver Kisting - Die eertydse uitvoerende hoof van Investec Asset ­Management en een van die sogenaamde Fishrot-beskuldigdes, mnr. James ­Hatuikulipi, sê sy bankrekening is N$150...

Bank Windhoek assigns Muukua with CSI and Stakeholder Engagement...

16 ure gelede | Gemeenskap

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

16 ure gelede | Gemeenskap

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

16 ure gelede | Mense

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

16 ure gelede | Mense

Mariselle Stofberg“So many times I focused on what I wanted to become, neglecting the process required to get there. As I matured, I realised the...